Bro Tv Premiere Date: ప‌వ‌న్ కళ్యాణ్ బ్రో టీవీ ప్రీమియ‌ర్ డేట్ ఫిక్స్ - ఏ ఛానెల్‌లో టెలికాస్ట్ కానుందంటే?
Bro Tv Premiere Date: ప‌వ‌న్ కళ్యాణ్ బ్రో మూవీ వ‌ర‌ల్డ్ టెలివిజ‌న్ ప్రీమియ‌ర్ డేట్ ఫిక్స‌యింది. ఈ సినిమా జీ తెలుగు ఛానెల్‌లో టెలికాస్ట్ కానుంది.
Bro Tv Premiere Date: ప‌వ‌న్ కళ్యాణ్ బ్రో మూవీ బుల్లితెర ప్రేక్ష‌కుల ముందుకు రాబోతోంది. ఈ సినిమా వ‌ర‌ల్డ్ టెలివిజ‌న్ ప్రీమియ‌ర్ డేట్ ఫిక్స‌యింది. అక్టోబ‌ర్ 15న జీ తెలుగు ఛానెల్‌లో సాయంత్రం ఆరు గంట‌ల నుంచి ఈ సినిమా టెలికాస్ట్ కానుంది. బ్రో మూవీ శాటిలైట్ హ‌క్కుల‌ను భారీ పోటీ మ‌ధ్య దాదాపు 20 కోట్ల కు జీ తెలుగు ద‌క్కించుకున్న‌ట్లు స‌మాచారం.
ఈ సినిమాలో ప‌వ‌న్ క‌ళ్యాణ్‌తో పాటు మ‌రో మెగా హీరో సాయిధరమ్తేజ్ హీరోగా న‌టించాడు. భారీ అంచ‌నాల న‌డుమ జూలై 28న థియేట‌ర్ల‌లో రిలీజైన ఈ మూవీ 80 కోట్ల వ‌ర‌కు వ‌సూళ్ల‌ను రాబ‌ట్టింది. బ్రో మూవీకి స‌ముద్ర‌ఖ‌ని ద‌ర్శ‌క‌త్వం వ‌హించాడు. టాలీవుడ్ టాప్ డైరెక్ట‌ర్‌ త్రివిక్ర‌మ్ స్క్రీన్‌ప్లే, సంభాష‌ణ‌లు అందించారు.
త‌మిళంలో విజ‌య‌వంత‌మైన వినోద‌య సిత్త‌మ్ ఆధారంగా బ్రో మూవీ తెర‌కెక్కింది. కేతికా శ‌ర్మ, ప్రియా ప్ర‌కాష్ వారియ‌ర్ ప్ర‌ధాన పాత్ర‌ల్ని పోషించారు. పీపుల్స్ మీడియా ఫ్యాక్ట‌రీ ప‌తాకంపై టీజీ విశ్వ‌ప్ర‌సాద్ బ్రో మూవీని నిర్మించారు. బ్రో మూవీ
బ్రో క‌థేమిటంటే?
మార్క్ (సాయిధరమ్తేజ్) ఇంటి బాధ్య‌త‌ల్ని మోస్తూ ఒక్క క్ష‌ణం కూడా వృథా చేయ‌కుండా క‌ష్ట‌ప‌డుతుంటాడు. అనుకోకుండా ఓ రోడ్డు ప్ర‌మాదంలో అత‌డు క‌న్నుమూస్తాడు. మార్క్‌కు 90 రోజులు తిరిగి బ‌తికే ఛాన్స్ ఇస్తాడు టైమ్(ప‌వ‌న్ కళ్యాణ్). ఈ తొంభై రోజుల్లో ఏం జ‌రిగింది? మార్క్ చేసిన త‌ప్పుల్ని టైమ్ ఎలా స‌రిదిద్దాడు? అన్న‌దే ఈ సినిమా క‌థ.
