Yuvraj Singh : యువరాజ్ సింగ్​​ ఇంట్లో దొంగతనం.. భారీగా క్యాష్​, నగలు చోరీ!-theft at yuvraj singhs panchkula house huge cash and jewels stolen ,జాతీయ - అంతర్జాతీయ న్యూస్
తెలుగు న్యూస్  /  జాతీయ - అంతర్జాతీయ  /  Yuvraj Singh : యువరాజ్ సింగ్​​ ఇంట్లో దొంగతనం.. భారీగా క్యాష్​, నగలు చోరీ!

Yuvraj Singh : యువరాజ్ సింగ్​​ ఇంట్లో దొంగతనం.. భారీగా క్యాష్​, నగలు చోరీ!

Sharath Chitturi HT Telugu
Feb 17, 2024 05:59 AM IST

Yuvraj Singh house Panchkula : టీమిండియా మాజీ క్రికెటర్​ యువరాజ్​ సింగ్​ ఇంట్లో రూ. 75వేల క్యాష్​, ఇతర నగలు చోరీ అయ్యాయి. ఈ విషయంపై దర్యాప్తు కొనసాగుతోంది.

యువరాజ్​ ఇంట్లో దొంగతనం.. భారీగా క్యాష్​, నగలు చోరీ!
యువరాజ్​ ఇంట్లో దొంగతనం.. భారీగా క్యాష్​, నగలు చోరీ! (PTI)

Theft in Yuvraj Singh house : టీమిండియా మాజీ క్రికెటర్​ యువరాజ్​ సింగ్​ ఇంట్లో దొంగతనం జరిగింది. హరియాణా పంచ్​కులలోని అతని నివాసంలో రూ. 75వేల క్యాష్​, ఎంతో విలువ చేసే నగలు దొంగతనానికి గురయ్యాయి. ఇంట్లో పనిచేసే సిబ్బందే.. ఈ దొంగతనానికి పాల్పడినట్టు తెలుస్తోంది!

ఇదీ జరిగింది..

ఈ ఘటన 2023 అక్టోబర్​ నాటిది! యువరాజ్​ సింగ్​ తల్లి షబ్నమ్​ సింగ్​.. 2023 సెప్టెంబర్​లో గుర్​గావ్​లోని మరో ఇంటికి వెళ్లారు. అక్టోబర్​ 5న.. పంచ్​కులలోని ఎండీసీ సెక్టార్​ 4లో ఉన్న నివాసానికి తిరిగి వచ్చారు. యువరాజ్​ ఇంట్లో దొంగతనం జరిగిందని, రూ. 75వేల నగదు, ఎంతో విలువ చేసే జ్యువెల్లరీ కనిపించడం లేదని ఆమె గుర్తించారు. ఈ నేపథ్యంలోనే.. హౌజ్​ కీపింగ్​ స్టాఫ్​ లలితా దేవి, సిల్దార్​ పాల్​పై ఆమెకు అనుమానం మొదలైంది. ఆమె సొంతంగా అసలు విషయం తెలుసుకోవాలని భావించి, అనుమానితుల కదలికలను గమనించారు. కానీ ఎలాంటి క్లూ లభించలేదు.

ఇంతలో దీపావళి వచ్చింది. లలిదా దేవి, సిల్దార్​ పాల్​లు.. దీపావళి సమయంలో హఠాత్తుగా ఉద్యోగాలు వదిలేసి.. అక్కడి నుంచి వెళ్లిపోయారు. వారిద్దరే యువరాజ్​ ఇంట్లో దొంగతనం చేసి ఉంటారన్న యువరాజ్​సింగ్​ తల్లి అనుమానాలు మరింత బలపడ్డాయి. వెంటనే పోలీస్​ స్టేషన్​కు వెళ్లి జరిగిన విషయాన్ని ఫిర్యాదు చేశారు. ఘటనపై కేసు నమోదు చేసుకున్న పోలీసులు.. దర్యాప్తు చేపట్టారు.

Yuvraj Singh latest news : నిందితులను పట్టుకునేందుకే ఈ విషయాన్ని ఇంతకాలం గుట్టుగా ఉంచినట్టు పోలీసులు వెల్లడించారు.

"అన్ని వివరాలు మీడియాకు చెప్పేస్తే.. దొంగలను మేము ఎలా పట్టుకోవాలి?" అని ఎస్​హెచ్​ఓ మాన్స దేవి అన్నారు.

మరి యువరాజ్​ ఇంట్లో దొంగతనానికి పాల్పడిన వారిని పోలీసులు ఇంకా పట్టుకున్నారా? లేదా? అన్న విషయంపై స్పష్టత లేదు. 6 నెలల క్రితం జరిగిన ఈ ఘటన మాత్రం తాజాగా వెలుగులోకి వచ్చింది.

గంగూలీ ఇంట్లో కూడా..!

Ganguly phone stolen : కాగా.. మరో మాజీ క్రికెటర్​, టీమిండియా మాజీ సారథి సౌరవ్​ గంగూలీ ఇంట్లో కూడా ఇటీవలే దొంగతనం జరిగింది. వ్యక్తిగత సమాచారం ఉన్న ఓ ఫోన్​ దొంగతనానికి గురైనట్టు.. ఫిబ్రవరి 11న పోలీసులకు ఫిర్యాదు చేశారు గంగూలీ.

దొంగతనం జరిగినప్పుడు.. గంగూలీ ఇంట్లో లేరు. ఇంట్లోనే దానిని వదిలి బయటకు వెళ్లినట్టు, తిరిగి వచ్చి చూసేసరికి లేదని ఆయన పోలీసులకు తెలిపారు. కాగా.. గంగూలీ ఇంట్లో ఆ సమయంలో పెయింటింగ్​ వర్క్​ జరిగింది. పెయింటింగ్​ వేసేందుకు వచ్చిన వారిపై పోలీసులు అనుమానం వ్యక్తం చేశారు.

టీ20 వరల్డ్ కప్ 2024

సంబంధిత కథనం