UP Wedding Fraud : సామూహిక వివాహల్లోనూ స్కామ్​- రూ. 500 ఇచ్చి, పెళ్లి పీటల మీద కూర్చోపెట్టారు!-up wedding fraud brides seen garlanding themselves ,జాతీయ - అంతర్జాతీయ న్యూస్
తెలుగు న్యూస్  /  National International  /  Up Wedding Fraud Brides Seen Garlanding Themselves

UP Wedding Fraud : సామూహిక వివాహల్లోనూ స్కామ్​- రూ. 500 ఇచ్చి, పెళ్లి పీటల మీద కూర్చోపెట్టారు!

Sharath Chitturi HT Telugu
Feb 04, 2024 11:52 AM IST

Wedding Fraud UP viral video : యూపీలో సామూహిక వివాహాల పేరుతో పెద్ద స్కామే జరిగింది! డబ్బులిచ్చి, ఈవెంట్​కు తీసుకొచ్చి.. పెళ్లి చేయించారట. అసలు ఏం జరిగిందంటే..

మహిళల వేషంలో పురుషులు.. సామూహిక వివాహాల ఈవెంట్​లో ఇంతే!
మహిళల వేషంలో పురుషులు.. సామూహిక వివాహాల ఈవెంట్​లో ఇంతే!

Balia Wedding Fraud : ఉత్తర్​ ప్రదేశ్​లో.. సామూహిక వివాహాల పేరుతో జరిగిన ఓ పెద్ద స్కామ్​ తాజాగా బయపడింది. బాలియా జిల్లాలో జరిగిన ఈ సామూహిక వివాహాల వేడుకలో.. పురుషులు లేకుండానే, మహిళలు.. వారికి వారే వరమాలలు వేసుకుని, పెళ్లి జరిగిపోయినట్టు అనేసుకున్నారు! వారిలో చాలా మందికి డబ్బులు ఇచ్చి అక్కడికి తీసుకెళ్లినట్టు సమాచారం. ఇందుకు సంబంధించిన దృశ్యాలు ప్రస్తుతం సోషల్​ మీడియాలో వైరల్​గా మారాయి.

ట్రెండింగ్ వార్తలు

యూపీలో భారీ వెడ్డింగ్​ స్కామ్​..

ఉత్తర్​ ప్రదేశ్​లోని బాలియా జిల్లాలో జనవరి 25న జరిగింది ఈ ఘటన. ఆ ఈవెంట్​లో 568 జంటలు పెళ్లి చేసుకున్నట్టు తొలుత అధికారులు చెప్పారు. కానీ.. అదొక స్కామ్​ అని తర్వాత తెలిసింది.

వధూవరులుగా నటించేందుకు.. ప్రజలకు డబ్బులిచ్చి మరీ అక్కడికి తీసుకెళ్లారట! రూ. 500 నుంచి రూ. 2వేల వరకు చేతికి ఇచ్చారని సమాచారం. ఇంకా దారుణమైన విషయం ఏంటంటే.. ఆ వేడుకలో ఒక చోట.. పురుషులు లేక.. చాలా మంది వారి మీద వారే వరమాలలు వేసేసుకున్నారు. ఇంకో చోట.. పురుషులే, వధువు ధరించి కట్టుకుని కనిపించారు.

Wedding Fraud in UP : ఈవెంట్​లో పాల్గొన్న ఓ 19ఏళ్ల యువకుడితో ఓ ప్రముఖ వార్తాసంస్థ మాట్లాడింది.

"పెళ్లి చూడటానికి ఆ రోజు నేను అక్కడికి వెళ్లాను. కానీ నన్ను కూడా కూర్చోబెట్టేశారు! డబ్బులిస్తామని అన్నారు. నన్నే కాదు.. చాలా మందిని అలాగే కూర్చోబెట్టారు," అని ఆ యువకుడు చెప్పాడు.

ఈ సామూహిక వివాహ వేడుకకు ముఖ్య అతిథిగా హాజరయ్యారు బీజేపీ ఎమ్మెల్యే కేట్​కి సింగ్​. అసలు విషయం బయటపడటంతో.. స్కామ్​కు పాల్పడిన వారిపై కఠిన చర్యలు తీసుకుంటామని స్పష్టం చేశారు.

UP wedding fraud viral video : ఈ నేపథ్యంలో.. యూపీలో సామూహిక వివాహాల పేరిట జరిగిన స్కామ్​కు సంబంధించి.. ఇద్దరు అధికారులతో పాటు 15మందిని పోలీసులు తాజాగా అరెస్ట్​ చేశారు. ఈ విషయంపై త్రిసభ్య కమిటీని ఏర్పాటు చేసి, వెంటనే దర్యాప్తు చేపట్టినట్టు అధికారులు చెప్పారు.

ప్రభుత్వ అధికారిక వెబ్​సైట్​ ప్రకారం.. సామూహిక వివాహాలకు సంబంధించిన స్కీమ్​లో భాగంగా లబ్ధిదారులకు రూ. 51వేలు అందుతాయి. వీటిల్లో రూ. 35వేలు మహిళలకు, రూ. 10వేలు పెళ్లి సామాగ్రి కొనేందుకు, రూ. 6వేలు ఈవెంట్​కి వెళతాయి.

అయితే.. తాజా స్కామ్​ నేపథ్యంలో.. అసలైన లబ్ధిదారులకు కూడా నగదును నిలిపివేసినట్టు తెలుస్తోంది. దర్యాప్తు ముమ్మరంగా చేపట్టి నివేదిక బయటకి వచ్చిన తర్వాతే.. లబ్ధిదారులకు నిధులు అందించాలని అధికారులు నిర్ణయం తీసుకున్నట్టు సమాచారం.

WhatsApp channel

సంబంధిత కథనం