K.G.F: Chapter 2 |కేజీఎఫ్-2 యాభై రోజులు పూర్తి...ఎన్ని సెంట‌ర్స్‌లో అర్థ శ‌త‌దినోత్స‌వం ఆడిందంటే...
యశ్ హీరోగా ప్రశాంత్ నీల్ దర్శకత్వంలో రూపొందిన కేజీఎఫ్-2 రికార్డుల ప‌రంప‌ర‌ను కొన‌సాగిస్తూనే ఉంది. ఇప్ప‌టికే భార‌తీయ సినీ చ‌రిత్ర‌లో అత్య‌ధిక వ‌సూళ్ల‌ను సాధించిన సినిమాల్లో ఒక‌టిగా నిలిచిన ఈ చిత్రం తాజాగా యాభై రోజుల‌ను పూర్తిచేసుకున్న‌ది. ఈ సినిమా ఎన్ని సెంట‌ర్స్‌లో అర్ధ శ‌త‌దినోత్స‌వం ఆడిందంటే....
యశ్ హీరోగా ప్రశాంత్ నీల్ దర్శకత్వంలో రూపొందిన కేజీఎఫ్2 అద్భుత విజయంతో సినీ అభిమానులందరి దృష్టిని ఆకర్షించింది. బాలీవుడ్,టాలీవుడ్ అనే తేడాలు లేకుండా ప్ర‌తి భాష‌లో ఈ సినిమా సంచ‌ల‌నాన్ని సృష్టించింది. స్ట్రెయిట్ సినిమాల‌ను త‌ల‌ద‌న్నుతూ భారీ వ‌సూళ్ల‌తో ప్ర‌తి భాష‌లో రికార్డుల‌ను తిర‌గ‌రాసింది. కేజీఎఫ్-2 దెబ్బ‌కు బాలీవుడ్‌లో స్టార్ హీరోల రికార్డుల‌న్నీ బ‌ద్ద‌లైపోయాయి.
వ‌ర‌ల్డ్‌వైడ్‌గా 1200 కోట్ల‌కుపైగా క‌లెక్ష‌న్స్‌ను ఈ సినిమా సాధించింది. త‌మిళంలో 135 షేర్‌ను రాబ‌ట్టి రికార్డును సృష్టించింది. బాలీవుడ్‌లో అత్య‌ధిక క‌లెక్ష‌న్స్ రాబ‌ట్టిన టాప్ త్రీ సినిమాల్లో ఒక‌టిగా నిలిచింది. ఇలా ప్ర‌తి భాష‌లో రికార్డుల‌ను సృష్టించిన ఈ సినిమా నేటితో యాభై రోజులు పూర్తిచేసుకున్న‌ది. 390 థియేట‌ర్ల‌లో ఈ సినిమా అర్ధ‌శ‌త‌దినోత్స‌వాన్ని పూర్తిచేసుకున్న‌ట్లు చిత్ర‌యూనిట్ ప్ర‌క‌టించింది.
ఓవ‌ర్‌సీస్‌లోనూ 10కిపైగా సెంట‌ర్స్ లో ఈ సినిమా యాభై రోజులు ఆడిన‌ట్లు వెల్ల‌డించారు. ప్ర‌స్తుతం రెండు,మూడు వారాల‌కు సినిమా ప‌రిమిత‌మైపోయిన త‌రుణంలో 390 సెంట‌ర్స్‌లో యాభై రోజుల‌ను పూర్తిచేసుకోవ‌డం రికార్డు అని ట్రేడ్ వ‌ర్గాలు చెబుతున్నాయి. శుక్ర‌వారం నుంచి ఈ సినిమా అమెజాన్ స‌బ్‌స్కైబ‌ర్స్ అంద‌రికీ ఉచితంగా అందుబాటులోకి రానుంది.
యశ్ హీరోగా న‌టించిన ఈ చిత్రానికి ప్రశాంత్ నీల్ ద‌ర్శ‌క‌త్వం వ‌హించారు. కేజీఎఫ్ ప్రాంచైజ్‌లో మూడో పార్ట్ రాబోతున్న‌ది. వ‌చ్చే ఏడాది కేజీఎఫ్-3 సెట్స్‌పైకి రాబోతున్న‌ట్లు స‌మాచారం.
సంబంధిత కథనం