Mangaluru acid attack : షాకింగ్​.. ముగ్గురు విద్యార్థినులపై యాసిడ్​ దాడి!-acid attack on there girl students in mangalurus govt pu college karnataka ,జాతీయ - అంతర్జాతీయ న్యూస్
తెలుగు న్యూస్  /  National International  /  Acid Attack On There Girl Students In Mangaluru's Govt Pu College Karnataka

Mangaluru acid attack : షాకింగ్​.. ముగ్గురు విద్యార్థినులపై యాసిడ్​ దాడి!

Sharath Chitturi HT Telugu
Mar 04, 2024 01:58 PM IST

Acid attack on students : మంగళూరులో షాకింగ్​ ఘటన వెలుగులోకి వచ్చింది. ఓ విద్యార్థినిపై యాసిడ్​ దాడి జరిగింది. ఆమె పక్కనే ఉన్న మరో ఇద్దరి విద్యార్థినులపైనా యాసిడ్​ పడింది!

షాకింగ్​.. ముగ్గురు విద్యార్థినులపై యాసిడ్​ దాడి!
షాకింగ్​.. ముగ్గురు విద్యార్థినులపై యాసిడ్​ దాడి!

Acid thrown on students in Karnataka : కర్ణాటక మంగళూరులో దారుణ ఘటన వెలుగులోకి వచ్చింది. ముగ్గురు విద్యార్థినులపై ఓ వ్యక్తి యాసిడ్​ దాడి చేశాడు!

ట్రెండింగ్ వార్తలు

ఇదీ జరిగింది..

కర్ణాటక మగళూరులోని కడాబ తాలుకలో ఉన్న ప్రభుత్వ ప్రీ- యూనివర్సిటీ కాలేజీ ప్రాంగణంలో సోమవారం ఉదయం జరిగింది ఈ యాసిడ్​ దాడి ఘటన. ముగ్గురు అమ్మాయిలు కాలేజ్​ దగ్గర కూర్చిన ఉన్నారు. ఆ ముగ్గురు.. 2వ ఏడాది పీయూ ఫిజిక్స్​ ఎగ్జామ్​ కోసం చదువుతుండగా.. ఓ వ్యక్తి, అనూహ్యంగా వారిపైకి దూసుకెళ్లాడు. ముగ్గురిలో ఒకరిపై యాసిడ్​ పోసేందుకు ప్రయత్నించాడు. మిగిలిన ఇద్దరిపైనా ఆ యాసిడ్​ పడింది.

మంగళూరులు యాసిడ్​ దాడిలో తీవ్రంగా గాయపడిన ముగ్గురు విద్యార్థినులను స్థానికులు వెంటనే ప్రభుత్వ ఆసుపత్రికి తరలించారు. తొలుత యాసిడ్​ పడిన విద్యార్థినికి తీవ్ర గాయాలైనట్టు సమాచారం. ఆ ముగ్గురు ప్రస్తుతం ఆసుపత్రిలో చికిత్స పొందుతున్నారు. ముగ్గురి ముఖాలకి గాయాలయ్యాయి. అవసరమైతే.. ఆ ముగ్గురిని మంగళూరులోని హాస్పిటల్​కి పంపేందుకు ఏర్పాట్లు చేశారు.

Mangaluru acid attack : అదే సమయంలో.. నిందితుడిని పట్టుకున్న ఇతర విద్యార్థులు.. పోలీసులకు అప్పగించారు.

మంగళూరులో యాసిడ్​ దాడికి పాల్పడిన వ్యక్తి పేరు అబిన్​ అని సమాచారం. అతని వయస్సు 23ఏళ్లు. అతను కేరళ మల్లప్పురం జిల్లాకు చెందిన వ్యక్తి. నిందితుడు, బాధితుల్లో ఒకరు.. ఒకే కమ్యూనిటీకి చెందిన వారిని తెలుస్తోంది. ప్రాథమిక దర్యాప్తు ప్రకారం.. నిందితుడు లవ్​ ఫెయిల్​ అయ్యాడని, అందుకే యాసిడ్​ దాడి చేశాడని తెలుస్తోంది.

ఘటనపై దర్యాప్తు చేపట్టినట్టు వెల్లడించిన పోలీసులు.. త్వరలోనే మరిన్న విషయాలను చెబుతాని స్పష్టం చేశారు.

మంగళూరులో ముగ్గురు విద్యార్థినులపై యాసిడ్​ దాడి జరిగిన ఘటనపై విజయపుర ఎమ్మెల్యే బసనగౌడ పాటిల్​ స్పందించారు.

Acid attack on Government PU college students : "దక్షిణ కన్నడ జిల్లా కడాబలోని ప్రభుత్వ పీయూ కాలేజ్​లో జరిగిన యాసిడ్​ దాడి ఘటన బాధాకరం. రాష్ట్రంలో శాంతి భద్రతలు ఎలా ఉన్నాయో.. ఈ ఘటన చెబుతోంది. ఈ ప్రభుత్వం పూర్తిగా విఫలమైంది. ప్రభుత్వం అవినీతిలో కూరుకుపోయింది. గాయపడిన విద్యార్థినులు త్వరగా కోలుకుంటారని ప్రార్థిస్తున్నాను," అని బసనగౌడ అన్నారు.

IPL_Entry_Point

సంబంధిత కథనం