Brahmastra Streaming On Hotstar: ఓటీటీలోకి వ‌చ్చేసిన బ్ర‌హ్మాస్త్ర

Brahmastra Streaming On Hotstar: బ్ర‌హ్మాస్త్ర సినిమా ఓటీటీలోకి వ‌చ్చేసింది. నేటి నుంచి ఈ సినిమా డిస్నీప్ల‌స్ హాట్‌స్టార్‌లో స్ట్రీమింగ్ అవుతోంది. మైథ‌లాజిక‌ల్ పాయింట్‌కు ఫాంట‌సీ యాక్ష‌న్ అంశాల‌ను జోడించి రూపొందించిన ఈ సినిమాలో బాలీవుడ్ రియ‌ల్ క‌పుల్ ర‌ణ్‌బీర్ క‌పూర్‌ (Ranbir kapoor), అలియా భ‌ట్ (Alia Bhatt) హీరోహీరోయిన్లుగా న‌టించారు. పెళ్లి త‌ర్వాత వీరిద్ద‌రు తొలిసారి జంట‌గా న‌టించిన సినిమా ఇది. అయాన్ ముఖ‌ర్జీ ద‌ర్శ‌క‌త్వం వ‌హించాడు.

సెప్టెంబ‌ర్ 9న థియేట‌ర్ల‌లో విడుద‌లైన ఈ సినిమా ఈ ఏడాది బాలీవుడ్‌లో హ‌య్యెస్ట్ గ్రాస‌ర్‌గా నిలిచింది. దాదాపు 450 కోట్ల‌కుపైగా క‌లెక్ష‌న్స్ రాబ‌ట్టింది. ఈ సినిమా ద‌క్షిణాది వెర్ష‌న్‌కు అగ్ర ద‌ర్శ‌కుడు రాజ‌మౌళి ప్ర‌జెంట‌ర్‌గా వ్య‌వ‌హ‌రించ‌డంతో తెలుగులో ఈ సినిమా 20 కోట్ల వ‌ర‌కు క‌లెక్ష‌న్స్ రాబ‌ట్టింది. తెలుగులో హ‌య్యెస్ట్ క‌లెక్ష‌న్స్ సొంతం చేసుకున్న బాలీవుడ్ డ‌బ్బింగ్ సినిమాల్లో ఒక‌టిగా బ్ర‌హ్మాస్త్ర నిలిచింది.

బ్ర‌హ్మాస్త్ర ఓటీటీ రిలీజ్ కోసం ప్రేక్ష‌కులు ఆస‌క్తిగా ఎదురుచూశారు. ఈ నిరీక్ష‌ణ‌కు పుల్‌స్టాప్ పెడుతూ శుక్ర‌వారం డిస్నీ ప్ల‌స్ హాట్‌స్టార్‌లో ఈ సినిమా రిలీజైంది. హిందీ, తెలుగుతో పాటు ద‌క్షిణాది భాష‌ల‌న్నింటిలో ఈ సినిమా స్ట్రీమింగ్ కానుంది.

దాదాపు 85 కోట్ల‌కు ఈ సినిమా డిజిట‌ల్ రైట్స్‌ను డిస్నీ ప్ల‌స్ హాట్ స్టార్ ద‌క్కించుకున్న‌ట్లు స‌మాచారం. మూడు ముక్క‌లైన బ్ర‌హ్మాస్త్రాన్ని కాపాడ‌టం కోసం శివ అనే యువ‌కుడు సాగించిన పోరాటం ఆధారంగా ద‌ర్శ‌కుడు అయాన్ ముఖ‌ర్జీ ఈ సినిమాను తెర‌కెక్కించాడు.

ఇందులో షారుఖ్‌ఖాన్ అతిథి పాత్ర‌లో న‌టించాడు. అమితాబ్‌బ‌చ్చ‌న్, నాగార్జున అక్కినేని కీల‌క పాత్ర‌లు పోషించారు. సుదీర్ఘ విరామం త‌ర్వాత బ్ర‌హ్మాస్త్ర సినిమాతోనే నాగార్జున బాలీవుడ్‌లోకి ఎంట్రీ ఇచ్చాడు. క‌ర‌ణ్ జోహార్ ఈ సినిమాను నిర్మించాడు.మూడు భాగాలుగా బ్ర‌హ్మాస్త్ర సినిమా రూపొంద‌నుంది. సెకండ్ పార్ట్‌ను వ‌చ్చే ఏడాది రిలీజ్ చేయ‌బోతున్నారు.