Rameshwaram Cafe Explosion : ఆ 86 నిమిషాల్లో ఏం జరిగింది? రామేశ్వరం కేఫ్​ పేలుడులో కీలక ఆధారాలు..-timeline of bengalurus rameshwaram cafe explosion explained ,జాతీయ - అంతర్జాతీయ న్యూస్
తెలుగు న్యూస్  /  National International  /  Timeline Of Bengaluru's Rameshwaram Cafe Explosion Explained

Rameshwaram Cafe Explosion : ఆ 86 నిమిషాల్లో ఏం జరిగింది? రామేశ్వరం కేఫ్​ పేలుడులో కీలక ఆధారాలు..

Sharath Chitturi HT Telugu
Mar 02, 2024 01:10 PM IST

Rameshwaram cafe blast suspect : రామేశ్వరం కేఫ్​ బాంబు పేలుడు ఘటనకు సంబంధించిన సీసీటీవీ కెమెరాలను అధికారులు పరిశీలించారు. పలు కీలక ఆధారాలు బయటపడ్డాయి.

రామేశ్వరం కేఫ్​ వద్ద పోలీసులు..
రామేశ్వరం కేఫ్​ వద్ద పోలీసులు.. (HT_PRINT)

Rameshwaram cafe blast exploion : దేశవ్యాప్తంగా సంచలనం సృష్టించిన బెంగళూరు రామేశ్వరం కేఫ్​ బాంబు పేలుడు ఘటనలో పలు కీలక వివరాలు బయటకి వచ్చాయి. పేలుడు ఘటనపై దర్యాప్తు చేపట్టగా పలు కీలక ఆధారాలు లభించాయి. నిందితుడు బస్సు దిగి.. కేఫ్​లోకి వెళ్లినప్పటి నుంచి.. పేలుడు జరిగిన సమయం వరకు సంబంధించిన విజువల్స్​.. సీసీటీవీ కెమెరాల్లో రికార్డు అయ్యాయి. అవి దర్యాప్తులో చాలా కీలకంగా మారనున్నాయి.

ట్రెండింగ్ వార్తలు

రామేశ్వరం కేఫ్​ బాంబు పేలుడు- టైమ్​లైన్​..

శుక్రవారం ఉదయం 11:30 నిమిషాలకు.. ఓ వ్యక్తి బస్సు దిగి, రామేశ్వరం కేఫ్​లోకి వెళ్లాడు. 11:38 నిమిషాలకు రవ ఇడ్లి ఆర్డర్​ చేశారు. 11:44 నిమిషాలకు రెస్ట్​రూమ్​కి వెళ్లి హ్యాండ్​ వాష్​ చేసుకున్నాడు. హ్యాండ్​ వాష్​ ఏరియాలో ఓ బ్యాగు వదిలాడు.

11:45 గంటలకు ఆ వ్యక్తి కేఫ్​ నుంచి బయటకు వెళ్లిపోయాడు. ఫుట్​పాత్​పై నడవకుండా.. రోడ్డుకు అడ్డంగా నడుచుకుంటూ వెళ్లిపోయాడు.

12:56 నిమిషాలకు.. బెంగళూరు రామేశ్వరం కేఫ్​లో బాంబు పేలుడు చోటుచేసుకుంది. కస్టమర్లు, కేఫ్​ సిబ్బంది.. భయంతో బయటకు పరుగులు తీశారు. అంతా గందరగోళం నెలకొంది.

Rameshwaram cafe blast news : దర్యాప్తులో భాగంగా.. కేఫ్​లోని సీసీటీవ కెమెరాలను పరిశీలించిన పోలీసుల కన్ను ఆ వ్యక్తిపై పడింది. అతని కదలికలను గమనించారు. ఓ బ్యాగును అతను వదిలివెళ్లడాన్ని గుర్తించారు. అందులోనే ఐఈడీ ఉందని, అదే పేలిందని అధికారులు అనుమానిస్తున్నారు. ఫుట్​పాత్​పై నడిస్తే.. సీసీటీవీ కెమెరాకు ముఖం కనిపిస్తుందని గ్రహించి, కావాలనే రోడ్డుపై ఆ వ్యక్తి నడిచాడని పోలీసులకు అర్థమైంది.

మరో క్లిప్​లో.. నిందితుడు ఫోన్​లో మాట్లాడటాన్ని పోలీసులు గమనించారు. ఆ సమయంలో.. రామేశ్వరం కేఫ్ బాంబు పేలుడుకు ముందు.. అక్కడి వెళ్లిన కాల్స్​ని ట్రాక్​ చేయడం మొదలుపెట్టారు.

Rameshwaram cafe blast suspect : అయితే.. ఆ నిందితుడు ఎవరు? అనేది ఇంకా తెలియలేదు. సీసీటీవీ కెమెరాల్లో అతని ముఖం కూడా సరిగ్గా కనిపించడం లేదని తెలుస్తోంది. కేఫ్​ లోపల ఉన్న కెమెరాలకు అతను చిక్కాడు. ఓ ప్లేట్​ ఇడ్లీ పట్టికెళుతూ కనిపించాడు. కానీ ఆ వ్యక్తి.. తన ముఖాన్ని మాస్క్​, గ్లాస్​తో కప్పేశాడు. తలపై క్యాప్​ పెట్టుకున్నాడు. అందుకే.. అతడిని గుర్తించడం మరింత కష్టంగా మారింది.

బెంగళూరు రామేశ్వరం కేఫ్​లో బాంబు పేలుడు ఘటనపై సీబీఐ దర్యాప్తు చేపట్టింది. నిందితుడిని ట్రేస్​ చేసి, అతనిడి పట్టుకునేందుకు అన్ని విధాలుగా ప్రయత్నిస్తున్నామని, త్వరలోనే ఇతర వివరాలను వెల్లడిస్తామని అధికారులు చెప్పారు.

IPL_Entry_Point

సంబంధిత కథనం