Sarkaru Vaari Paata Collections | సర్కారు వారి పాట కలెక్షన్ల రికార్డు

మహేష్‌ బాబు చాలా రోజుల తర్వాత నటించిన సినిమా సర్కారు వారి పాట. దీంతో ఈ మూవీ రిలీజ్‌కు ముందే భారీ అంచనాలు ఉన్నాయి. అయితే రిలీజైన రోజు మాత్రం ఈ సినిమాకు మిక్స్‌డ్ రెస్పాన్స్‌ వచ్చింది. ఫ్యాన్స్‌ను వదిలేస్తే న్యూట్రల్‌ ప్రేక్షకులు సినిమాపై పెదవి విరిచారు. అందుకు తగినట్లే ఈ సినిమా రెండో రోజు కలెక్షన్లు కూడా తగ్గాయి.

అయితే ఫస్ట్‌ వీకెండ్‌లో ఈ మూవీ పుంజుకుంది. ఇక ఇప్పుడు ప్రపంచవ్యాప్తంగా ఈ సినిమా రూ.100 కోట్ల షేర్‌ను అందుకుంది. అంతేకాదు కేవలం తెలుగు వెర్షన్‌ సినిమాల్లో ప్రపంచవ్యాప్తంగా రూ.100 కోట్ల షేర్‌ను అత్యంత వేగంగా అందుకున్న సినిమాగా నిలిచింది. ఈ విషయాన్ని మేకర్స్‌ కూడా మంగళవారం ట్విటర్‌ ద్వారా వెల్లడించారు.

ఈ సందర్భంగా ఓ కొత్త పోస్టర్‌ను కూడా రిలీజ్‌ చేశారు. పరశురాం డైరెక్షన్‌లో వచ్చిన ఈ కమర్షియల్‌ ఎంటర్‌టైనర్‌ బాక్సాఫీస్‌ దగ్గర రూ.160 కోట్ల గ్రాస్‌ కలెక్షన్లు సాధించింది. తొలి రోజు భారీ వసూళ్లు సాధించిన ఈ మూవీ.. రెండోరోజు కాస్త తగ్గి.. శనివారం నుంచి మళ్లీ కలెక్షన్ల సునామీ సృష్టిస్తోంది. అమెరికా, ఆస్ట్రేలియా, న్యూజిలాండ్‌లాంటి దేశాల్లోనూ ఈ సినిమా మంచి వసూళ్లను రాబడుతోంది.