Sai Pallavi: సాయిప‌ల్ల‌వి న‌న్ను అన్న అని పిల‌వ‌డంతో షాక‌య్యా - కోలీవుడ్ స్టార్ హీరో కామెంట్స్‌

Sai Pallavi: శివ‌కార్తికేయ‌న్‌, సాయిప‌ల్ల‌వి జంట‌గా న‌టిస్తోన్న అమ‌ర‌న్ మూవీ అక్టోబ‌ర్ 31న వ‌ర‌ల్డ్ వైడ్‌గా రిలీజ్ కాబోతోంది. యాక్ష‌న్ వార్ డ్రామాగా రూపొందుతోన్న ఈ మూవీని లెజెండ‌రీ యాక్ట‌ర్ క‌మ‌ల్‌హాస‌న్ ప్రొడ్యూస్ చేస్తున్నాడు. అమ‌ర‌న్ ఆడియో లాంఛ్ ఈవెంట్ శుక్ర‌వారం చెన్నైలో జ‌రిగింది. ఈ ఆడియో లాంఛ్ ఈవెంట్‌కు అగ్ర ద‌ర్శ‌కులు మ‌ణిర‌త్నం, లోకేష్ క‌న‌గ‌రాజ్ ముఖ్య అతిథులుగా హాజ‌ర‌య్యారు.

సాయిప‌ల్ల‌వి బ్రాండ్‌...

ఈ ఆడియో వేడుక‌లో సాయిప‌ల్ల‌విపై హీరో శివ‌కార్తికేయ‌న్ ఆస‌క్తిక‌ర కామెంట్స్ చేశాడు. ద‌క్షిణాది సినీ ప‌రిశ్ర‌మ‌లో సాయిప‌ల్ల‌వి పేరు ఓ బ్రాండ్‌గా మారిపోయింద‌ని శివ‌కార్తికేయ‌న్ అన్నాడు. ప్రేమ‌మ్ సినిమాలో మ‌ల‌ర్ టీచ‌ర్ పాత్ర‌లో సాయిప‌ల్ల‌వి న‌టన చూసి అంద‌రిలాగే నేను ఆమెకు అభిమానిగా మారిపోయా. సాయిప‌ల్ల‌వికి ఫోన్ చేసి న‌ట‌న బాగుంద‌ని చెప్పా. థాంక్యూ అన్న అని రిప్లై ఇచ్చింది. ఆమె స‌మాధానం విని షాక‌య్యాను. భ‌విష్య‌త్తులో త‌ప్ప‌కుండా సాయిప‌ల్ల‌వితో సినిమా చేయాల‌ని అప్పుడే అనుకున్నా. అమ‌ర‌న్‌తో అది నిజ‌మైంది అని శివ‌కార్తికేయ‌న్ అన్నాడు

సినిమాల్లోకి రాక‌ముందే...

. సాయిప‌ల్ల‌వి హీరోయిన్ కావ‌డానికి ముందే ఆమెను తాను క‌లిసిన‌ట్లు చెప్పాడు. తాను హోస్ట్‌గా ప‌నిచేస్తోన్న త‌న టీవీ షోకు సాయిప‌ల్ల‌వి అటెండ్ అయిన విష‌యాన్ని ఆడియో వేడుక‌లో గుర్తుచేసుకున్నాడు శివ‌కార్తికేయ‌న్‌. సాయిప‌ల్ల‌విపై శివ‌కార్తికేయ‌న్ చేసిన కామెంట్స్ వైర‌ల్ అవుతోన్నాయి.

మ‌ణిర‌త్నం ప్ర‌శంస‌లు...

అమ‌ర‌న్ ఆడియో వేడుక‌లో సాయిప‌ల్ల‌విపై అగ్ర ద‌ర్శ‌కుడు మ‌ణిర‌త్నం ప్ర‌శంస‌లు కురిపించాడు. సాయిప‌ల్ల‌వికి తాను పెద్ద ఫ్యాన్‌ను అంటూ వేదిక‌పైనే ప్ర‌క‌టించాడు. ఏదో ఒక రోజు సాయిప‌ల్ల‌వితో త‌ప్ప‌కుండా ఓ మూవీ చేస్తాన‌ని అన్నాడు. మ‌ణిర‌త్నం కామెంట్స్‌తో సాయిప‌ల్ల‌వి ఎమోష‌న‌ల్ అయ్యింది.

మ‌ణిర‌త్నం పేరు మాత్ర‌మే తెలుసు...

సినిమాల్లోకి రాక‌ముందు త‌న‌కు మ‌ణిర‌త్నం మిన‌హా ఏ డైరెక్ట‌ర్ పేరుత‌న‌కు తెలియ‌ద‌ని సాయిప‌ల్ల‌వి అన్న‌ది. డైరెక్ట‌ర్ల‌లో మ‌ణిర‌త్నం పేరు నాకు ఎక్కువ‌గా వినిపించేది. స్క్రిప్ట్, క్యారెక్ట‌ర్స్ సెలెక్ష‌న్‌లో నేను వైవిధ్యంగా అడుగులు వేయ‌డానికి మ‌ణిర‌త్నం ఇచ్చిన స్ఫూర్తి ఓ కార‌ణం అని సాయిప‌ల్ల‌వి అన్న‌ది.

ఆర్మీ మేజ‌ర్ జీవితంతో...

అమ‌ర‌న్ మూవీ తెలుగులోనూ రిలీజ్ కాబోతోంది. 31 ఏళ్ల వ‌య‌సులోనే ఉగ్ర‌వాదుల దాడిలో క‌న్నుమూసిన ఆర్మీ మేజ‌ర్ ముకుంద్ వ‌ర‌ద‌రాజ‌న్ జీవితం ఆధారంగా అమ‌ర‌న్ మూవీ తెర‌కెక్కుతోంది. ఈ సినిమాలో ముకుంద్ వ‌ర‌ద‌రాజ‌న్ పాత్ర‌లో శివ‌కార్తికేయ‌న్ క‌నిపిస్తోండ‌గా, అత‌డి భార్య పాత్ర‌ను సాయిప‌ల్ల‌వి పోషిస్తోంది. దాదాపు 150 కోట్ల బ‌డ్జెట్‌తో తెర‌కెక్కుతోన్న అమ‌ర‌న్ మూవీకి జీవీ ప్ర‌కాష్ కుమార్ మ్యూజిక్ అందిస్తోన్నాడు.

ల‌వ్ స్టోరీ త‌ర్వాత‌...

ప్రస్తుతం తెలుగులో నాగచైతన్యతో తండేల్ మూవీ చేస్తోంది సాయిపల్లవి. లవ్ స్టోరీ తర్వాత నాగచైతన్య, సాయిపల్లవి కాంబోలో వస్తోన్న ఈ మూవీకి చందూ మొండేటి ద‌ర్శ‌క‌త్వం వ‌హించాడు. రామాయ‌ణ మూవీతో బాలీవుడ్‌లోకి ఎంట్రీ ఇస్తోంది సాయిప‌ల్ల‌వి. ఈ మూవీలో ర‌ణ్‌బీర్‌క‌పూర్ రాముడిగా క‌నిపించ‌బోతుండ‌గా జాన‌కిగా సాయిప‌ల్ల‌వి న‌టిస్తోంది.