Lok Sabha election schedule : రేపు.. లోక్​సభ, ఆంధ్రప్రదేశ్​ ఎన్నికల షెడ్యూల్​ విడుదల..

Lok Sabha election schedule : యావత్​ భారత దేశం ఎదురుచూస్తున్న ఘట్టానికి సమయం ఆసన్నమైంది. 2024 లోక్​సభ ఎన్నికలపై ఎన్నికల సంఘం (ఈసీ) నుంచి కీలక అప్డేట్​ వచ్చింది. మార్చ్​ 16, శనివారం మధ్యాహ్నం 3 గంటలకు.. లోక్​సభ ఎన్నికల షెడ్యూల్​ వెలువడనుంది.

లోక్​సభతో పాటు ఆంధ్రప్రదేశ్​, అరుణాచల్​ ప్రదేశ్​, సిక్కిం, ఒడిశాల్లో అసెంబ్లీ ఎన్నికలు జరగనున్నాయి. లోక్​సభ ఎన్నికల షెడ్యూల్​తో పాటు.. ఆయా అసెంబ్లీ ఎన్నికల షెడ్యూల్​ను కూడా ప్రకటించనుంది ఎన్నికల సంఘం.

ఈ మేరకు.. శనివారం మధ్యాహ్నం 3 గంటలకు ప్రెస్​ మీటింగ్​ని నిర్వహిస్తుంది ఈసీ.

యావత్​ భారత దేశం ఎంతగానో ఎదురుచూస్తున్న సమయం ఆసన్నమైంది! 2024 లోక్​సభ ఎన్నికల షెడ్యూల్​ శనివారం వెలవడనుంది. మార్చ్​ 16, మధ్యాహ్నం 3 గంటలకు లోక్​సభ ఎన్నికల షెడ్యూల్​ను ప్రకటిస్తామని ఎన్నికల సంఘం (ఈసీ) అధికారికంగా ప్రకటించింది. ఈ మేరకు.. దిల్లీలోని విజ్ఞాన్​ భవన్​లో ప్రెస్​ మీటింగ్​ని ఏర్పాటు చేసింది. ఈ ప్రెస్​ మీటింగ్​ని.. ఈసీకి చెందిన వివిధ సోషల్​ మీడియా సైట్స్​లో లైవ్​ చూడొచ్చని పేర్కొంది.

రేపే.. లోక్​సభ ఎన్నికల షెడ్యూల్​ విడుదల..

2024 Lok Sabha elections : 2024 లోక్​సభ ఎన్నికలతో పాటు ఆంధ్రప్రదేశ్​, అరుణాచల్​ ప్రదేశ్​, సిక్కిం, ఒడిశా రాష్ట్రాల్లో అసెంబ్లీ ఎన్నికలు జరగనున్నాయి. ఆయా రాష్ట్రాల ఎన్నికల షెడ్యూల్​ని కూడా.. శనివారం మధ్యాహ్నం విడుదల చేయనుంది ఈసీ.

ప్రధాని నరేంద్ర మోదీ నేతృత్వంలోని కమిటీ.. ఇద్దరు ఎన్నికల కమిషనర్లను నియమించిన ఒక రోజు వ్యవధిలో.. లోక్​సభ ఎన్నికల షెడ్యూల్​కు సంబంధించిన అధికారిక ప్రకటన వెలుడింది. ఎన్నికల షెడ్యూల్​ని ఈసీ ప్రకటించిన వెంటనే.. దేశవ్యాప్తంంగా మోడల్​ కోడ్​ ఆఫ్​ కాండక్ట్​ అమల్లోకి వస్తుంది.

2024 లోక్​సభ ఎన్నికల్లో గెలిచి.. హ్యాట్రిక్​ సాధించాలని ప్రధాని మోదీ నేతృత్వంలోని ఎన్​డీఏ భావిస్తోంది. మోదీని ఢీకొట్టి, ఆయన్ని గద్దెదించేందుకు.. విపక్ష ఇండియా కూటమి సన్నద్ధమవుతోంది. ఈ నేపథ్యంలో.. ఈ దఫా ఎన్నికలపై సర్వత్రా ఆసక్తి, అంచనాలు పెరిగిపోయాయి.

లోక్​సభ సీట్లు:- లోక్​సభలో మొత్తం 545 సీట్లు ఉంటాయి. వీటిల్లో 543 సీట్లకు ఎన్నికలు జరుగుతాయి. ఏప్రిల్​ నుంచి మే మధ్య వరకు పోలింగ్​ ప్రక్రియ సాగుతుంది. సాధారణంగా మే చివరి వారంలో ఫలితాలు వెలువడతాయి.

Andhra Pradesh assembly election schedule : ఆంధ్రప్రదేశ్​ అసెంబ్లీ ఎన్నికలు:- ఆంధ్రప్రదేశ్​లో మొత్తం 175 సీట్లు ఉన్నాయి. ప్రభుత్వాన్ని ఏర్పాటు చేయాలంటే.. మెజారిటీ ఫిగర్​ 88ని దాటాలి. జగన్​ నేతృత్వంలోని వైసీపీ.. ఇక్కడ ప్రస్తుతం అధికారంలో ఉంది.

ఒడిశా అసెంబ్లీ ఎన్నికలు:- ఒడిశాలో మొత్తం 147 సీట్లు ఉన్నాయి. ప్రభుత్వాన్ని ఏర్పాటు చేయాలంటే కనీసం 74 స్థానాల్లో గెలవాలి. బీజేడీ అధినేత నవీన్​ పట్నాయక్​.. సుదీర్ఘ కాలంగా ఇక్కడ సీఎంగా కొనసాగుతున్నారు.

సిక్కిం అసెంబ్లీ ఎన్నికలు:- ఈశాన్య భారత రాష్ట్రమైన సిక్కింలో మొత్తం 32 సీట్లు ఉన్నాయి. మెజారిటీ ఫిగర్​ 17గా ఉంది. ఎస్​కేఎం (సిక్కిం క్రాంతికారి మోర్చా)కు చెందిన ప్రేమ్​ సింగ్​ తమంగ్​ ఇక్కడ సీఎంగా ఉన్నారు.

Andhra Pradesh elections 2024 opinion polls : అరుణాచల్​ ప్రదేశ్​ ఎన్నికలు:- ఇక్కడ మొత్తం 57 సీట్లు ఉన్నాయి. మెజారిటీ మార్క్​ 31గా ఉంది. బీజేపీకి చెందిన ప్రేమ ఖండు.. ఇక్కడ సీఎంగా కొనసాగుతున్నారు.