Devara Update: న్యూ ఇయ‌ర్ ట్రీట్‌ - దేవ‌ర ఫ‌స్ట్ గ్లింప్స్ రిలీజ్ డేట్ ఫిక్స్‌- ఎన్టీఆర్ కొత్త పోస్ట‌ర్ అద‌ర‌హో

Devara Update: కొత్త ఏడాది రోజున అభిమానుల‌కు స్పెష‌ల్ ట్రీట్ ఇచ్చాడు ఎన్టీఆర్‌. దేవ‌ర మూవీకి సంబంధించి కొత్త అప్‌డేట్‌ను రివీల్ చేశాడు. ఈ సినిమా ఫ‌స్ట్ గ్లింప్స్ రిలీజ్ డేట్‌ను సోష‌ల్ మీడియా ద్వారా అనౌన్స్ చేశాడు. దేవ‌ర గ్లింప్స్‌ను జ‌న‌వ‌రి 8న రిలీజ్ చేయ‌బోతున్న‌ట్లు ఎన్టీఆర్‌ ప్ర‌క‌టించాడు.

ఈ సంద‌ర్భంగా దేవ‌ర మూవీలో త‌న కొత్త పోస్ట‌ర్‌ను అభిమానుల‌తో పంచుకున్నాడు ఎన్టీఆర్‌. ఈ పోస్ట‌ర్‌లో స‌ముద్రాన్ని చీల్చుకుంటూ వ‌స్తోన్న ప‌డ‌వ‌లో ఎన్టీఆర్ నిల్చొని క‌నిపిస్తున్నాడు. ఇంటెన్స్ లుక్‌లో బ్లాక్ అండ్ బ్లాక్ డ్రెస్‌లో ధీరుడిగా ఎన్టీఆర్ క‌నిపిస్తోన్న‌ ఈ పోస్ట‌ర్ సోష‌ల్ మీడియాలో వైర‌ల్ అవుతోంది. ఇందులో స‌ముద్ర తీర ప్రాంతాల ప్ర‌జ‌ల స‌మ‌స్య‌ల‌పై పోరాడే నాయ‌కుడి పాత్ర‌లో ఎన్టీఆర్ క‌నిపించ‌బోతున్న‌ట్లు స‌మాచారం.

దేవ‌ర మూవీకి కొర‌టాల శివ ద‌ర్శ‌క‌త్వం వ‌హిస్తున్నాడు. జ‌న‌తా గ్యారేజ్ త‌ర్వాత ఎన్టీఆర్‌, కొర‌టాల శివ కాంబినేష‌న్‌లో దేవ‌ర మూవీ తెర‌కెక్కుతోంది. దేవ‌ర సినిమాలో జాన్వీ క‌పూర్ హీరోయిన్‌గా న‌టిస్తోంది. ఈ మూవీతోనే జాన్వీక‌పూర్ హీరోయిన్‌గా టాలీవుడ్‌లోకి అరంగేట్రం చేస్తోంది.

దాదాపు మూడు వంద‌ల కోట్ల బ‌డ్జెట్‌తో హ‌రి కోస‌రాజు, సుధాక‌ర్ మిక్కిలినేనితో క‌లిసి దేవ‌ర మూవీని క‌ళ్యాణ్ రామ్ నిర్మిస్తున్నాడు. దేవ‌ర రెండు పార్ట్‌లుగా ప్రేక్ష‌కుల ముందుకు రాబోతోంది. ఫ‌స్ట్ పార్ట్‌ను ఈ ఏడాది ఏప్రిల్ 5న ప్రేక్ష‌కుల ముందుకు రాబోతోంది.