Amul in Karnataka : కర్ణాటకలో అమూల్ ఎంట్రీపై వివాదం.. 'నందిని'కే ప్రజల మద్దతు!
Amul in Karnataka : కర్ణాటకలో అమూల్ ఎంట్రీ వ్యవహారంపై దుమారం రేగుతోంది! నందిని మిల్క్తో పాటు రాష్ట్రంలోని రైతులను నాశనం చేసేందుకు బీజేపీ ఈ నిర్ణయం తీసుకుందని కాంగ్రెస్ ఆరోపిస్తోంది.
Amul in Karnataka : దేశంలోని దిగ్గజ పాల ఉత్పత్తి సంస్థ అమూల్ ఏంట్రీ విషయంపై కర్ణాటకలో వివాదం చెలరేగింది. స్థానిక పాడి రైతులకు వ్యతిరేకంగా బీజేపీ ఈ నిర్ణయం తీసుకుందని కాంగ్రెస్ ఆరోపిస్తోంది. ఈ నేపథ్యంలో స్థానికంగా ఉన్న 'నందిని మిల్క్'కు రోజురోజుకు మద్దతు పెరుగుతోంది. నందిని మిల్క్నే వాడాలని బెంగళూరులోని హోటల్స్ తాజాగా నిర్ణయించాయి!
అసలేం జరిగిందంటే..
లాంచ్ అలర్ట్ అన్న హ్యాష్ట్యాగ్తో కర్ణాటకలో ఎంట్రీ ఇస్తున్నట్టు ఇటీవలే ట్వీట్ చేసింది అమూల్ సంస్థ. పాలు, పెరుగు డెలవరీ కోసం ఓ ఈ కామర్స్ వేదికను సిద్ధం చేస్తున్నట్టు పేర్కొంది. ఈ నేపథ్యంలో కేఎంఎఫ్ (కర్ణాటక మిల్క్ ఫౌండేషన్).. గుజరాత్ అమూల్ (ఆనంద్ మిల్క్ యూనియన్ లిమిటెడ్)లో విలీనమవుతుందని ఊహాగానాలు జోరందుకున్నాయి. ఈ విషయంపై కర్ణాటకవ్యాప్తంగా నిరసనలు వ్యక్తమయ్యాయి. ఇక ఇప్పుడు బృహత్ బెంగళూరు హోటల్స్ అసోసియేషన్ కీలక నిర్ణయం తీసుకుంది.
Amul row in karnataka : "కన్నడిగులు నందిని పాల ఉత్పత్తులనే వినియోగించాలి. మా రైతులు తయారు చేస్తున్న నందిని మిల్క్ చూసి మాకు గర్వంగా ఉంది. నందిని మిల్క్నే అందరు ప్రోత్సహించాలి. మా నగరంలో కాఫీకి చాలా విశిష్టత ఉంది. మేము వినియోగించే పాలు అలాంటివి మరి. బయట రాష్ట్రాల నుంచి పాలు కర్ణాటకలోకి వస్తున్నట్టు తెలుస్తోంది. మేము వాటిని వ్యతిరేకిస్తున్నాము. నందినికే మా మద్దతు," అని అమూల్ డైరీ పేలు ఎత్తకుండా.. ఓ ప్రకటన జారీ చేసింది బీబీహెచ్ఏ. నందిని పాలనే వినియోగిస్తామని స్పష్టం చేసింది.
రాజకీయ దుమారం..
త్వరలో ఎన్నికలు జరగనున్న కర్ణాటకలో 'అమూల్' ఎంట్రీపై రగడ మొదలైంది. రాష్ట్రంలోని డైరీ బ్రాండ్ నందినిని నాశనం చేసేందుకు బీజేపీ కుట్ర పన్నుతోందని కాంగ్రెస్ ఆరోపించింది.
Karnataka Amul row : "అమూల్ ఉత్పత్తులే కొంటామని కన్నడిగులు ప్రతిజ్ఞ చేయాలి. కేఎంఎఫ్ విలీనాన్ని అడ్డుకోవాలి. రైతుల సంక్షేమం కోసం తీసుకొచ్చిన కేఎంఎఫ్ను కాపాడుకోవాలి. అమూల్ ఉత్పత్తులను కర్ణాటక ప్రజలు కొనుగోలు చేయకూడదు. బీజేపీ.. మాపై ఇప్పటికే హిందీని రుద్దుతోంది. ఇప్పుడు సరిహద్దులను ఆక్రమించుకుంటూ డైరీని తీసుకొస్తోంది. ఇది రాష్ట్రంలోని రైతులకు నష్టం కలిగిస్తుంది," అని మండిపడ్డారు కాంగ్రెస్ సీనియర్ నేత సిద్ధరామయ్య.
Nandini milk Karnataka : ఈ వ్యవహారంపై సీఎం బసవరాజ్ బొమ్మై జోక్యం చేసుకోవాలని, అమూల్ను రాష్ట్రంలోకి రానివ్వకూడదని సిద్ధరామయ్య డిమాండ్ చేశారు. ప్రధాని నరేంద్ర మోదీ, అమిత్ షాతో పాటు రాష్ట్ర బీజేపీ ప్రభుత్ వైఫల్యంతోనే కేఎంఎఫ్ వ్యాపారం దెబ్బతిందని ఆరోపించారు.
