Atharva Movie: మ‌మ్మ‌ల్ని హీరోల్లా చూపించారు - అథ‌ర్వ మూవీపై ఫోరెన్సిక్ టీమ్‌ ప్ర‌శంస‌లు

Atharva Movie: పోలీస్ డిపార్ట్‌మెంట్‌లో క్లూస్ టీమ్ ఎంత ముఖ్య‌మైందో అథ‌ర్వ మూవీ చాటిచెప్పింద‌ని, ఈ సినిమాలో మ‌మ్మ‌ల్ని హీరోల చూపించార‌ని తెలంగాణ స్టేట్ ఫొరెన్సిక్ సైన్స్ అడిష‌న్ డైరెక్ట‌ర్ అనిత ఎవాంజెలిన్ అన్న‌ది. కార్తిక్ రాజు హీరోగా న‌టించిన అథ‌ర్వ మూవీ డిసెంబ‌ర్ 1న ప్రేక్ష‌కుల ముందుకు రానుంది.

క్రైమ్ థ్రిల్ల‌ర్ క‌థాంశంతో రూపొందుతోన్న ఈ మూవీకి మ‌హేష్ రెడ్డి ద‌ర్శ‌క‌త్వం వ‌హించాడు. సిమ్రాన్ చౌద‌రి, ఐరా హీరోయిన్లుగా న‌టించారు. అథ‌ర్వ సినిమాను ఇటీవ‌ల వంద మందికిపైగా క్లూస్ టీమ్‌తో పాటు ఫోరెన్సిక్ ఆఫీస‌ర్లు ఇటీవ‌ల తిల‌కించారు. సినిమాపై ప్ర‌శంస‌లు కురిపించారు.

క్రైమ్‌ను సాల్వ్ చేసే క్ర‌మంలో క్లూస్ టీమ్ ప‌డే క‌ష్టాన్ని ఈ సినిమాలో చ‌క్క‌గా చూపించార‌ని అభినందించారు. క్రైమ్ సీన్ ఆఫీస‌ర్‌గా కార్తిక్ రాజు యాక్టింగ్ బాగుంద‌ని అన్నారు.

కౌస‌ల్య కృష్ణ‌మూర్తి సినిమాతో కార్తిక్ రాజు టాలీవుడ్‌లోకి ఎంట్రీ ఇచ్చాడు. టిప్పు, ఆప‌రేష్ గోల్డ్ ఫిష్‌లో హీరోగా న‌టించాడు. ప్ర‌స్తుతం అథ‌ర్వ‌తో పాటు మ‌రికొన్ని సినిమాలు చేస్తున్నాడు.