Ganga Vilas cruise : ప్రపంచంలోనే అత్యంత పొడవైన రివర్​ క్రూయిజ్​ను ప్రారంభించిన మోదీ

PM Modi inaugurates Ganga Vilas cruise : ప్రపంచంలోనే అత్యంత పొడవైన రివర్​ క్రూయిజ్​ 'గంగా విలాస్​'ను శుక్రవారం ఉదయం ప్రారంభించారు ప్రధానమంత్రి నరేంద్ర మోదీ. ఉత్తర్​ ప్రదేశ్​ వారణాసిలో జరిగిన ఈవెంట్​లో వర్చువల్​గా పాల్గొన్న మోదీ.. గంగా విలాస్​కు పచ్చజెండా ఊపారు.

"ప్రపంచ రివర్​ క్రూయిజ్​ చరిత్రలో ఇదొక మర్చిపోలేని రోజు! అతి పొడవైన క్రూయిజ్​లో.. అత్యంత సుదీర్ఘమైన ప్రయాణం ప్రారంభమైంది. యూపీ, బిహార్​, ఝార్ఖండ్​, పశ్చిమ్​ బెంగాల్​, బంగ్లాదేశ్​లో ప్రయాణించి.. చివరికి అసోంలోని డిబ్రూగఢ్​కు చేరుకుంటుంది. ఈ ప్రయాణంతో టూరిజంతో పాటు ట్రేడింగ్​ అవకాశాలు కూడా పెరుగుతాయి. ఇన్​లాండ్​ వాటర్​వేస్ అభివృద్ధిని.. ఇండియా ఎంత తీవ్రంగా పరిగణిస్తోందో ఈ గంగా విలాస్​ చెబుతుంది. గంగా విలాస్​లో ఉన్న ప్రయాణికులకు ఒక విషయం చెబుతున్నా.. ఇండియా అనేది మీ అంచనాలకు మించి ఉంటుంది. ఇండియాను మాటల్లో వర్ణించలేరు. హృదయం లోతుల్లో నుంచి ఇండియాను అనుభూతి చెందాలి," అని ప్రధానమంత్రి నరేంద్ర మోదీ అన్నారు.

అత్యంత విలాసవంతమైన రివర్​ క్రూయిజ్​ ఇంటీరియర్​ ఫొటోలు చూసేందుకు ఇక్కడ క్లిక్​ చేయండి.

Ganga Vilas cruise route : అంతకుముందు.. వారణాసిలో 'టెంట్​ సిటీ'ని కూడా ప్రారంభించారు ప్రధాని మోదీ. టెంట్​ సిటీ పేరుతో వారణాసిలో 200కుపైగా టెంట్లు ఏర్పాటు చేశారు. పవిత్రమైన నగరంలోని వివిధ ఘాట్​లను తిలకించే విధంగా ఈ టెంట్లను రూపొందించారు. లైవ్​ క్లాసికల్​ మ్యూజిక్​, సాయంత్రం వేళ నిత్యం జరిగే హారతి కార్యక్రమాలు, యోగా క్లాస్​లను ఈ టెంట్​ సిటీ నుంచి వీక్షించవచ్చు.

అదే సమయంలో.. రూ. 1000కోట్లతో కూడిన పలు ఇన్​లాండ్​ వాటర్​వేస్​ ప్రాజెక్టులను సైతం ప్రారంభించారు ప్రధాని మోదీ.

గంగా విలాస్-​ ప్రత్యేకతలు.. విశేషాలు..!

గంగా విలాస్​ ప్రయాణం 51 రోజుల పాటు ఉంటుంది. ఈ క్రూయిజ్​లో పర్యాటకులు మొత్తం మీద 3,200 కి.మీలు ప్రయాణిస్తారు.

ఇదొక 5 స్టార్​ మూవింగ్​ హోటల్​ అని గంగా విలాస్​ క్రూయిజ్​ డైరక్టర్​ రాజ్​ సింగ్​ అభిప్రాయపడ్డారు. ఇందులో 18 సూట్​లు ఉంటాయి. 36మంది టూరిస్ట్​లు ప్రయాణించే సామర్థ్యం దీని సొంతం. టూరిస్ట్​లతో పాటు 40 సిబ్బంది కూడా ఉంటారు.

Ganga Vilas cruise price : ఈ గంగా విలాస్​ క్రూయిజ్​ పొడవు 62మీటర్లు, వెడల్పు 12మీటర్లు ఉంటుంది. దీని డ్రాఫ్ట్​ 1.4మీటర్లు.

ఈ గంగా విలాస్​ క్రూయిజ్​లో స్పా, సెలూన్​, జిమ్​లు కూడా ఉంటాయి. రోజుకు రూ. 25వేలు- రూ.50వేలు ఖర్చు అవుతుంది. మొత్తం మీద 51రోజుల ప్రయాణంలో.. ఒక్కో ప్రయాణికుడికి 20లక్షల వరకు ఖర్చు అవుతుంది.