OTT Tamil Movie: నేరుగా ఓటీటీలోకి వచ్చేసిన తమిళ సోషల్ డ్రామా.. ఇక్కడ చూసేయండి
OTT Tamil Movie: తమిళ సోషల్ డ్రామా లైన్‌మ్యాన్ నేరుగా ఓటీటీలోకి వచ్చేసింది. వెటరన్ యాక్టర్ ఛార్లీ నటించిన ఈ సినిమా నిజ జీవిత ఘటనల ఆధారంగా తెరకెక్కడం విశేషం. శుక్రవారం (నవంబర్ 22) నుంచి ఈ సినిమా స్ట్రీమింగ్ అవుతోంది.
OTT Tamil Movie: ఓటీటీలోకి మరో ఇంట్రెస్టింగ్ తమిళ సినిమా వచ్చింది. థియేటర్లలో కాకుండా నేరు ఆహా తమిళం ఓటీటీలోకి ఈ మూవీ స్ట్రీమింగ్ కు రావడం విశేషం. తూత్తుకూడిలోని ఉప్పు క్షేత్రాల్లో పని చేసే కార్మికుల సమస్యలపై రూపొందించిన సినిమా ఇది. తమిళ సీనియర్ నటుడు ఛార్లీ ఇందులో లీడ్ రోల్లో నటించాడు. వాస్తవ ఘటనల ఆధారంగా తెరకెక్కిన మూవీ ఇది.
ఇందులో సీనియర్ నటుడు ఛార్లీ ఓ ఎలక్ట్రిక్ లైన్‌మ్యాన్ పాత్రలో నటించాడు. ఉదయ్ కుమార్ ఈ సినిమాను డైరెక్ట్ చేశాడు. వినోద్ శేఖర్, దినకర్ బాబు నిర్మించారు.
లైన్‌మ్యాన్ మూవీ స్టోరీ ఏంటంటే?
లైన్‌మ్యాన్ మూవీ వాస్తవ ఘటనల ఆధారంగా తెరకెక్కిన సినిమా. ఇందులో సుబ్బయ్య అనే లైన్‌మ్యాన్ పాత్రలో చార్లీ నటించాడు. తన కొడుకు చిన్నతనంలోనే అనుకోకుండా తన భార్యను కోల్పోతాడు. తన తల్లి మరణం చూసిన తర్వాత అలాంటిది మరెవరికీ జరగకూడదని అనుకుంటాడు ఆ కొడుకు.
ఉప్పు మడుల్లోని నీళ్ల ద్వారా కరెంటు చోరీ జరగకుండా ఉండేందుకు సోలార్ పవర్ లైట్లు కనిపెడతాడు. కానీ వాటిని ఆమోదింపజేసుకోవడానికి ఎన్నో ఇబ్బందులు, సమస్యలు ఎదుర్కొంటాడు. చివరికి అతని ఆశయం నెరవేరిందా లేదా అన్నదే ఈ మూవీ స్టోరీ.
ఆహా తమిళం మూవీస్
ఆహా తమిళం ఓటీటీలోకి ఈ మధ్యే కొన్ని ఇంట్రెస్టింగ్ సినిమాలు వచ్చాయి. ఈ ఏడాది థియేటర్లలో రిలీజైన మిషన్: ఛాప్టర్ 1, కొట్టుక్కాలి, రసవతి, లాందార్, అంజామై, హాట్ స్పాట్, వదక్కుపట్టి రామాసామి, బర్త్‌మార్క్, పేచి, ఒరు నోడి, సేవప్పిలాంటివి స్ట్రీమింగ్ అవుతున్నాయి. అంతేకాదు మంచి హిట్ కొట్టిన వేర మారి ఆఫీస్ వెబ్ సిరీస్ రెండో సీజన్ కూడా ఇప్పుడు స్ట్రీమింగ్ కు వచ్చింది.
