Paytm outage : దేశవ్యాప్తంగా పేటీఎం సేవలకు అంతరాయం

Paytm outage : దేశవ్యాప్తంగా పేటీఎం సేవలకు శుక్రవారం అంతరాయం ఏర్పడింది. చాలా మందికి పేటీఎం యాప్​ పనిచేయలేదు. పేటీఎం ద్వారా లావాదేవీలు జరగడం లేదని ఫిర్యాదు వెల్లువెత్తాయి.

ఆన్​లైన్​ యాప్స్​ సేవలను పరిశీలించే డౌన్​డిటెక్టర్​రు శుక్రవారం ఉదయం 10గంటల నాటికే 611 ఫిర్యాదులు అందాయి. ఫేటీఎం పనిచేయడం లేదని 66శాతం మంది వినియోగదారులు పేర్కొన్నారు. యాప్​లో సమస్యలు ఉన్నట్టు 29శాతం మంది పేర్కొన్నారు. ముఖ్యంగా ఢిల్లీ, ముంబై , బెంగళూరు వంటి నగరాల్లో ప్రజలు చాలా ఇబ్బంది పడ్డారు.

తమ యాప్​లో నెట్​వర్క్​ సమస్యలు ఉన్నాయని పేటీఎం అంగీకరించింది. ఈ మేరకు ఉదయం 9:30కి ఓ ట్వీట్​ చేసింది. తమ నిపుణుల బృందం సమస్య పరిష్కారానికి కృషిచేస్తున్నట్టు వివరించింది.

పేటీఎంలో తలెత్తిన సమస్యలను ఉదయం 11:30 సమయంలో సంస్థ పరిష్కరించినట్టు తెలుస్తోంది. ఇప్పుడు యాప్​ ఎప్పటిలాగానే పనిచేస్తోంది. వినియోగదారులు లావాదేవీలు చేసుకోగలుగుతున్నారు.

సామాజిక మాధ్యమాల్లో 'పేటీఎండౌన్​' హ్యాష్​ట్యాగ్​లు ట్రెండ్​ అయ్యాయి.