Anti Paper Leak Law : 'పేపర్​ లీక్'​పై పోరాటానికి కొత్త చట్టం అమలు- ఫలితం దక్కేనా?-centre notifies anti paper leak law amid exam mess jail term fine up to a crore ,జాతీయ - అంతర్జాతీయ న్యూస్
తెలుగు న్యూస్  /  జాతీయ - అంతర్జాతీయ  /  Anti Paper Leak Law : 'పేపర్​ లీక్'​పై పోరాటానికి కొత్త చట్టం అమలు- ఫలితం దక్కేనా?

Anti Paper Leak Law : 'పేపర్​ లీక్'​పై పోరాటానికి కొత్త చట్టం అమలు- ఫలితం దక్కేనా?

Sharath Chitturi HT Telugu
Jun 22, 2024 06:11 AM IST

Anti Paper Leak Law : పేపర్​ లీక్స్​ని అడ్డుకునేందుకు కఠినమైన చట్టాన్ని అమల్లోకి తీసుకొచ్చింది కేంద్ర ప్రభుత్వం. ఈ చట్టం ప్రకారం.. దోషులకు రూ. కోటి వరకు జరిమానా, గరిష్ఠంగా 10ఏళ్ల వరకు జైలు శిక్షపడుతుంది.

ఇక పేపర్​ లీక్​ చేస్తే.. భారీ జరిమానా, 10ఏళ్ల జైలు శిక్ష!
ఇక పేపర్​ లీక్​ చేస్తే.. భారీ జరిమానా, 10ఏళ్ల జైలు శిక్ష! (HT_PRINT)

Anti Paper Leak Law rules : పేపర్​ లీక్​లతో భారత దేశం, విద్యార్థులు ఉక్కిరిబిక్కిరి అవుతున్న సమయంలో కీలకమైన చట్టాన్ని అమల్లోకి తీసుకొచ్చింది కేంద్ర ప్రభుత్వం. పేపర్​ లీక్​లకు పాల్పడే వారిపై చట్టపరమైన చర్యలు తీసుకునేందుకు.. పబ్లిక్​ ఎగ్జామినేషన్​ (ప్రివెన్షన్​ ఆఫ్​ అన్​ఫెయిర్​ మీన్స్​) యాక్ట్​ 2024ని శుక్రవారం అమలు చేసింది. ఈ మేరకు.. ఒక గెజిట్​ నోటిఫికేషన్​ని విడుదల చేసింది.

శుక్రవారం అమల్లోకి వచ్చిన ఈ చట్టం ప్రకారం.. పేపర్​ లీక్​లకు బాధ్యులుగా తేలినా, ఆన్సర్​ షీట్​ని టాంపర్​ చేశారని రుజువైనా.. సంబంధిత వారిపై 3ఏళ్ల శిక్ష పడుతుంది. తీవ్రత బట్టి దీనిని 5ఏళ్ల వరకు పొడగించవచ్చు. పైగా.. ఇవన్నీ నాన్​-బెయిలెబుల్​ నేరాలుగా పరిగణిస్తారు.

పేపర్​ లీక్​ వ్యవహారం తెలిసినా, అధికారులకు సమాచారం ఇవ్వన్ని ఎగ్జామినేషన్​ సర్వీస్​ ప్రొవైడర్లకు.. తాజా చట్టం ప్రకారం రూ. 1 కోటి వరకు జరిమానా పడుతుంది.

What is Anti Paper Leak Law : ఒక వేళ సీనియర్​ అధికారులు.. పేపర్​ లీక్​లను చూస్తూ ఉండిపోయినా, ప్రత్యక్షంగా-పరోక్షంగా లీక్స్​కి మద్దతిచ్చినా.. సంబంధిత వ్యక్తులపై కనీసం 3ఏళ్లు, లేదా 10ఏళ్ల వరకు జైలు శిక్ష పడుతుంది. రూ. 1 కోటి ఫైన్​ విధిస్తారు.

ఒక వేళ ఎగ్జామినేషన్​ అథారిటీ, సర్వీస్​ ప్రొవైడర్​ నేరానికి పాల్పడినట్టు రుజువైతే.. కనీసం 5ఏళ్ల, గరిష్ఠంగా 10ఏళ్ల జైలు శిక్ష పడుతుంది. రూ. 1 కోటి వరకు ఫైన్​ పడుతుంది.

వాస్తవానికి.. ఈ చట్టం ఈ ఏడాది ఫిబ్రవరిలోనే పార్లమెంట్​లో గట్టెక్కింది. కానీ 2024 లోక్​సభ ఎన్నికల హడావుడిలో ఇది అమల్లోకి రాలేదు. కానీ.. తాజాగా నీట్​ యూజీ 2024, యూసీజీ నెట్​ 2024 పరీక్షల్లో పేపర్​ లీక్​లు కలకలం సృష్టించడంతో.. ఈ చట్టాన్ని వెంటనే అమల్లోకి తీసుకొచ్చింది కేంద్రం.

పేపర్​ లీక్స్​తో దేశం ఉక్కిరిబిక్కిరి..

Anti Paper Leak Law : మేలో జరిగిన నీట్​ యూజీ 2024 పరీక్షకు సంబంధించి పేపర్​ లీక్​ జరిగినట్టు ఆరోపణలు వస్తున్నాయి. అంతేకాదు.. పరీక్ష ఫలితాలపైనా అనుమానాలు వ్యక్తమవుతున్నాయి. 67 మంది టాపర్లుగా నిలవడం, 1500మందికి గ్రేస్​ మార్కులు ఇవ్వడం, ఆ గ్రేస్​ మార్కుల ఫార్ములాను ప్రకటించకపోవడంతో అనుమానాలు పెరిగాయి. సర్వత్రా ఆందోళనలు మొదలయ్యాయి.

వీటన్నింటి మధ్య.. ఇటీవలే జరిగిన యూజీసీ నెట్​ పరీక్ష పేపర్​ లీక్​ అవ్వడం మరింత ఆందోళనకు గురిచేసింది. పరీక్షను మరుసటి రోజే రద్దు చేస్తున్నట్టు అధికారులు చెప్పారు.

NEET paper leak : ఇక పేపర్​ లీక్స్​పై అధికారాన్ని టార్గెట్​ చేస్తూ, విపక్షాలు తీవ్రస్థాయిలో మండిపడ్డాయి. 5ఏళ్లల్లో 45కుపైగా పేపర్​ లీక్స్​ జరిగాయని, ప్రభుత్వం ఏం చేస్తోందని ప్రశ్నించాయి.

WhatsApp channel

సంబంధిత కథనం