Kushi Kapoor: తన బాయ్‌ఫ్రెండ్ పేరును ఖుషీ కపూర్ ఎక్కడ రాయించుకుందో చూడండి.. ఫొటో వైరల్

Kushi Kapoor: ఖుషీ కపూర్.. ఒకప్పటి అందాల నటి శ్రీదేవి, బోనీ కపూర్ ముద్దుల తనయ. ఈ మధ్య కాలంలో బాలీవుడ్ ను ఏలుతున్న జాన్వీ కపూర్ సోదరి. ఆమె చాలా రోజులుగా డేటింగ్ లో ఉన్నట్లు వార్తలు వస్తూనే ఉన్నా.. ఎప్పుడూ ఆమె బయటపడలేదు. అయితే తాజాగా ఆమెకు సంబంధించిన ఓ ఫొటో వైరల్ అవుతోంది. తన బాయ్‌ఫ్రెండ్ వేదాంగ్ రైనా పేరు ఉన్న బ్రేస్లెట్ ను ఆమె ధరించడం విశేషం.

రిలేషన్షిప్ కన్ఫమ్ చేసిన ఖుషీ

ఖుషీ కపూర్ అక్క జాన్వీ కపూర్ ఇప్పటికే శిఖర్ పహరియాతో డేటింగ్ చేస్తున్న విషయం తెలుసు కదా. అతని పేరును ఆమె తన నెక్లెస్ పై చూపిస్తోంది. ఇప్పుడు ఆమె చెల్లెలు ఖుషీ కపూర్ తన బాయ్‌ఫ్రెండ్ వేదాంగ్ రైనా పేరును తన బ్రేస్‌లెట్ పై రాయించుకోవడం విశేషం. ఇప్పటికే ఈ ఇద్దరూ కలిసి ఎన్నోసార్లు పబ్లిగ్గా కనిపించినా ఎప్పుడూ తమ రిలేషన్షిప్ ను కన్ఫమ్ చేయలేదు.

కానీ ఇప్పుడీ బ్రేస్‌లెట్ తో ఆమె ఆ విషయాన్ని కన్ఫమ్ చేసినట్లే అని అభిమానులు భావిస్తున్నారు. ఈ మధ్యే ఈ ప్రేమ జంట మాల్దీవుల్లో వెకేషన్ కు వెళ్లింది. ఆ ఫొటోలను సోషల్ మీడియాలో షేర్ చేశారు. అందులో ఖుషీ కపూర్ రెడ్ బికినీలో కనిపించింది. ఆ సమయంలో ఆమె వేసుకున్న బ్రేస్‌లెట్ పై వేదాంగ్ రైనా పేరు కనిపిస్తోంది.

ఆ సినిమా ద్వారా..

ఖుషీ కపూర్, వేదాంగ్ రైనా ఇద్దరూ ఆ మధ్య నెట్‌ఫ్లిక్స్ లో వచ్చిన ది ఆర్చీస్ మూవీలో నటించారు. అప్పటి నుంచే వీళ్ల మధ్య ఏదో జరుగుతోందన్న పుకార్లు మొదలయ్యాయి. ఇదే మూవీలో షారుక్ ఖాన్ కూతురు సుహానా ఖాన్, అమితాబ్ బచ్చన్ మనవడు అగస్త్య నందా, మిహిర్ అహూజాలాంటి వాళ్లు నటించారు.

ఇక ఈ మధ్యే వేదాంగ్ రైనా.. ఆలియా భట్ నటించిన జిగ్రా మూవీలోనూ కనిపించాడు. మూవీ ప్రమోషన్లలో భాగంగా తన డేటింగ్ లైఫ్ గురించి కూడా మాట్లాడాడు. "నా కెరీర్ పైనే ప్రస్తుతం దృష్టిసారించాను. అందుకే నా డేటింగ్ లైఫ్ వెనుకబడిపోయింది" అని అతడు అన్నాడు. అయితే ఇప్పుడు ఖుషీ కపూర్ పరోక్షంగా తమ రిలేషన్షిప్ ను కన్ఫమ్ చేయగా.. త్వరలోనే వీళ్లు ఓపెన్ అవుతారేమో చూడాలి.