Israel attacks Iran : ఇరాన్​పై ఇజ్రాయెల్​ ప్రతీకార దాడి.. ఇక యుద్ధం అనివార్యం?-israeli missiles hit site in iran explosions heard near airport report ,జాతీయ - అంతర్జాతీయ న్యూస్
తెలుగు న్యూస్  /  జాతీయ - అంతర్జాతీయ  /  Israel Attacks Iran : ఇరాన్​పై ఇజ్రాయెల్​ ప్రతీకార దాడి.. ఇక యుద్ధం అనివార్యం?

Israel attacks Iran : ఇరాన్​పై ఇజ్రాయెల్​ ప్రతీకార దాడి.. ఇక యుద్ధం అనివార్యం?

Sharath Chitturi HT Telugu
Apr 19, 2024 08:16 AM IST

Israel attacks Iran : ఇరాన్​పై ఇజ్రాయెల్​ దాడి చేసింది! ఇసాఫాహన్​ అనే ప్రాంతంలోని విమానాశ్రయానికి సమీపంలో పేలుడు శబ్దాలు వినిపించాయి.

ఇరాన్​పై ఇజ్రాయెల్​ ప్రతీకార దాడి
ఇరాన్​పై ఇజ్రాయెల్​ ప్రతీకార దాడి

Israel Iran war : ప్రపంచ దేశాలను మరింత భయాదోళనకు గురిచేస్తూ.. ఇరాన్​పై ఇజ్రాయెల్​ ప్రతీకార దాడి తీర్చుకుంది! ఇరాన్​లోని ఇసాఫాహన్​ అనే ప్రాంతంలోకి ఇజ్రాయెల్​ మిసైల్​ దూసుకెళ్లినట్టు సమాచారం. ఎయిర్​పోర్ట్​కి సమీపంలో భార శబ్దాలు వినిపించినట్టు వార్తలు వస్తున్నాయి. ఇరాన్​కు చెందిన అనేక న్యూక్లియర్​ ప్లాంట్​లు ఇక్కడ ఉండటంతో భయాందోళనలు మరింత పెరిగాయి. అయితే.. తమపై దాడి జరిగిందని ఇరాన్​ వెల్లడించింది కానీ ఆ దాడి చేసింది తామేనని.. ఇజ్రాయెల్​ ఇంకా ధ్రువీకరించలేదు.

ఇదీ నేపథ్యం..

Israel attacks Iran : ఇజ్రాయెల్​- హమాస్​ మధ్య గతేడాది అక్టోబర్​ నుంచి యుద్ధం జరుగుతున్న విషయం తెలిసిందే. కాగా.. తమ అధికారులను కూడా హతమార్చారన్న ఆరోపణలతో.. ఇజ్రాయెల్​పై ఇరాన్​ ఇటీవలే మిసైళ్లతో దాడి చేసింది. వాటిని.. అమెరికా సాయంతో ఇజ్రాయెల్​ సమర్థవంతంగా తిప్పికొట్టింది. తమకు ఏమీ జరగలేదని, ఇది తమ విజయం అని ఇజ్రాయెల్​ చెబుతూ వచ్చింది. ఇరాన్​పై ప్రతీకార దాడి విషయంలో.. సరైన సమయంలో, సరైన నిర్ణయం తీసుకుంటామని పేర్కొంది. తాజాగా.. ఇరాన్​ కాలమానం ప్రకారం.. గురవారం అర్థరాత్రి సమయంలో ఆ దేశంపై ఇజ్రాయెల్​ దాడి చేసింది.

తాజా పరిణామాలు..

ఇసాఫాహన్​ అనే ప్రాంతంలో.. పేలుళ్లు శబ్దం వినిపించిందని.. ఇరాన్​ మీడియా సంస్థలు బ్రేకింగ్​ న్యూస్​ వేశాయి. ఈ నేపథ్యంలో.. అక్కడి ఎయిర్​స్పేస్​ని మూసివేశారు. పలు విమానాలను దారి మళ్లించారు.

మరి ఇరాన్​పై ఇజ్రాయెల్​ దాడి ఘటనలో ప్రాణ, ఆస్తి నష్టం జరిగిందా? అన్నది తెలియాల్సి ఉంది.

అయితే.. ఇజ్రాయెల్​ దాడి చేయకూడదని, ఒక వేళ చేస్తే.. పరిస్థితులు మరింత తీవ్రమవుతాయని ఇరాన్​ హెచ్చరించింది. తమ ప్రయోజనాలను దృష్టిలో పెట్టుకుని.. ఇజ్రాయెల్​పై ప్రతీకారం తీర్చుకుంటామని పేర్కొంది.

ఇజ్రాయెల్​- ఇరాన్​ మధ్య ఉద్రిక్తతలు పెరిగితే.. అది ప్రపంచ దేశాలకు మంచిది కాదు! ద్రవ్యోల్బణం వంటి పరిస్థితులు మరింత దారుణంగా ఉంటాయని రాజకీయ విశ్లేషకులు అభిప్రాయపడుతున్నారు. ఇక ఇరాన్​పై ఇజ్రాయెల్​ దాడి చేసిందన్న వార్తలతో.. ప్రపంచ స్టాక్​ మార్కెట్​లు పతనమయ్యాయి. ఇండియన్​ స్టాక్​ మార్కెట్​లు సైతం భారీ నష్టాల్లో ఓపెన్​ అవ్వనున్నాయి.

IPL_Entry_Point

సంబంధిత కథనం