Sushil Modi death : బీజేపీ సీనియర్​ నేత సుశీల్ కుమార్​​ మోదీ కన్నుమూత..-former bihar deputy cm sushil modi who was battling cancer dies at 72 ,జాతీయ - అంతర్జాతీయ న్యూస్
తెలుగు న్యూస్  /  జాతీయ - అంతర్జాతీయ  /  Sushil Modi Death : బీజేపీ సీనియర్​ నేత సుశీల్ కుమార్​​ మోదీ కన్నుమూత..

Sushil Modi death : బీజేపీ సీనియర్​ నేత సుశీల్ కుమార్​​ మోదీ కన్నుమూత..

Sharath Chitturi HT Telugu
May 14, 2024 06:24 AM IST

Sushil Modi death news : బిహార్​ రాజకీయ దిగ్గజం, రాష్ట్రంలో బీజేపీ ఎదుగుదలలో కీలక పాత్ర పోషించిన సుశీల్​ కుమార్​ మోదీ కన్నుమూశారు. గత కొంతకాాలంగా కేన్సర్​తో బాధపడుతున్న ఆయన తుదిశ్వాస విడిచారు.

సుశీల్​ కుమార్​ మోదీ కన్నుమూత..
సుశీల్​ కుమార్​ మోదీ కన్నుమూత..

Sushil Kumar modi death cause : గత కొంతకాలంగా కేన్సర్​తో బాధపడుతున్న బీజేపీ సీనియర్​ నేత సుశీల్​ కుమార్​ మోదీ కన్నుమూశారు. దిల్లీ ఎయిమ్స్​ ఐఎస్​యూలో నెల రోజులుగా చికిత్స పొందుతూ.. సోమవారం సాయంత్రం తుదిశ్వాస విడిచారు. 72ఏళ్ల సుశీల్​ కుమార్​ మోదీ మరణంపై ప్రధానమంత్రి నరేంద్ర మోదీ సహా పలువురు రాజకీయ నేతలు దిగ్భ్రాంతి వ్యక్తం చేశారు.

బిహార్​ రాజకీయ దిగ్గజం..

బిహార్​ రాజకీయాలో ఒక వెలుగువెలిగారు సుశీల్​ కుమార్​ మోదీ. బిహార్​లో బీజేపీ ఎదుగుదలకు.. మూడు దశాబ్దాల పాటు ఎనలేని సేవ చేశారు. ఆయన లేని లోటును భర్తీ చేయడం చాలా కష్టమని బీజేపీ శ్రేణులు అంటున్నారు.

పట్నా యూనివర్సిటీ నుంచి సుశీల్​ మోదీ రాజకీయ వృత్తి మొదలైంది. 1973లో పట్నా యూనివర్సిటీ స్టూడెంట్స్​ యూనియన్​కి జనరల్​ సెక్రటరీ అయ్యారు. లాలూ ప్రసాద్​ యాదవ్​.. ఆ సమయంలో యూనియన్​కి అధ్యక్షుడిగా ఉండేవారు. అనంతర కాలంలో లాలూ.. సుశీల్​ మోదీకి అతిపెద్ద రాజకీయ శత్రువు అయ్యారు.

1990 లో పట్నా సెంట్రల్​ యూనివర్సిటీ నుంచి తొలిసారిగా ఎమ్మెల్యే అయ్యారు సుశీల్​ కుమార్​ మోదీ. 1996 నుంచి 2004 వరకు.. బిహార్​ అసెంబ్లీలో లీడర్​ ఆఫ్​ అపోజీషన్​గా ఉన్నారు. తన 3 దశాబ్దాల పొలిటికల్​ కెరీర్​లో.. ఎమ్మెల్సీ, ఎమ్మెల్యే, ఎంపీ వంటి అనేక బాధ్యతలు చేపట్టారు. 2005-2020 మధ్యలో రెండు పర్యాయాలు.. సీఎం నితీశ్​ కుమార్​ ప్రభుత్వంలో బిహార్​కు డిప్యూటీ సీఎంగా బాధ్యతలు నిర్వర్తించారు సుశీల్​ కుమార్​ మోదీ.

Sushil Modi death : కానీ.. కేన్సర్​తో బాధపడుతున్న ఆయన.. ఈ 2024 లోక్​సభ ఎన్నికల్లో పోటీ చేయబోవడం లేదని ఏప్రిల్​ 3న అధికారికంగా ప్రకటించారు.

"గత 6 నెలలుగా నేను కేన్సర్​తో పోరాటం చేస్తున్నాను. ఈ విషయాన్ని ఇప్పుడు ప్రజలకు చెప్పాల్సిన సమయం వచ్చింది. ఈ లోక్​సభ ఎన్నికల్లో నేను పోటీచేయలేను. ప్రధానికి అన్ని వివరాలను చెప్పాను. దేశం, బిహార్​, పార్టీకి నా జీవితాన్ని అంకితం ఇచ్చినందుకు చాలా సంతోషంగా ఉంది," అని ఏప్రిల్​ 3న ట్విట్టర్​లో ట్వీట్​ చేశారు సుశీల్​ కుమార్​ మోదీ.

సుశీల్​ కుమార్​ మోదీ మరణంపై.. ప్రధాని మోదీ దిగ్భ్రాంతి వ్యక్తం చేశారు.

"బిహార్​లో బీజేపీ విజయంలో సుశీల్​ కుమార్​ మోదీ పాత్ర చాలా ఉంది. ఎమర్జెన్సీని వ్యతిరేకించి, స్టూడెంట్​ పాలిటిక్స్​లో తనకంటూ పేరు సంపాదించుకున్నారు. కష్టపడే ఎమ్మెల్యేగా, అందరికి అందుబాటులో ఉండే ఎమ్మెల్యేగా ఆయనకు గుర్తింపు ఉంది. రాజకీయాలపై చాలా అవగాహన ఉంది. ఒక అడ్మినిస్ట్రేటర్​గానూ చాలా పని చేశారు. జీఎస్​టీ విషయంలో ఆయన చేసిన కృషిని ఎప్పటికి గుర్తుపెట్టుకుంటాము. సుశీల్​ మోదీ మరణంతో ఆయన కుటుంబసభ్యులకు నా ప్రగాఢ సానుభూతి. ఓం శాంతి," అని ట్వీట్​ చేశారు మోదీ.

Sushil Modi Bihar : ఆర్​జేడీ నేత, బిహార్​ మాజీ డిప్యూటీ సీఎం తేజస్వీ యాదవ్​ సైతం సుశీల్​ కుమార్​ మోదీ మరణంపై విచారం వ్యక్తం చేశారు.

"సుశీల్​ కుమార్​ మోదీ మరణ వార్త చాలా బాధ కలిగించింది. మా సంరక్షకుడు, కష్టపడి పనిచేసే నేత మరణించం బాధాకరం," అని తేజస్వీ యాదవ్​ అన్నారు.

IPL_Entry_Point

సంబంధిత కథనం