Heart Attack Symptoms : ఈ లక్షణాలను నిర్లక్ష్యం చేయకండి.. ప్రాణాలకే ముప్పు!

ప్రపంచవ్యాప్తంగా గుండెపోటుతో బాధపడుతున్న వారి సంఖ్య వేగంగా పెరుగుతోంది. ప్రపంచ ఆరోగ్య సంస్థ (WHO) ప్రకారం , ప్రతి సంవత్సరం 18 మిలియన్ల మంది గుండె జబ్బులతో మరణిస్తున్నారు . కాబట్టి ఈ వ్యాధి లక్షణాలు ముందుగానే తెలుసుకుని చికిత్స తీసుకోవడం మంచిది. లేదంటే తీవ్ర పరిణామాలు ఎదుర్కోవాల్సి వస్తుంది. గుండెపోటుకు ముందు, మన శరీరం కొన్ని లక్షణాలను సూచిస్తుంది. కానీ చాలా మంది వాటిని విస్మరిస్తుంటారు. ఈ లక్షణాలను విస్మరించడం వల్ల అవి ప్రాణాంతకంగా మారవచ్చు. గుండెపోటు ప్రమాదాన్ని సూచించే లక్షణాలు ఏమిటో ఇప్పుడు తెలుసుకుందాం.

ఈ లక్షణాలను నిర్లక్ష్యం చేయవద్దు

వాంతులు, వికారం, తల తిరగడం: గుండెపోటుకు ముందు వాంతులు, వికారం మరియు తల తిరగడం వంటి లక్షణాలు ఉంటాయి.శరీరంలోని భాగాలకు రక్త ప్రసరణకు ఆటంకం ఏర్పడటం వల్ల వాంతులు, తల తిరగడం వంటి సమస్యలు వస్తాయి.కాసేపు విశ్రాంతి తీసుకున్న తర్వాత ఈ లక్షణాలు తగ్గుతాయి. కాబట్టి ఈ లక్షణాలు ఉంటే వెంటనే డాక్టర్‌ను సంప్రదించాలి.

ఛాతీ నొప్పి - గుండెపోటుకు ముందు ఛాతీ నొప్పి వస్తుంది. కానీ దీన్ని సాధరణ నొప్పిగా భావించి వదిలేస్తుంటారు. ఈ నొప్పి మీకు కొంతసేపు అసౌకర్యంగా అనిపిస్తుంది. ఈ సమస్యను ఎదురు కాగానే వెంటనే చికిత్స తీసుకోవడం మంచిది.

శ్వాస తీసుకోవడంలో ఇబ్బంది - వేగంగా నడుస్తున్నప్పుడు లేదా మెట్లు ఎక్కేటప్పుడు తరచుగా శ్వాస తీసుకోవడంలో ఇబ్బంది ఉంటుంది. ఇది గుండెపోటు లక్షణం కావచ్చు. అందువల్ల, సమయానికి చికిత్స చేస్తే ఎలాంటి అపాయం ఉండదు.

ఆకస్మిక చెమటలు - అకస్మాత్తుగా చలి, చెమట పట్టినట్లు అనిపిస్తుంటే... మీరు ఇలాంటి లక్షణాలను విస్మరించకుండా వైద్య పాయం తీసుకోవాలి.

గుండెల్లో మంట - గుండెలొ మంటగా అనిపిస్తే వైద్యున్ని సంప్రదించండి. ఇది గుండె పోటుకు మెుదటి సంకేతం. కావున హృదయంలో నొప్పిగా అనిపిస్తే జాగ్రత్తగా ఉండాలి. సరైన చికిత్స తీసుకోవాలి.