Amritpal Singh news : పంజాబ్​ పోలీసుల ఎదుట లొంగిపోయిన అమృత్​ పాల్

Amritpal Singh news : నెల రోజుల పాటు పంజాబ్​ పోలీసుల కంటపడకుండా తప్పించుకుని తిరిగిన.. మత ప్రబోధకుడు, ఖలీస్థానీ మద్దతుదారుడు అమృత్​ పాల్​ లొంగిపోయాడు. పోలీసులు అతడిని మోగా ప్రాంతంలో అరెస్ట్​ చేశారు.

“పంజాబ్​ మోగాలో అమృత్​ పాల్​ను అరెస్ట్​ చేశాము. ఇతర వివరాలు త్వరలోనే వెల్లడిస్తాము. ఎలాంటి ఫేక్​ న్యూస్​ వ్యాపించవద్దని ప్రజలకు సూచిస్తున్నాము. ప్రజలు శాంతియుతంగా ఉండాలి,” అని పంజాబ్​ పోలీస్​ విభాగం ట్వీట్​ చేసింది.

మోగాలో రోడ్​ విలేజ్​లోని ఓ గురుద్వారాలో పోలసులకు అమృత్​ పాల్​ లొంగిపోయినట్టు తెలుస్తోంది.

అమృత్​ పాల్​ సింగ్​ను అసోంలోని డిబ్రుఘడ్​కు తరలిస్తున్నట్టు సంబంధిత వర్గాలు వెల్లడించాయి. ఈ 'వారిస్​ పంజాబ్​ దే' చీఫ్​ మద్దతుదారుల్లో 8మంది.. జాతీయ భద్రతా చట్టం కింద ఇప్పటికే అక్కడి జైలులో ఉన్నారు.

Amritpal Singh arrest : అమృత్​సర్​ విమానాశ్రయం నుంచి లండన్​కు తప్పించుకునే క్రమంలో పోలీసులకు దొరికిపోయింది అమృత్​ పాల్​ భార్య కిరణ్​దీప్​ కౌర్​. పోలీసులు ఆమెను అదుపులోకి తీసుకుని విచారణ చేపట్టారు. ఈ ఘటన జరిగిన మూడు రోజులకే వారిస్​ పంజాబ్​ దే చీఫ్​.. పోలీసులు ఎదుట లొంగిపోయాడు.

ఇదీ చదవండి:- Who is Amritpal Singh?: ఎవరీ అమృత్‍పాల్ సింగ్? తెలుసుకోవాల్సిన విషయాలు ఇవే!

నెల రోజుల పాటు.. తప్పించుకుని తిరిగి!

ఖలిస్థానీ దేశం కోసం విపరీతంగా ప్రచారాలు చేస్తున్న వారిలో ఈ అమృత్​ పాల్​ ఒకడు. అతడికి పంజాబ్​ ప్రజల్లో భారీ ఫాలోయింగ్ ఉంది! ఈ ఏడాది ఫిబ్రవరి 24న జరిగిన ఘటన ఇందుకు ఉదాహరణ. అమృత్​ పాల్​ మద్దతుదారుడు, ఓ కిడ్నాప్​ కేసులో ఆరోపణలు ఎదుర్కొంటున్న లవ్​ప్రీత్​ సింగ్​ తూఫాన్​ను పోలీసులు అరెస్ట్​ చేశారు. ఈ విషయం తెలుసుకున్న అమృత్​ పాల్​ మద్దతుదారులు.. భారీ కత్తులు, తుపాకులతో అంజాలా పోలీస్​ స్టేషన్​పై దాడి చేశారు. ఈ ఘటనలో ఆరుగురు పోలీసులు గాయపడ్డారు. అనేక వాహనాలు ధ్వంసమయ్యాయి. ఈ వ్యవహారం దేశవ్యాప్తంగా సంచలనంగా మారాయి.

Amritpal Singh latest news : అప్పటి నుంచి అమృత్​ పాల్​పై పోలీసుల ఫోకస్​ పెరిగింది. ఈ క్రమంలోనే.. ఖలిస్థానీ దేశం కోసం అమృత్​ పాల్​ చేస్తున్న ప్రచారాలు బయటపడ్డాయి. ఫలితంగా అతడిని అరెస్ట్​ చేసేందుకు పంజాబ్​ పోలీసులు రంగంలోకి దిగాడు. కానీ ఈ వారిస్​ పంజాబ్​ దే చీఫ్​.. చాకచక్యంగా తప్పించుకుని మాయమైపోయేవాడు. ఉత్తరాఖండ్​, హరియాణా పోలీసులు సైతం అప్రమత్తమై.. అతడిని పట్టుకునేందుకు ప్రయత్నించారు. ఓవైపు అతడి కోసం అన్వేషిస్తూనే.. మరోవైపు అతడి మద్దతుదారులు, సన్నిహితులు, కుటుంబసభ్యులను విచారించడం మొదలిపెట్టారు. అతడి సమాచారం కోసం తీవ్రంగా ప్రయత్నించారు. కానీ పెద్దగా ఫలితం దక్కలేదు. చివరికి.. అతనే పంజాబ్​ పోలీసుల ఎదుట లొంగిపోయాడు!