Swiggy : 2022 స్విగ్గీ సెర్చ్​ లిస్ట్​.. పెట్రోల్​- అండర్​వేర్​ని కూడా వెతికేశారు!

How India Swiggy'd 2022 : స్విగ్గీ ఇన్​స్టామార్ట్​లో కస్టమర్లు వెతికిన 'సెర్చ్​ లిస్ట్​'ను ఆ సంస్థ ఇటీవలే వెల్లడించింది. పెట్రోల్​, అండర్​వేర్​ వంటి వాటి కోసం కస్టమర్లు వెతికినట్టు 'హౌ ఇండియా స్విగ్గీడ్​ 2022' రిపోర్ట్​లో తేలింది!

స్విగ్గీ ఇన్​స్టామార్ట్​లో.. పెట్రోల్​ కోసం 5,981 సెర్చ్​లు వచ్చాయి. అండర్​వేర్​ను 8,810 మంది వెతికారు. సోఫాలు, బెడ్​లను కూడా స్విగ్గీ ఇన్​స్టామార్ట్​లో సెర్చ్​ చేశారు.

Swiggy search list : అన్నిటికన్నా వింత సెర్చ్​ పదం ఒకటి ఉంది. 'మామీ' అనే పదాన్ని 7,275 మంది స్విగ్గీ ఇన్​స్టామార్ట్​లో వెతికారు. వీటిపై ఎలా స్పందించాలో తెలియక స్విగ్గీ ఆయోమయంలో పడింది!

'మీరు ఊహించని ఎన్నో విషయాలను ఇన్​స్టామార్ట్​లో సెర్చ్​ చేశారు. పెట్రోల్​కు 5,981.. అండర్​వేర్​కు 8,810.. మామీకి 7,275.. సోఫాకు 20,653.. బెడ్​కు 23,432 సెర్చ్​లు ఉన్నాయి,' అని ట్విట్టర్​లో సైతం పోస్ట్​ చేసింది స్విగ్గీ.

Petrol in Swiggy instamart : ఈ విషయంపై నెటిజన్లు ఆశ్చర్యం వ్యక్తం చేశారు. చాలా మంది షాక్​కు గురయ్యారు. "ఇన్​స్టెంట్​గా అండర్​వేర్​ ఎవరికి కావాలి? దానిని ఎలా డెలివరీ తీసుకుంటారు?" అని ఓ నెటిజెన్​ కామెంట్​ పెట్టగా.. "ఇన్​కాగ్నిటో మోడ్​ను స్విగ్గీ ప్రవేశపెట్టాలి. ప్రజలు ఏం సెర్చ్​ చేస్తున్నారో స్విగ్గీకి తెలియకూడదు," అని మరో వ్యక్తి రాసుకొచ్చారు. "వాహనంలో పెట్రోల్​ అయిపోయి ఉంటుంది. అందుకే ప్రజలు సెర్చ్​ చేసి ఉంటారు. వారికి స్విగ్గీ హెల్ప్​ చేయాలి," అని మరో యూజర్​ రాశారు.

బిర్యానీకి భలే గిరాకీ..!

Swiggy instamart : మరోవైపు 2022లో ప్రజలు ఎక్కువగా ఆర్డర్​ ఇచ్చిన ఫుడ్​ను తమ వార్షిక రిపోర్ట్​లో వెల్లడించింది స్విగ్గీ. ఈ జాబితాలో ఈ ఏడాది కూడా బిర్యానీనే నిలిచింది. బిర్యానీ టాప్​లో ఉండటం ఇది వరుసగా 7వ ఏడాది! 2022లో నిమిషానికి 137 బిర్యానీ ఆర్డర్లు వచ్చాయి.

2022 Swiggy orders list : అంతేకాకుండా.. 3.6కోట్ల చిప్స్​ ప్యాకెట్​ను డెలివరీ చేసినట్టు స్విగ్గీ చెప్పింది. దీపావళి రోజు బెంగళూరుకు చెందిన ఒకే వ్యక్తిని స్విగ్గీకి రూ. 75,378 విలువ చేసే ఆర్డర్​ అందుకున్నట్టు పేర్కొంది. బెంగళూరులోనే మరో వ్యక్తి.. ఇన్​స్టామార్ట్​లో రూ. 16.6లక్షలు విలువ చేసే గ్రాసరీని 2022లో ఆర్డర్​ చేసినట్టు వివరించింది. మరోవైపు పుణెకు చెందిన వ్యక్తి.. రూ. 71,229 ఖర్చు చేసి బర్గర్స్​, ఫ్రైస్​ ఆర్డర్​ ఇచ్చాడు! ఇలా ఇంకెందరో స్విగ్గీ ఫుడ్​ డెలివరీ సేవలను వినియోగించుకున్నారు.