Lal Salaam Teaser: రజనీకాంత్ లాల్ సలామ్ టీజర్ రిలీజ్.. డిఫరెంట్ గెటప్‌తో తలైవా!

సూపర్ స్టార్ రజనీకాంత్ వరుస సినిమాలతో దుమ్ములేపుతున్నారు. ఇటీవలే జైలర్ మూవీతో సాలిడ్ బ్లాక్ బస్టర్ హిట్ కొట్టిన ఆయన తాజాగా లాల్ సలామ్ మూవీలో అభిమానులు, ప్రేక్షకులను అలరించేందుకు రెడీ అయ్యారు. అయితే, లాల్ సలామ్ సినిమాలో రజనీకాంత్ అతిథి పాత్రలో కనువిందు చేయనున్నారు. ఆయన కుమార్తె ఐశ్వర్య రజనీకాంత్ దర్శకత్వంలో తెరకెక్కిన లాల్ సలామ్ సినిమాను ప్రముఖ నిర్మాణ సంస్థ లైకా ప్రొడక్షన్స్ భారీ బడ్జెట్‌తో నిర్మించింది.

లాల్ సలామ్ సినిమాలో హీరో విష్ణు విశాల్, విక్రాంత్ సంతోష్ ప్రధాన పాత్రలు పోషిస్తున్నారు. తాజాగా లాల్ సలామ్ మూవీ టీజర్‌ను విడుదల చేశారు మేకర్స్. సుమారు 1 నిమిషం 39 సెకన్ల నిడివి ఉన్న లాల్ సలామ్ టీజర్ చాలా ఆసక్తిగా ఉంది. అయితే, టీజర్ చూస్తుంటే లాల్ సలామ్ మూవీ కథ క్రికెట్ స్పోర్ట్స్ కు ముడిపడి ఉన్నట్లుగా తెలుస్తోంది. ముస్లిం పెద్ద మొయిద్దీన్ భాయ్ పాత్రలో రజనీకాంత్ ఆహార్యం చాలా డిఫరెంట్‌గా ఉంది. మరోసారి ఆయన పాత్రతో ప్రేక్షకులను ఎంటర్టైన్ చేయనున్నట్లు స్పష్టంగా తెలిసిపోతుంది.

లాల్ సలామ్ టీజర్‌లో ఏఆర్ రెహమాన్ బీజీఎమ్ సన్నివేశాలను ఎలివేట్ చేసేలా ఉంది. ఒక చిన్న గ్రామంలో రెండు మతలా మధ్య వైరం, దానికి క్రికెట్ పోటీ వంటి భావోద్వేగాలతో లాల్ సలామ్ తెరకెక్కించినట్లు అర్థం అవుతోంది. టీజర్‌ను బట్టి చూస్తే మాత్రం ఐశ్వర్య టేకింగ్ ఆకట్టుకునేలా ఉంది. లాల్ సలామ్ మూవీ వచ్చే ఏడాది సంక్రాంతికి విడుదల కానుంది. ఇందులో సెంథిల్, జీవిత, తంబీ రామయ్య, వివేక్ ప్రసన్న కీలక పాత్రలు చేశారు.