Telugu News  /  National International  /  500 Omicron Strains Evolved In One Year Of Its Emergence Says Who
చైనా బీజింగ్​లో పీపీఈ కిట్లు వేసుకుని నడుస్తున్న వైద్య సిబ్బంది.
చైనా బీజింగ్​లో పీపీఈ కిట్లు వేసుకుని నడుస్తున్న వైద్య సిబ్బంది. (AFP)

Omicron : ఏడాది కాలంలో- 500 సబ్​వేరియంట్లు.. ఇదీ ఒమిక్రాన్​ చరిత్ర!

27 November 2022, 6:43 ISTChitturi Eswara Karthikeya Sharath
27 November 2022, 6:43 IST

Omicron new variant : ఒమిక్రాన్​ పుట్టుకొచ్చి ఏడాది గడిచిపోయింది. ఈ వ్యవధిలో.. 500కుపైగా ఒమిక్రాన్​ సబ్​వేరియంట్లు పుట్టుకొచ్చాయి!

Omicron new variant : ఒమిక్రాన్​.. 2021 నవంబర్​ 26న ఈ కొవిడ్​ వేరియంట్​ను గుర్తించింది ప్రపంచ ఆరోగ్య సంస్థ (డబ్ల్యూహెచ్​ఓ). డెల్టా వేరియంట్​ సృష్టించిన అల్లకల్లోలం నుంచి ప్రపంచం ఇంకా కోలుకోక ముందే.. ఈ కొత్త వేరియంట్​ పుట్టుకురావడం సర్వత్రా భయాందోళనలు రేకెత్తించింది. హాంగ్​కాంగ్​, దక్షిణాఫ్రికా, బోట్స్వానా తదితర ప్రాంతాల్లో ఒమిక్రాన్​పై విస్తృత పరిశోధనలు జరిగాయి. ఈ వేరియంట్​లో ఎన్నో మ్యుటేషన్లు దాగి ఉన్నట్టు గుర్తించిన శాస్త్రవేత్తలు.. ప్రపంచానికి హెచ్చరికలు పంపించారు. ఇవి రోగ నిరోధక శక్తి నుంచి తప్పించుకునే విధంగా ఉన్నాయని తెలిపారు.

ట్రెండింగ్ వార్తలు

రంగంలోకి దిగిన డబ్ల్యూహెచ్​ఓ.. ఒమిక్రాన్​పై పూర్తిస్థాయి పరిశోధనలు చేపట్టింది. 'ఈ వేరియంట్​.. చాలా కొత్తగా, ఇతర వాటితో పోల్చితే చాలా భిన్నంగా ఉంది. దీని కోసం ప్రపంచం దేశాలు చాలా త్వరగా సన్నద్ధమవ్వాలి. ప్రజలు మాస్కులు ధరించాలి, భౌతిక దూరాన్ని పాటించాల్సిన అవసరం ఉంది. ఈ విషయంలోనూ అజాగ్రత్తగా వహించకండి.. ప్రాణాల మీదకు తెచ్చుకోకండి,' అని స్పష్టం చేసింది.

Omicron sub variants : అంతే.. నాలుగు వారాల్లో.. ఈ ఒమిక్రాన్​ వేరియంట్​ ప్రపంచాన్ని చుట్టేసింది. డెల్టా స్థానాన్ని భర్తీ చేస్తూ.. ప్రపంచ దేశాలను భయపెట్టింది. ఇండియాలో.. ఈ ఏడాది జనవరిలో వచ్చిన మూడో వేవ్​కు కారణంగా నిలిచింది ఈ ఒమిక్రాన్​. ఈ సమయంలోనే డెల్టా కన్నా దీని వ్యాప్తి ఎక్కువగా ఉంటుందని వైద్యులు గుర్తించారు.

ఏడాది కాలంలో.. 500 సబ్​వేరియంట్లు..!

ఒమిక్రాన్​ పుట్టుకొచ్చి ఏడాది కాలం గడిచిపోయింది. ఇప్పుడు లెక్కలేసుకుంటే.. ప్రపంచవ్యాప్తంగా ఒమిక్రాన్​కు చెందిన 500 సబ్​వేరియంట్లు ఉన్నాయి! అయితే.. వీటిల్లో ఒక్కదాన్ని కూడ 'వేరియంట్​ ఆఫ్​ కన్సర్న్​'గా గుర్తించలేదు.

ఒమిక్రాన్​ సబ్​వేరియంట్ల ప్రభావం ఎంతంటే..

India covid cases : ఇప్పటివరకు పుట్టుకొచ్చిన ఒమిక్రాన్​ సబ్​వేరియంట్లలో ఒక విషయం కీలకంగా ఉంది. ఇవన్నీ అత్యంత వేగంగా వ్యాపించే వైరస్​లే. శరీరంలోని రోగ నిరోధక వ్యవస్థను ఓడించే శక్తి వీటికి ఉంది. అయితే.. ఇతర వేరియంట్లతో పోల్చితే.. ఒమిక్రాన్​ సబ్​వేరియంట్లు అంత ప్రమాదకరంగా లేవు.

అందుకే.. 500 సబ్​వేరియంట్లు ఉన్నా.. ఒమిక్రాన్​ పెద్దగా భయపెట్టడం లేదు.

టీకాలు ఉన్నాయి.. కానీ!

Omicron cases in world : ఒమిక్రాన్​ తీవ్రతను టీకాలు తగ్గించాయి అన్నది వాస్తవమే. కానీ టీకాల ప్రభావం నెమ్మదిగా తగ్గిపోతూ కనిపించింది. అదే సమయంలో.. హాస్పిటలైజేషన్​, మరణం నుంచి రక్షణ మాత్రం టీకాల ద్వారా వస్తోంది. అందుకే లక్షలాది మంది.. మరణం నుంచి బయటపడ్డారని డబ్ల్యూహెచ్​ఓ చెబుతోంది.