Ebrahim Raisi death : ఇరాన్​ అధ్యక్షుడు రైసీని ఇజ్రాయెల్​ చంపేసిందా?-israel suspected to be behind ebrahim raisis death what official says ,జాతీయ - అంతర్జాతీయ న్యూస్
తెలుగు న్యూస్  /  జాతీయ - అంతర్జాతీయ  /  Ebrahim Raisi Death : ఇరాన్​ అధ్యక్షుడు రైసీని ఇజ్రాయెల్​ చంపేసిందా?

Ebrahim Raisi death : ఇరాన్​ అధ్యక్షుడు రైసీని ఇజ్రాయెల్​ చంపేసిందా?

Sharath Chitturi HT Telugu
May 20, 2024 06:20 PM IST

Iran President Raisi Israel : ఇరాన్​ అధ్యక్షుడు రైసీ మరణం వెనుక ఇజ్రాయెల్​ హస్తం ఉందన్న ఊహాగానాలు జోరుగా సాగుతున్నాయి. ఇరు దేశాల మధ్య కొనసాగుతున్న ఉద్రిక్తతలు ఇందుకు ఓ కారణం.

ఇరాన్​ అధ్యక్షుడు రైసీని ఇజ్రాయెల్​ చంపేసిందా? నిజం ఏంటి?
ఇరాన్​ అధ్యక్షుడు రైసీని ఇజ్రాయెల్​ చంపేసిందా? నిజం ఏంటి? (HT_PRINT)

Iran President Raisi death : హెలికాప్టర్​ ప్రమాదంలో ఇరాన్​ అధ్యక్షుడు ఇబ్రహీం రైసీ మరణించారని ఆ దేశ మీడియా ధ్రువీకరించింది. కాగా.. ఇజ్రాయెల్​- ఇరాన్​ మధ్య ఉద్రిక్త పరిస్థితులు నెలకొన్న సమయంలోనే ఆయన హెలికాప్టర్​ క్రాష్​ అవ్వడంపై పలు అనుమానాలు వ్యక్తమవుతున్నాయి. ఈ హెలికాప్టర్​ ప్రమాదం వెనుక.. ఇజ్రాయెల్​ హస్తం ఉండి ఉండొచ్చని పలువురు ఆరోపిస్తున్నారు.

ఇదీ జరిగింది..

అజర్​బైజాన్​కు వెళ్లి తిరిగి వస్తున్న సమయంలో.. ఇరాన్​ అధ్యక్షుడు రైసీ, విదేశాంగశాఖ మంత్రి అమీర్​తో పాటు పలువురు ఇతర అధికారులు ప్రయాణిస్తున్న బెల్​ 212 హెలికాప్టర్​.. ఆదివారం సాయంత్రం హార్డ్​ ల్యాండింగ్​ అయ్యింది. అనంతరం రైసీ గురించి ఎలాంటి సమాచారం వెలువడలేదు. తీవ్రస్థాయిలో సహాయక చర్యలు చేపట్టిన ఇరాన్​.. చివరికి.. హెలికాప్టర్​ శిథిలాలు ఉన్న చోటకు చేరుకోగలిగింది. అనంతరం.. హెలికాప్టర్​ ప్రమాదంలో రైసీ మరణించారని సోమవారం ధ్రువీకరించింది.

కానీ.. రైసీ తన జీవితం మొత్తం మీద చాలా వివాదాలకు కేరాఫ్​ అడ్రెస్​గా ఉన్నారు. అందుకే.. ఆయన మరణంపై అనుమానాలు వ్యక్తమవుతున్నాయి. రైసీ మరణం వెనుక కుట్ర ఏదైనా ఉండి ఉండొచ్చని అభిప్రాయాలు వ్యక్తమవుతున్నాయి.

Raisi helicopter crash : "ఇరాన్​ అధ్యక్షుడు ఇబ్రహీం రైసీ.. హెలికాప్టర్​ ప్రమాదం మరణించారు. కానీ దీని వెనుక కుట్ర ఉందని నేను భావిస్తున్నాను. మరి దీనిపై ఇరాన్​ దర్యాప్తు చేస్తుందో లేదో చూడాలి. దీని వెనుక ఇజ్రాయెల్​ పాత్ర ఉందని నా నమ్మకం," అని ఓ సోషల్​ మీడియా యూజర్​ చెప్పుకొచ్చారు.

"ఇజ్రాయెల్​పై ఇరాన్​ ప్రాక్సీ వార్​లో రైసీది కీలక పాత్ర. ఎంతో మందిని కిరాతకంగా తొక్కుకుంటూ పైకి వచ్చారు. తనకు వ్యతిరేకంగా మాట్లాడిన వారిని చంపుకుంటూ వచ్చారు," అని రైసీ గురించి మరో నెటిజన్​ తీవ్రస్థాయిలో ఆరోపణలు చేశారు.

రైసీ మరణం తర్వాత బయటకు వచ్చిన ఓ రిపోర్ట్​ కూడా ఇదే విషయాన్ని నొక్కి చెప్పింది.

Iran President Raisi : "వాతావరణం సరిగ్గా లేకపోవడం, వర్షం- మంచు వల్ల విజిబిలిటీ తగ్గిపోవడం, పైలట్​ తప్పిదం వల్ల హెలికాప్టర్​ ప్రమాదం జరిగి ఉండొచ్చని అధికారులు చెబుతున్నప్పటికీ.. రైసీ మరణం వెనుక కుట్ర కోణం దాగి ఉందని ఊహాగానాలు జోరుగా సాగుతున్నాయి," అని ఆ నివేదిక పేర్కొంది.

'మేమేం చేయలేదు..'

ఇరాన్​ అధ్యక్షుడు రైసీ మరణం వెనుక తమ హస్తం ఉందన్న ఆరోపణలను ఇజ్రాయెల్​ ఖండించింది. 'మేము కాదు. మేమేం చేయలేదు,' అని ఓ అధికారి స్పష్టం చేశారు.

రైసీ మరణంపై ఇజ్రాయెల్​ మీద అనుమానాలు వ్యక్తం అవ్వడం వెనుక బలమైన కారణాలు ఉన్నాయి. మరీ ముఖ్యంగా.. ఈ రెండు దేశాల మధ్య ఇటీవలి కాలంలో తీవ్ర ఉద్రిక్తతలు కొనసాగుతున్నాయి. ఇరు దేశాలు ఒకరిపై ఒకరు దాడులు చేసుకుంటూనే ఉన్నారు.

Iran President Raisi Israel : పైగా.. ఇరాన్​ ఉన్నతాధికారులను హత్య చేసిన హిస్టరీ ఇజ్రాయెల్​ సొంతం. అనేక ఇరానీయన్​ మిలిటరీ అధికారులు, న్యూక్లియర్​ సైంటిస్ట్​లను ఇజ్రాయెల్​ చంపిందని ఊహాగానాలు ఉన్నాయి.

అయితే.. ఇరాన్​ అధ్యక్షుడు రైసీ హెలికాప్టర్​ ప్రమాదంలో ఇజ్రాయెల్​ హస్తం ఉందంటూ.. ఇప్పటికైతే ఎలాంటి అధారాలు వెలువడలేదు.

టీ20 వరల్డ్ కప్ 2024

సంబంధిత కథనం