Luna 25 launch : చంద్రయాన్​-3కి పోటీగా లూనా​ 25 లాంచ్​.. నింగిలోకి రష్యా రాకెట్​

Luna 25 launch Russia : చంద్రయాన్​-3కి పోటీగా లూనా 25ని లాంచ్​ చేసింది రష్యా అంతరిక్ష పరిశోధన సంస్థ. రష్యాలోని తూర్పు అముర్​ ప్రాంతంలోని లాంచింగ్​ సెంటర్​ నుంచి.. స్థానిక కాలమానం ప్రకారం గురువారం రాత్రి 7 గంటల 10 నిమిషాలకు లూన్​ 25 మూన్​ ల్యాండర్​తో కూడిన సోయుజ్​-2.1బీ రాకెట్​ నింగిలోకి ఎగిరింది. ఈ లూనా​ 25, చంద్రయాన్​-3లు ఒకే రోజు చంద్రుడిపై అడుగుపెడతాయని తెలుస్తోంది.

50ఏళ్ల తర్వాత..

దాదాపు 50ఏళ్ల తర్వాత చంద్రుడిపై మిషన్​ చేపట్టింది రష్యా. చివరిగా 1976లో లూనా-24ను లాంచ్​ చేసింది. ఈ మిషన్​తో చంద్రుడిపై ఉన్న 6.2 ఔన్సుల (170గ్రాములు) మట్టి శాంపిళ్లను భూమికి తీసుకురాగలిగింది.

ఇక అన్ని అనుకున్నట్టు జరిగితే.. ఈ లూనా-25 మరో ఐదు రోజుల్లో చంద్రుడి దగ్గరికి చేరుకుంటుంది. అక్కడి నుంచి 5-7 రోజుల పాటు చంద్రుడి చుట్టూ తిరుగుతుంది. సరైన సమయం చూసుకుని చంద్రుడి సౌత్​ పోల్​ ప్రాంతంలో దిగుతుంది. సేఫ్​ ల్యాండింగ్​ తర్వాత.. ఈ మిషన్​ ఏడాది కాలం పాటు చందమామ ఉపరితలంపై పరిశోధనలు చేస్తుంది.

Luna 25 launch date and time : వాస్తవానికి ఈ లూనా-25 దాదాపు రెండేళ్ల పాటు ఆలస్యమైంది. గతేడాది ఫిబ్రవరిలో మొదలైన రష్యా ఉక్రెయిన్​ యుద్ధం ఇందుకు ప్రధాన కారణం. యూరోపియన్​ స్పేస్​ ఏజెన్సీ నుంచి ఈ రాకెట్​కు పైలట్​-డీ నేవిగేషన్​ కెమెరా అందాల్సి ఉంది. యుద్ధానికి వ్యతిరేకంగా.. రష్యాకి సాయం చేయమని ఈఎస్​ఏ తేల్చి చెప్పింది. ఇదే విధంగా పలు ఇతర అంతర్జాతీయ సంస్థలు సైతం ఈ మిషన్​కు సాయం చేయడం ఆపేశాయి. ఫలితంగా మిషన్​ చాలా ఆలస్యమైంది.

రష్యా లాంచ్​ చేసిన లూనా-25 బరువు 66 పౌండ్లు. అంటే 30కేజీలు. ఇందులో సర్వీస్​ టెలివిజన్​ సిస్టెమ్​, సాయిల్​ ఇంటేక్​ డివైజ్​తో కూడిన లూనార్​ మేనిఫ్యులేటర్​ కాంప్లెక్స్​, న్యూట్రాన్​- గామా డిటెక్టర్​ (వాటర్​ ఐస్​ని కనుగొనేందుకు), ఇన్​ఫ్రారెడ్​ స్పెక్ట్రోమీటర్​, లేజర్​ మాస్​ స్పెక్ట్రోమీటర్​, ఐయాన్​ ఎనర్జీ మాస్​ ఎనలైజర్​, డస్ట్​ మానిటర్​, సైంటిఫిక్​ ఇన్ఫర్మేషన్​ కంట్రోల్​ యూనిట్​ వంటి పరికరాలు ఉన్నాయి.

సౌత్​ పోల్​పై పెరిగిన ఫోకస్​..

Chandrayaan 3 latest updates : చందమామ సౌత్​ పోల్​పై ఇటీవలి కాలంలో శాస్త్రవేత్తల ఫోకస్​ పెరిగింది. ఇస్రో (ఇండియన్​ స్పేస్​ రీసెర్చ్​ ఆర్గనైజేషన్​) ఇటీవలే లాంచ్​ చేసిన చంద్రయాన్​-3 కూడా సౌత్​ పోల్​లోనే పరిశోధనలు చేపట్టనుంది. గత నెల 14న లాంచ్​ అయిన ఈ చంద్రయాన్​-3.. ఈ నెల 23న చంద్రుడిపై ల్యాండ్​ అవ్వనుంది. చంద్రయాన్​-3 లేటెస్ట్​ అప్డేట్స్​ కోసం ఇక్కడ క్లిక్​ చేయండి.

మరోవైపు.. అర్తెమిస్​ ప్రోగ్రామ్​ ద్వారా 2020 దశకం చివరి నాటికి చందమామ సౌత్​ పోల్​పై అనేక ప్రాజెక్టులను చేపట్టేందుకు నాసా సైతం సిద్ధమవుతోంది.