Dhanush Thiru OTT Releae: ధనుష్ తిరు ఓటీటీలో ఎప్పుడు? ఎందులో వస్తుందంటే?
Thiru OTT Streaming date: ధనుష్ హీరోగా నటించిన తాజా చిత్రం తిరు. ఈ సినిమా ఆగస్టు 18న విడుదలై మంచి విజయాన్ని అందుకుంది. తాజాగా ఈ సినిమా ఓటీటీ విడుదల తేదీ అప్డేట్ వచ్చింది.
Thiru Movie OTT Streaming Date: కోలీవుడ్ స్టార్ హీరో ధనుష్ నటించిన తాజా చిత్రం తిరు చిట్రంబళం. తెలుగులో ఈ సినిమాను తిరు పేరుతో విడుదదల చేశారు. నిత్యా మీనన్, రాశీ ఖన్నా, ప్రియా భవానీ శంకర్ హీరోయిన్లుగా చేశారు. ఆగస్టు 12న విడుదలైన ఈ చిత్రం పాజిటివ్ టాక్ తెచ్చుకుంది. తమిళంలో అయితే మంచి విజయాన్ని అందుకుని వసూళ్ల వర్షాన్ని కురిపించింది. ఇప్పటికే వంద కోట్ల క్లబ్‌లో చేరిన ఈ సినిమా ఇంకా థియేటర్లో సందడి చేస్తూనే ఉంది. దీంతో ఓటీటీలో ఈ సినిమా ఎప్పుడెప్పుడు విడుదలవుతుందాని సినీ ప్రియులు ఆత్రుతగా ఎదురచూస్తున్నారు.
అయితే తిరు సినిమా గురించి ఆసక్తికర వార్త సోషల్ మీడియాలో చర్చనీయాంశంగా మారింది. ధనుష్ నటించిన ఈ చిత్రం ఈ నెలలో ఓటీటీ వేదికగా స్ట్రీమింగ్ కానున్నట్లు సమాచారం. ఫిల్మ్ వర్గాల ప్రకారం తిరు చిత్రం సెప్టెంబరు 17 నుంచి స్ట్రీమింగ్ కానుందని తెలుస్తోంది. ప్రముఖ ఓటీటీ దిగ్గజం నెట్‌ఫ్లిక్స్‌తో పాటు సన్ నెక్స్ట్ సంస్థలు ఈ చిత్రం ఓటీటీ రైట్స్ కొనుగోలు చేశాయని తెలుస్తోంది. ఈ విషయంపై త్వరలోనే అధికారిక సమాచారం రానుంది.
తిరు సినిమాకు మిత్ర ఆర్ జవహర్ దర్శకత్వం వహించారు. రాశీ ఖన్నా, ప్రియా భవనీ శంకర్, నిత్యా మీనన్ హీరోయిన్లుగా చేశారు. దిగ్గజ దర్శకుడు భారతీ రాజా, ప్రకాశ్ రాజ్ కీలక పాత్రల్లో నటించారు. అనిరుధ్ రవిచంద్రన్ సంగీతాన్ని సమకూర్చారు. ఈ సినిమాను ఆగస్టు 18న ప్రపంచ వ్యాప్తంగా ప్రేక్షకుల ముందుకు వచ్చింది. తెలుగు, తమిళంలో ఏకకాలంలో ఇది విడుదలై మంచి హిట్ టాక్ సొంతం చేసుకుంది.
ధనుష్ భాషతో సంబంధం లేకుండా వరుస పెట్టి సినిమాలు చేస్తున్నారు. ఇటీవలే తెలుగులో సార్ అనే సినిమాకు కూడా పచ్చజెండా ఊపారు. దీంతో పాటు వరుస పెట్టి సినిమాలు చేస్తూ దూసుకెళ్తున్నారు. ఇప్పటికే హాలీవుడ్ ది గ్రే మ్యాన్ సినిమాతో అరంగేట్రం చేశారు. ఈ సినిమా గత నెలలో ఓటీటీ వేదికగా విడుదలై హిట్ టాక్ తెచ్చుకుంది. ధనుష్ నటనకు మంచి మార్కులు పడ్డాయి.
సంబంధిత కథనం