Rajamouli | లాల్ సింగ్ చద్ధా మూవీ ట్రైలర్‌పై రాజమౌళి రియాక్షన్‌ ఇదీ!
ఆమిర్ ఖాన్ చాలా రోజుల తర్వాత లాల్ సింగ్ చద్ధా మూవీతో మరోసారి ప్రేక్షకుల ముందుకు వస్తున్నాడు. హాలీవుడ్ మూవీ ఫారెస్ట్ గంప్‌కు ఈ సినిమా రీమేక్‌.
చిన్నతనం నుంచి అవిటివాడిలా ఉన్న ఓ వ్యక్తి తర్వాత ప్రొఫెషనల్‌ రన్నర్‌గా మారి, చివరికి ఆర్మీలోనూ చేరిన కథే ఫారెస్ట్ గంప్‌. 1994లో హాలీవుడ్‌లో వచ్చిన ఈ మూవీ అకాడెమీ అవార్డు కూడా గెలుచుకుంది. ఇప్పుడీ మూవీని హిందీలో లాల్ సింగ్ చద్ధాగా తీశారు. బాలీవుడ్ మిస్టర్‌ పర్ఫెక్షనిస్ట్‌ ఆమిర్ ఖాన్ ఈ మూవీలో లీడ్‌ రోల్‌లో నటించాడు.
ఈ మధ్యే ఐపీఎల్‌ ఫైనల్ సందర్భంగా ఈ సినిమా ట్రైలర్‌ను రిలీజ్‌ చేశారు. ఈ ట్రైలర్‌కు మిశ్రమ స్పందన వచ్చింది. ఫారెస్ట్ గంప్‌లో నటించిన టామ్‌ హ్యాంక్స్‌ను ఆమిర్ ఖాన్ మరిపించాడంటూ కొందరు ప్రశంసలు కురిపించగా.. ఎప్పుడూ ఒకే ఎక్స్‌ప్రెషన్‌ ఏంటి ఆమిర్ అంటూ మరికొందరు బాయ్‌కాట్ లాల్ సింగ్ చద్ధా అనే ప్రచారాన్ని కూడా చేశారు.
అయితే ఈ ట్రైలర్‌పై తాజాగా దర్శకధీరుడు రాజమౌళి స్పందించాడు. ఈ సినిమా కోసం ఆతృతగా ఎదురు చూస్తున్నట్లు చెప్పాడ. "ఆమిర్ ఖాన్ ఓ హృదయానికి హత్తుకునే సినిమాతో నాలుగేళ్ల తర్వాత వస్తున్నాడు. లాల్ సింగ్ చద్ధా ట్రైలర్‌ చాలా బాగుంది. ఎప్పటిలాగే ఆమిర్ ఇందులోనూ రాకింగ్‌ నటన కనబరిచాడు. ఈ సినిమాను థియేటర్లలో చూడటానికి ఆతృతగా ఎదురుచూస్తున్నాను. మూవీ టీమ్‌కు నా బెస్ట్ విషెస్‌" అని రాజమౌళి అన్నాడు.
ఆమిర్ ఖాన్ ప్రొడక్షన్స్‌, కిరణ్‌ రావ్‌, వయాకామ్‌18 స్టూడియోస్‌ సంయుక్తంగా ఈ సినిమాను నిర్మించాయి. ఆగస్ట్‌ 11న ఈ మూవీ ప్రేక్షకుల ముందుకు రానుంది. ఇందులో టాలీవుడ్ నటుడు నాగచైతన్య కూడా ఓ ముఖ్యమైన పాత్రలో కనిపించాడు. మరోవైపు ట్రిపుల్‌ ఆర్‌ సక్సెస్‌ను ఇప్పటికీ ఎంజాయ్‌ చేస్తున్న రాజమౌళి.. మహేష్‌బాబుతో తాను తీయబోయే తర్వాతి మూవీ స్క్రిప్ట్‌పై పని చేస్తున్నాడు.
సంబంధిత కథనం