Evarevaro Video Song: యానిమల్ నుంచి ‘ఎవరెవరో’ పుల్ వీడియో సాంగ్ వచ్చేసింది: చూసేయండి

Evarevaro Video Song - Animal Movie: బాలీవుడ్ స్టార్ రణ్‍బీర్ కపూర్ హీరోగా నటించిన యానిమల్ సినిమా బాక్సాఫీస్ వద్ద తుఫాన్ సృష్టించింది. డిసెంబర్ 1న రిలీజ్ అయిన ఈ చిత్రం 18 రోజుల్లో ప్రపంచవ్యాప్తంగా సుమారు రూ.830కోట్లకు పైగా గ్రాస్ కలెక్షన్లను సాధించింది. ఇప్పుడిప్పుడే ఈ చిత్రానికి కలెక్షన్లు నెమ్మదిస్తున్నాయి. ఈ క్రమంలో మూవీ యూనిట్ యానిమల్ చిత్రం నుంచి వీడియో సాంగ్‍లను క్రమంగా రిలీజ్ చేస్తోంది. నేడు (డిసెంబర్ 19).. యానిమల్ నుంచి ‘ఎవరెవరో’ పాట ఫుల్ వీడియో సాంగ్‍ను విడుదల చేసింది.

యానిమల్ సినిమా నుంచి ఎవరెవరో ఫుల్ వీడియో సాంగ్ వచ్చేసింది. ఈ వీడియో సాంగ్ కోసం నిరీక్షిస్తున్న వారి ఎదురు చూపులు ముగిసేలా ఈ పాటను తీసుకొచ్చేశామంటూ మూవీ టీమ్ పేర్కొంది. ఎవరెవరో వీడియో సాంగ్‍ను రిలీజ్ చేసింది. ఈ పాటలో హీరో రణ్‍బీర్ కపూర్, బాలీవుడ్ బ్యూటీ తృప్తి డిమ్రి ఇంటిమేట్ సీన్స్ ఉన్నాయి.

రణ్‍బీర్, తృప్తి మధ్య కెమెస్ట్రీ అదిరిపోవడంతో ఎవరెవరో వీడియో సాంగ్ ఎప్పుడు తీసుకొస్తారంటూ కొందరు నెటిజన్లు యానిమల్ యూనిట్‍ను ప్రశ్నించారు. ఈ పాటను రిలీజ్ చేయాలని డిమాండ్ చేశారు. ఇప్పుడు ఎట్టకేలకు ఈ ఫుల్ వీడియో సాంగ్‍ను యూనిట్ తీసుకొచ్చింది. ఎవరెవరో వీడియో సాంగ్ హిందీ, తమిళం, కన్నడ మలయాళం భాషల్లోనూ రిలీజ్ అయింది.

యానిమల్ సినిమాలో ఎవరెవరో పాటకు విశాల్ మిశ్రా స్వరాలు అందించటంతో పాటు ఆయనే పాడారు. అనంత్ శ్రీరామ్ లిరిక్స్ అందించారు. మెలోడియస్‍గా ఉన్న ఈ సాంగ్ చాలా పాపులర్ అయింది. ఇక, రణ్‍బీర్, తృప్తి కెమిస్ట్రీ చాలా మంది దృష్టిని ఆకర్షించింది. ఈ పాటతోనే తృప్తి బాగా పాపులర్ అయ్యారు.

యానిమల్ సినిమాకు సందీప్ రెడ్డి వంగా దర్శకత్వం వహించారు. మితిమీరిన హింస, బోల్డ్ సీన్స్ ఉన్నాయంటూ ఈ సినిమాపై విమర్శలు వచ్చాయి. అయినా, భారీ కలెక్షన్లను దక్కించుకొని ఈ చిత్రం భారీ బ్లాక్‍బాస్టర్ అయింది. రణ్‍బీర్ కెరీర్లోనే అతిపెద్ద హిట్‍గా నిలిచింది. ఈ చిత్రంలో హీరోయిన్‍గా రష్మిక మందన్న నటించగా.. బాబీ డియోల్, అనిల్ కపూర్, శక్తి కపూర్, బబ్లూ పృథ్విరాజ్ కీలకపాత్రలు పోషించారు.