Ustaad Streaming on Amazon Prime: ఇర‌వై రోజుల్లోనే ఓటీటీలోకి ఉస్తాద్ - కీర‌వాణి కొడుకు మూవీ స్ట్రీమింగ్ ఎందులో అంటే?
Ustaad Streaming on Amazon Prime: శ్రీసింహా కోడూరి హీరోగా న‌టించిన ఉస్తాద్ మూవీ శుక్ర‌వారం ఓటీటీ ప్రేక్ష‌కుల ముందుకొచ్చింది. ఇన్‌స్పైరింగ్ డ్రామాగా రూపొందిన ఈ మూవీ అమెజాన్ ప్రైమ్‌లో స్ట్రీమింగ్ అవుతోంది.
Ustaad Streaming on Amazon Prime: కీర‌వాణి త‌న‌యుడు శ్రీసింహా కోడూరి హీరోగా న‌టించిన ఉస్తాద్ మూవీ ఓటీటీలోకి వ‌చ్చేసింది. శుక్ర‌వారం నుంచి ఈ సినిమా అమెజాన్ ప్రైమ్‌లో స్ట్రీమింగ్ అవుతోంది. ఎలాంటి ముంద‌స్తు ప్ర‌క‌ట‌న లేకుండా డైరెక్ట్‌గా ఈ మూవీని అమెజాన్ ప్రైమ్‌లో రిలీజ్ చేశారు. ఫ‌ణిదీప్ ద‌ర్శ‌క‌త్వం వ‌హించిన ఈ మూవీ ఆగ‌స్ట్ 12న థియేట‌ర్ల‌లో రిలీజైంది.
కాన్సెప్ట్ కొత్త‌గా ఉన్నా క‌థ‌ను స్క్రీన్‌పై ఆవిష్క‌రించే విధానం రొటీన్‌గా ఉండ‌టంతో ఉస్తాద్ ప్రేక్ష‌కుల్ని మెప్పించ‌లేక‌పోయింది. అందువ‌ల్లే థియేట‌ర్ల‌లో రిలీజైన ఇర‌వై రోజుల్లోనే ఈ మూవీ ఓటీటీలోకి వ‌చ్చేసింది. ఉస్తాద్ సినిమాలో బ‌ల‌గం ఫేమ్ కావ్య క‌ళ్యాణ్ రామ్ హీరోయిన్‌గా న‌టించ‌గా...డైరెక్ట‌ర్స్ గౌత‌మ్ మీన‌న్‌, వెంక‌టేష్ మ‌హా కీల‌క పాత్ర‌లు పోషించారు.
ప్ర‌మోష‌న్స్‌లో రాజ‌మౌళి, నాని తో పాటు ప‌లువురు టాలీవుడ్ ప్ర‌ముఖులు పాల్గొన‌డంతో ఈ చిన్న సినిమాపై రిలీజ్‌కు ముందు హైప్ ఏర్ప‌డింది. ఆ ప్ర‌మోష‌న్స్ ఏవి సినిమాకు విజ‌యాన్ని తెచ్చిపెట్ట‌లేక‌పోయాయి.
ఉస్తాద్ క‌థేమిటంటే?
ఉస్తాద్ సినిమాలో సూర్య అనే పాత్ర‌లో శ్రీసింహా న‌టించాడు. పాత‌కాలం నాటి బైక్ అంటే అత‌డ‌కి ఎంతో ఇష్టం. ఆ బైక్‌కు ఉస్తాద్ అనే పేరు పెట్టుకుంటాడు. ఆ బైక్‌తో సూర్య జీవితంలోని ఎన్నో అంద‌మైన జ్ఞాప‌కాలు ముడిప‌డి ఉంటాయి. పైలెట్ కావాల‌న్న‌ది సూర్య క‌ల.
బైక్ ద్వారానే త‌న‌కున్న మాన‌సిక స‌మ‌స్య‌ల‌ను సూర్య ఎలా జ‌యించాడు? అత‌డు పైలెట్ అయ్యాడా? లేదా? అన్న‌దే ఈ సినిమా క‌థ. ఈ సినిమాలో శ్రీసింహాతో పాటు క‌వ్యా క‌ళ్యాణ్ రామ్ యాక్టింగ్‌కు ప్ర‌శంస‌లు ద‌క్కాయి. ఉస్తాద్ సినిమాకు ఆకీవా సంగీతాన్ని అందించాడు.
