NEET PG Result 2024 : ఇంకొన్ని రోజుల్లో నీట్​ పీజీ ఫలితాలు విడుదల- ఇలా చెక్​ చేసుకోండి..

నేషనల్ బోర్డ్ ఆఫ్ ఎగ్జామినేషన్స్ ఇన్ మెడికల్ సైన్సెస్ (ఎన్బీఈఎంఎస్) నిర్వహించిన నేషనల్ ఎలిజిబిలిటీ కమ్ ఎంట్రన్స్ టెస్ట్ పోస్ట్ గ్రాడ్యుయేట్ (నీట్ పీజీ 2024) ఫలితాలు ఇంకొన్ని రోజుల్లో విడుదలవుతాయని సమాచారం. నీట్​ పీజీ రాసిన అభ్యర్థులు natboard.edu.in, nbe.edu.in అధికారిక వెబ్​సైట్స్​లో ఫలితాలను చెక్​ చేసుకోవచ్చు.

ఆగస్టు 11న జరిగిన పోస్ట్ గ్రాడ్యుయేట్ పరీక్షకు హాజరైన అభ్యర్థుల మార్కులతో కూడిన పీడీఎఫ్​లో ఫలితాలను చూసుకోవచ్చు. నీట్​ పీజీ ఫలితాలు వెలువడిన కొద్ది రోజుల్లోనే వ్యక్తిగత స్కోర్​కార్డులు విడుదలవుతాయని అభ్యర్థులు గమనించాలి. ఫలితాలతో పాటు నీట్ పీజీ కటాఫ్ మార్కులను కూడా ఎన్బీఈఎంఎస్ ప్రకటిస్తుంది.

నీట్ పీజీ ఫలితాలు 2024 ఎలా చెక్ చేసి డోన్​లోడ్​ చేసుకోవాలి?

నీట్ పీజీ ఫలితాలను చెక్​ చేసుకోవడానికి ఇలా చేయండి..

స్టెప్​ 1: nbe.edu.in లేదా natboard.edu.in అధికారిక వెబ్​సైట్​ని సందర్శించండి.

స్టెప్​ 2: హోమ్ పేజీలోని 'నీట్ పీజీ' లింక్​పై క్లిక్ చేయండి.

స్టెప్​ 3: నీట్ పజీ ఫలితాలు 2024పై క్లిక్ చేయండి.

స్టెప్ 4: నీట్ పీజ ఫలితాలను ప్రదర్శించే కొత్త విండో ఓపెన్ అవుతుంది. 

స్టెప్ 5: మీ పేరు లేదా రోల్ నంబర్ ఉపయోగించి జాబితాలో మీ ఫలితాన్ని చెక్​ చసుకోండి.

స్టెప్ 6: పీడీఎఫ్​ని సేవ్ చేసి డౌన్​లోడ్ చేసుకోండి.

ఇదీ చూడండి:- UGC Fake Universities List : ఏపీలో రెండు ఫేక్ యూనివర్సిటీలు, దేశవ్యాప్తంగా 21 - యూజీసీ ప్రకటన

“ఒకటి కంటే ఎక్కువ షిఫ్ట్స్​లో వివిధ పరీక్షల కోసం దిల్లీ ఎయిమ్స్​ అవలంభిస్తున్న పక్రియను నీట్​ పీజీ 2024 ఫలితాలను రూపొందించేందుకు ఉపయోగిస్తున్నాము,” అని ఎన్బీఈఎంఎస్​ ఓ ప్రకనటలో తెలిపింది.

ఈ నెలలో జరిగిన నీట్ పీజీ పరీక్షకు 31 రాష్ట్రాల్లోని 170 నగరాల్లోని 416 కేంద్రాల్లో మొత్తం 2,16,136 మంది అభ్యర్థులు హాజరయ్యారు. రెండు షిఫ్టుల్లో పరీక్షను నిర్వహించారు.

మొదటిది ఉదయం 9 గంటల నుంచి 12:30 గంటల వరకు, మరుసటి రోజు మధ్యాహ్నం 3:30 గంటల నుంచి సాయంత్రం 7 గంటల వరకు రెండు షిఫ్టుల్లో పరీక్ష నిర్వహించారు.

26,699 డాక్టర్ ఆఫ్ మెడిసిన్ (ఎండీ), 922 పీజీ డిప్లొమా సీట్లు ఉన్నాయి.

వాస్తవానికి ఈ పరీక్ష జూన్​లోనే జరగాల్సి ఉంది. కానీ నీట్​ యూజీ పేపర్​ లీక్​ వివాదం నేపథ్యంలో నీట్​ పీజీని వాయిదా వేశారు. చివరికి ఆగస్ట్​లో నిర్వహించారు.