Bimbisara OTT Release Date: బింబిసార ఓటీటీ రిలీజ్ డేట్ అక్టోబరు 21న.. ఎందులో

Bimbisara OTT Release Date: బింబిసార ఓటీటీ రిలీజ్ డేట్ కోసం ఫ్యాన్స్ చాలా రోజులుగా ఆస‌క్తిగా ఎదురుచూస్తున్నారు. తొలుత ఈ సినిమా ద‌స‌రాకు ఓటీటీలో రిలీజ్ కానున్న‌ట్లు వార్త‌లొచ్చాయి. కానీ థియేట‌ర్స్‌తో పాటు ఓటీటీలో ప‌లు తెలుగు సినిమాలు రిలీజ్ కావ‌డంతో బింబిసార ఓటీటీ రిలీజ్ విష‌యంలో ఇంకాస్త ఆలస్యం చేస్తోంది.

తాజాగా దీపావ‌ళి కానుక‌గా Bimbisara OTT Release Date అక్టోబ‌ర్ 21గా ఫిక్స్ చేసింది. ఈ సినిమా జీ5 ఓటీటీలో విడుద‌ల‌కాబోతోంది. బింబిసార‌ డిజిట‌ల్ రైట్స్‌ను జీ5 (Zee5 ott)సంస్థ ద‌క్కించుకున్న‌ది. బింబిసార‌తో పాటు అదే రోజు థియేట‌ర్ల‌లో రిలీజైన సీతారామం మాత్రం చాలా రోజుల క్రిత‌మే ఓటీటీలో విడుద‌లైంది.

బింబిసార త‌ర్వాత విడుద‌లైన కార్తికేయ 2 సినిమా కూడా ఓటీటీ ద్వారా ప్రేక్ష‌కుల ముందుకొచ్చింది. కానీ బింబిసార‌ను మాత్రం రిలీజ్ చేయ‌క‌పోవ‌డం ఆస‌క్తిని రేకెత్తిచ్చింది.

Bimbisara OTT Release Date: బింబిసార మూవీ కథనం ఇదే

టైమ్ ట్రావెల్ పాయింట్‌తో సోషియా ఫాంట‌సీ ఎంట‌ర్‌టైన‌ర్‌గా రూపొందిన ఈ సినిమాలో క‌ళ్యాణ్‌రామ్ డ్యూయ‌ల్ రోల్ చేశాడు. బింబిసారుడ‌నే నెగెటివ్ షేడ్స్‌తో కూడిన రాజుగా, దేవ‌ద‌త్తుడ‌నే మంచివాడిగా న‌టించాడు.

మాయాద‌ర్ఫ‌ణం కార‌ణంగా బింబిసారుడు ఐద‌వ శాత‌బ్దం నుంచి 21 శ‌తాబ్దంలోకి ఎలా వ‌చ్చాడు? అత‌డిలో మార్పుకు కార‌ణ‌మైన ప‌రిస్థితుల‌తో యాక్ష‌న్ ఎమోష‌న‌ల్ ఎంట‌ర్‌టైన‌ర్‌గా ద‌ర్శ‌కుడు వ‌శిష్ట్ మ‌ల్లిడి ఈ సినిమాను రూపొందించాడు. ఈ సినిమాలో సంయుక్త‌మీన‌న్‌, కేథ‌రిన్ హీరోయిన్లుగా న‌టించారు. బింబిసార సినిమాకు సీక్వెల్ రూపొంద‌నున్న‌ది. రెండో భాగానికి సంబంధించి ప్ర‌స్తుతం ప్రీ ప్రొడ‌క్ష‌న్ ప‌నులు తుదిద‌శ‌కు చేరుకున్న‌ట్లు స‌మాచారం.

త్వ‌ర‌లోనే సీక్వెల్‌ను సెట్స్‌పైకి తీసుకొచ్చేందుకు స‌న్నాహాలు చేస్తున్నారు. కాగా క‌ళ్యాణ్‌రామ్ కెరీర్‌లోనే బిగ్గెస్ట్ హిట్‌గా ఈ సినిమా నిలిచింది. చాలా రోజుల త‌ర్వాత ఈ సినిమాతోనే అత‌డు హిట్‌ను అందుకోవ‌డం గ‌మ‌నార్హం.