Omicron BF. 7 : బీఎఫ్​.7 లక్షణాలేంటి? ఒమిక్రాన్​ కొత్త సబ్​వేరియంట్​ ప్రమాదకరమా?

Omicron BF. 7 symptoms : దేశంలో కొవిడ్​ భయాలు మళ్లీ మొదలయ్యాయి! ఒమిక్రాన్​ సబ్​వేరియంట్​ బీఎఫ్​.7కి సంబంధించిన తొలి కేసును గుజరాత్​ బయోటెక్నాలజీ రీసెర్చ్​ సెంటర్​ గుర్తించింది. ఈ కొత్త సబ్​వేరియంట్​.. రోగనిరోధక శక్తిని తప్పించుకుని ప్రమాదకరంగా మారే అవకాశం ఉందని వైద్య నిపుణులు హెచ్చరిస్తున్నారు.

దేశంలో దీపావళి పండుగ కోసం ప్రజలు ఎదురుచూస్తున్నారు. ఈ నెల 22న దంతేరస్​తో మొదలై.. 24 వరకు పండుగ సీజన్​ నడుస్తుంది. ఈ తరుణంలో ఒమిక్రాన్​ సబ్​వేరియంట్​ బీఎఫ్​.7 వార్త సర్వత్రా భయాందోళనలను పెంచుతోంది. పండుగ సీజన్​ కారణంగా.. కొవిడ్​ కొత్త వేవ్​ పుట్టుకొస్తుందా? అన్న భయం ప్రజల్లో నెలకొంది. ప్రజలు జాగ్రత్త వహించాల్సిన అవసరం ఉందని నిపుణులు సైతం చెబుతున్నారు. రానున్న రెండు, మూడు వారాలు అత్యంత కీలకం అని అంటున్నారు.

పెరుగుతున్న కొవిడ్​ కేసులు..

ఈ వార్తలకు తోడు.. దేశవ్యాప్తంగా కొవిడ్​ కేసులు పెరుగుతున్నాయన్న సమాచారం మరింత ఆవేదనకు గురిచేస్తోంది. ఢిల్లీలో పాజిటివిటీ రేటు 2శాతానికి మించిపోయింది. ముంబై, కర్ణాటక, మధ్యప్రదేశ్​, గుజరాత్​లో సైతం గతంతో పోల్చుకుంటే ఇప్పుడు కేసులు పెరుగుతున్నాయి.

Omicron BF. 7 : ఈ ఒమిక్రాన్​ సబ్​వేరియంట్​ బీఎఫ్​.7 ప్రపంచవ్యాప్తంగా ఆందోళన కలిగిస్తోంది. చైనాలో ఇటీవల కేసులు పెరుగుతున్నాయి. దీని వెనుక కొత్త సబ్​వేరియంట్​ ఉన్నట్టు తెలుస్తోంది. అటు యూకే, ఆస్ట్రేలియా, అమెరికా, బెల్జియంలో సైతం కేసులు పెరుగుతున్నాయి.

ఒమిక్రాన్​ బీఎఫ్​.7 లక్షణాలపై ఇప్పటి వరకు ఉన్న సమాచారం ప్రకారం..

• విపరీతమైన దగ్గు
• వినడంలో ఇబ్బందులు
• ఛాతిలో నొప్పి
• శరీరం వణికిపోవడం
• వాసన పీల్చుతున్నప్పుడు మార్పులు గమనించడం

Omicron new variant news : "బీఎఫ్​.7 వేరియంట్​కు హై ఇన్​ఫెక్షన్​ రేటు ఉన్నట్టు తెలుస్తోంది. ఒమిక్రాన్​తో పాటు దాని సబ్​వేరియంట్లకు రోగనిరోధక శక్తి నుంచి తప్పించుకునే లక్షణాలు ఉన్నాయి. అయితే.. ఒమిక్రాన్​ లక్షణాలు అంత తీవ్రంగా ఉండకపోవడం ఉపశమనం కలిగించే విషయం. సాధారణంగా పెద్దగా ప్రమాదం ఉండదు. కానీ గుండె, కిడ్నీ, లివర్​ సమస్యలు ఉన్న వారు జాగ్రత్తగా ఉండాల్సిన అవసరం ఉంది. మాస్కులు వేసుకోవాలి. సామాజిక దూరం పాటించాలి," అని ఢిల్లీలోని మ్యాక్స్​ హాస్పిటల్ డైరక్టర్​ ఆఫ్​ ఇంటర్నల్​ మెడిసిన్​ డా. సంజయ్​ ధాల్​ వెల్లడించారు.

కేంద్రం ఆరోగ్యశాఖ సమీక్ష..

దేశంలో కొవిడ్​ తాజా పరిస్థితులపై కేంద్ర ఆరోగ్యమంత్రి మన్​సుక్​ మాండవీయ మంగళవారం సమీక్ష నిర్వహించనున్నారు. ప్రస్తుతం ఉన్న వ్యాక్సినేషన్​ డ్రైవ్​ను సైతం పరిశీలించనున్నారు. భవిష్యత్తు కార్యచరణపై ప్రణాళికలు రచించనున్నారు.

India Covid latest situation : అధికారిక లెక్క ప్రకారం.. దేశవ్యాప్తంగా 1.8కోట్ల కొవిడ్​ టీకాలు అందుబాటులో ఉన్నాయి. ఇవి మరో 6 నెలల వరకు వస్తాయని ప్రభుత్వం భావిస్తోంది. కొవిడ్​ కేసులు తగ్గిపోవడంతో ప్రజలు టీకాలు తీసుకోవడాన్ని తగ్గించినట్టు అధికారులు భావిస్తున్నారు.

అధికారిక లెకక ప్రకారం.. దేశంలో 98శాతం వృద్ధులు కనీసం 1 డోసునైనా తీసుకున్నారు. 92శాతం మంది రెండు డోసులు తీసేసుకున్నారు. 15-18మధ్య వయస్కులలో 83.7శాతం మంది మొదటి డోసును తీసుకున్నారు. 72శాతం మంది టీకా రెండు డోసులు అందుకున్నారు. ఇక 12-14ఏళ్ల మధ్య వయస్కుల్లో 87.3శాతం మంది మొదటి డోసు తీసుకున్నారు. 68.1శాతం మంది పూర్తిగా రెండు డోసులు తీసుకున్నారు.

India covid cases : దేశంలో 18ఏళ్లు పైబడిన వారికి ప్రికాషనరీ డోసులు ఇస్తున్నారు. ఇప్పటివరకు 27శాతం మంది టీకాలు తీసుకున్నారు.