Woman married brother : సోదరుడిని పెళ్లి చేసుకున్న మహిళ.. కారణం తెలిస్తే షాక్​!-married woman weds brother to get cash gifts under uttar pradesh govt scheme ,జాతీయ - అంతర్జాతీయ న్యూస్
తెలుగు న్యూస్  /  National International  /  Married Woman Weds Brother To Get Cash, Gifts Under Uttar Pradesh Govt Scheme

Woman married brother : సోదరుడిని పెళ్లి చేసుకున్న మహిళ.. కారణం తెలిస్తే షాక్​!

Sharath Chitturi HT Telugu
Mar 19, 2024 01:25 PM IST

Woman married brother in UP : ఉత్తర్​ ప్రదేశ్​లో.. ఓ మహిళ, తన సొంత సోదరుడిని పెళ్లి చేసుకుంది! అసలు విషయం తెలిసిన వారందరు షాక్​ అవుతున్నారు.

సోదరుడిని పెళ్లి చేసుకున్న మహిళ..
సోదరుడిని పెళ్లి చేసుకున్న మహిళ.. (File photo)

Uttar Pradesh Woman married brother : ఉత్తర్​ ప్రదేశ్​లో ఓ వింత ఘటన చోటుచేసుకుంది. ఓ మహిళ.. తన సొంత సోదరుడిని పెళ్లి చేసుకుంది! ముఖ్యమంత్రి సామూహిక్​ వివాహ్​ యోజనలో భాగంగా అందే డబ్బులు, బహుమతుల కోసం ఆ మహిళ ఈ ప్లాన్​ వేసింది!

ట్రెండింగ్ వార్తలు

ఇదీ జరిగింది..

ఉత్తర్​ ప్రదశ్​ మహారాజ్​గంజ్​లోని లక్ష్మీపూర్​లో ఈ ఘటన జరిగింది. ఇటీవలే.. 38మంది జంటలు సామూహిక వివాహ మహోత్సవంలో పాల్గొని పెళ్లిచేసుకున్నారు. వీరిలో.. ఒకరు ఈ మహిళ, ఆమె సోదరుడు. కాగా.. ఆమె అప్పటికే వేరే వ్యక్తితో పెళ్లి జరిగిపోయింది.

పలు మీడియా కథనాల ప్రకారం.. మధ్యవర్తులు.. ఆ మహిళ, ఆమె సోదరుడికి నచ్చజెప్పి, పెళ్లి పీటలప కూర్చోబెట్టారు. పెళ్లి రోజున.. వారిద్దరు వరమాలలు వేసుకున్నారు, అగ్ని హోమం చుట్టు 7 అడుగులు వేశారు. ఇలా.. సాధారణ పెళ్లిలో జరిగేవన్నీ చేశారు ఆ మహిళ, ఆమె సోదరుడు. ఆ తర్వాత.. అధికారుల నుంచి వారిద్దరికి బహుమతులు కూడా అందాయి.

ఈ విషయం ఎలా బయటకి వచ్చిందో కానీ.. అధికారుల దృష్టికి వెళ్లింది. వివాహిత, తన సోదరుడిని పెళ్లి చేసుకుందన్న ఘటనపై అధికారులు దర్యాప్తు చేపట్టారు. ఇది నజమే అని తేలినట్టు సమాచారం. సంబంధిత వ్యక్తులపై కఠిన చర్యలు తీసుకుంటామని.. లక్ష్మీపూర్​ బ్లాక్​ డెవలప్​మెంట్​ ఆఫీసర్​ అమిత్​ మిశ్రా తెలిపారు. వారికి ఇచ్చిన బహుమతులను ఇప్పటికే వెనక్కి తీసుకున్నట్టు స్పష్టం చేశారు.

ముఖ్యమంత్రి సామూహిక్​ వివాహ్​ యోజన అంటే ఏంటి?

Mukhyamantri Samoohik Vivah Yojna : ఆర్థికంగా వెనకపడిన వర్గాల కోసం ఉత్తర్​ ప్రదేశ్​ ప్రభుత్వం తీసుకొచ్చిందే.. ఈ ముఖ్యమంత్రి సామూహిక్​ వివాహ్​ యోజన్​. ఈ పథకం కింద.. లబ్ధిదారుల పెళ్లిళ్లలను ప్రభుత్వమే నిర్వహిస్తుంది. సంబంధిత మహిళ మతం, విశ్వాసం, ఆచారాలకు కట్టుబడి ఏర్పాట్లు చేస్తుంది.

ఇక స్కీమ్​లో భాగంగా.. ప్రతి జంటపై ప్రభుత్వం రూ. 51వేలు ఖర్చుపెడుతుంది. వధువుకు రూ. 35వేలు అందాయి. మిగిలినవి.. పెళ్లి ఏర్పాటు ఖర్చుల్లోకి వెళతాయి.

వాస్తవానికి ఈ పథకం చాలా గొప్పదే! కానీ ఇటీవలి కాలంలో జరుగుతున్న మోసాలతో.. ఈ స్కీమ్​ వార్తలకెక్కుతోంది. అడుగడుగునా లోపాలు కనిపిస్తున్నాయి. డబ్బుకు ఆశపడి.. చాలా మంది అధికారులే తప్పులు చేస్తున్నారు.

Mukhyamantri Samoohik Vivah Yojna viral video : ఇటీవలే ఇలాంటి ఘటన ఒకటి చోటుచేసుకుంది. బాలియ ప్రాంతంలో.. వధువులు వారికి వారే వరలమాలలు వేసేసుకుని పెళ్లి తంతు ముగించారు. కొందరైతే.. మహిళల వేషాలు వేసుకుని మరీ పెళ్లి చేసుకున్నారు!

ఉత్తర్​ ప్రదేశ్​లోని బాలియా జిల్లాలో జనవరి 25న జరిగింది ఈ ఘటన. ఆ ఈవెంట్​లో 568 జంటలు పెళ్లి చేసుకున్నట్టు తొలుత అధికారులు చెప్పారు. కానీ.. అదొక స్కామ్​ అని తర్వాత తెలిసింది. వధూవరులుగా నటించేందుకు.. ప్రజలకు డబ్బులిచ్చి మరీ అక్కడికి తీసుకెళ్లారట! రూ. 500 నుంచి రూ. 2వేల వరకు చేతికి ఇచ్చారని సమాచారం. పూర్తి వివరాల కోసం ఇక్కడ క్లిక్​ చేయండి.

WhatsApp channel

సంబంధిత కథనం