Mahesh Babu Okkadu Re Release Date: ఒక్క‌డు రీ రిలీజ్ డేట్ క‌న్ఫార్మ్ - సంక్రాంతి బ‌రిలో మ‌హేష్‌

Mahesh Babu Okkadu Re Release Date: మ‌హేష్‌బాబు కెరీర్‌లో ఒక్క‌డు సినిమాకు ప్ర‌త్యేక‌మైన స్థానం ఉంది. హీరోగా అత‌డి ఇమేజ్‌, స్టార్‌డ‌మ్‌ను రెట్టింపు చేసిన సినిమాల్లో ఒక్క‌డు ఒక‌టి. ఫ్యాక్ష‌నిజం బ్యాక్‌డ్రాప్‌లో ల‌వ్ స్టోరీగా ద‌ర్శ‌కుడు గుణ‌శేఖ‌ర్ ఈసినిమాను తెర‌కెక్కించాడు. ఇందులో క‌బ‌డ్డీ ప్లేయ‌ర్‌గా మ‌హేష్ యాక్టింగ్‌, డైలాగ్ డెలివ‌రీ అభిమానుల‌ను అల‌రించాయి. 2003 సంక్రాంతికి విడుద‌లైన ఈ చిత్రం క‌మ‌ర్షియ‌ల్‌గా పెద్ద హిట్‌గా నిలిచింది.

ప‌ద‌మూడు కోట్ల బ‌డ్జెట్‌తో రూపొందిన ఒక్కడు సినిమా న‌ల‌భై కోట్ల‌కుపైగా క‌లెక్ష‌న్స్ రాబ‌ట్టి ఆ స‌మ‌యంలో అత్య‌ధిక వ‌సూళ్ల‌ను సాధించిన తెలుగు సినిమాగా నిలిచింది. 2023 సంక్రాంతి స‌మ‌యానికి ఈ సినిమా విడుద‌లై ఇర‌వై ఏళ్లు పూర్త‌వుతాయి. ఈ సంద‌ర్భాన్ని పుర‌స్క‌రించుకొని ఒక్క‌డు సినిమాను మ‌రోసారి రిలీజ్ రాబోతున్న‌ది. 2023 జ‌న‌వ‌రి 8న ఒక్కడు సినిమాను ప్రేక్షకుల ముందుకు తీసుకురాబోతున్నారు.

ఈ విష‌యాన్ని నిర్మాత ఎం.ఎస్‌.రాజు ట్విట్ట‌ర్ ద్వారా అభిమానుల‌తో పంచుకున్నాడు. 4కేలో వ‌ర‌ల్డ్‌వైడ్‌గా స్పెష‌ల్ షోస్ స్క్రీనింగ్ చేయ‌బోతున్న‌ట్లు తెలిపాడు. ఒక్క‌డు రీ రిలీజ్‌ డేట్ అనౌన్స్ మెంట్ తో మ‌హేష్ ఫ్యాన్స్‌లో ఆనందం వ్య‌క్త‌మ‌వుతోంది.

కాగా సంక్రాంతి బ‌రిలో ఈ సినిమా నిల‌వ‌డం ఆస‌క్తిక‌రంగా మారింది. 2023 సంక్రాంతి స‌మ‌యంలో ప్ర‌భాస్ ఆదిపురుష్‌, చిరంజీవి బాబీ సినిమా, విజ‌య్ వార‌సుడు సినిమాలు రిలీజ్ కాబోతున్నాయి. సంక్రాంతి పండుగ సమయంలోనే ఒక్క‌డు సినిమాను రీ రిలీజ్ చేయ‌డం ఆస‌క్తిక‌రంగా మారింది. ఒక్కడు సినిమాలో భూమిక హీరోయిన్ గా నటించగా ప్రకాష్ రాజ్ విలన్ గా కనిపించాడు.