OTT Action Thriller Web Series: సూపర్ హిట్ యాక్షన్ థ్రిల్లర్ వెబ్ సిరీస్ రెండో సీజన్ అన్ని ఎపిసోడ్లూ వచ్చేస్తున్నాయ్..

OTT Action Thriller Web Series: యాక్షన్ థ్రిల్లర్ వెబ్ సిరీస్ తనావ్ (Tanaav) రెండో సీజన్ రెండో భాగం మరింత ఆసక్తికరంగా ప్రేక్షకుల ముందుకు రాబోతున్నట్లు తాజాగా బుధవారం (నవంబర్ 27) రిలీజైన ట్రైలర్ చూస్తే తెలుస్తోంది. ఇప్పటికే రెండో సీజన్ తొలి భాగంలో ఆరు ఎపిసోడ్లు స్ట్రీమింగ్ అవుతుండగా.. మిగిలిన ఎపిసోడ్లు కూడా డిసెంబర్ 6 నుంచి రానున్నాయి.

తనావ్ సీజన్ 2 వాల్యూమ్ 2 స్ట్రీమింగ్

తనావ్ ఓ యాక్షన్ థ్రిల్లర్ వెబ్ సిరీస్. సోనీలివ్ ఓటీటీలో తొలి సీజన్ పూర్తి చేసుకొని సెప్టెంబర్ లో రెండో సీజన్ తో ప్రేక్షకుల ముందుకు వచ్చింది. కబీర్ ఫరూఖీ (మానవ్ విజ్) అండ్ టీమ్ కు ఈ సీజన్ లో ఫరీద్ మిర్ (గౌరవ్ అరోరా) రూపంలో కొత్త సవాలు ఎదురైంది. అయితే ఇప్పటి వరకూ తొలి భాగంలో భాగంగా ఆరు ఎపిసోడ్లు రాగా.. అందులో ఫరీద్ మిర్ ఇంట్రడక్షన్ మాత్రమే జరిగింది.

ఇప్పుడు రెండో భాగంలో అతడు మరింత శక్తివంతంగా మారి కబీర్ అండ్ టీమ్ కు నిద్రపట్టకుండా చేయబోతున్నాడు. తనావ్ రెండో సీజన్ అన్ని ఎపిసోడ్లు డిసెంబర్ 6 నుంచి సోనీలివ్ లో స్ట్రీమింగ్ కానున్నాయి. తాజాగా బుధవారం (నవంబర్ 27) దీనికి సంబంధించిన ట్రైలర్ రిలీజ్ చేశారు. తొలి భాగం ఫరీద్ మిర్ సహచరుడైన జునైద్ (శశాంక్ అరోరా) అరెస్టుతో ముగిసింది.

ఇప్పుడు రెండో భాగం ట్రైలర్ చూస్తుంటే.. అతడు జైల్లోనే ఉండగా.. ఫరీద్ మిర్ కోసం కబీర్ తన వేటను తీవ్రం చేస్తాడు. అయితే ఈసారి ఆ ఐసిస్ ఉగ్రవాది నుంచి పెద్ద ముప్పే రానుండటంతో భద్రతా బలగాలు ఆందోళనకు గురవుతుంటాయి. ఈ నేపథ్యంలో రెండో సీజన్ రెండో భాగం మరింత ఆసక్తికరంగా ఉండే అవకాశాలు కనిపిస్తున్నాయి.

కశ్మీర్ ఉగ్రవాదంపై గతంలో వచ్చిన సినిమాలు, వెబ్ సిరీస్ మంచి సక్సెస్ సాధించాయి. ఈ తనావ్ తొలి సీజన్ కూడా అలాగే విజయవంతమైంది. రెండో సీజన్ మాత్రం మధ్యలోనే ఆగిపోవడంతో రెండో భాగం కోసం ప్రేక్షకులు ఆసక్తిగా ఎదురు చూస్తున్నారు. మొత్తానికి డిసెంబర్ 6 నుంచి అన్ని ఎపిసోడ్లు రానుండటంతో ఏం జరగబోతోందో అన్న సస్పెన్స్ వీడనుంది.