Ashika Ranganath Telugu Debut: కల్యాణ్ రామ్ సినిమాలో కన్నడ బ్యూటీ ఆషికా రంగనాథ్.. టాలీవుడ్‌లో అరంగేట్రం

Ashika Ranganath Telugu Debut: నందమూరి హీరో కల్యాణ్ రామ్ ఈ ఏడాది బింబిసారతో సాలిడ్ హిట్ అందుకున్నారు. దీంతో ఆయన నటించే తదుపరి ప్రాజెక్టుపై ఆసక్తి నెలకొంది. ప్రస్తుతం ఆయన మైత్రీ మూవీ మేకర్స్ నిర్మాణ సారథ్యంలో ఓ సినిమా చేస్తున్నారు. ఈ సినిమా టైటిల్ వచ్చేసి అమిగోస్. తాజాగా ఈ సినిమాకు సంబంధించి సరికొత్త అప్డేట్ ఇచ్చారు మేకర్స్. ఈ సినిమాలో నటించబోయో హీరోయిన్‌ ఎవరో తెలియజేశారు. అంతేకాకుండా సినిమా విడుదల తేదీని కూడా ప్రకటించారు.

కల్యాణ్ రామ్ సరసన ఈ చిత్రంలో కన్నడ బ్యూటీ ఆషికా రంగనాథ్ కథానాయికగా నటిస్తున్నట్లు మేకర్స్ ప్రకటించారు. ఇషికా అనే పాత్రలో ఆమె నటిస్తున్నట్లు తెలిపారు. ఈ మేరకు ఆమె పోస్టర్‌ను విడుదల చేశారు. క్యూట్ ఫోజుతో ఆమె ఎంతో ఆకర్షణీయంగా కనిపిస్తోంది. చాలా తక్కువ సమయంలోనే ఆషికా కన్నడ చిత్రాల్లో అగ్ర హీరోయిన్లలో ఒకరిగా చేరింది. దీంతో ఇతర చిత్ర సీమల నుంచి కూడా ఈ ముద్దుగుమ్మకు ఆఫర్లు భారీగా వస్తున్నాయి. దీంతో డిమాండ్ ఉన్న నటిగా గుర్తింపు పొందారు.

ప్రస్తుతం కల్యాణ్ రామ్ సరసన నటిస్తూ సాలిడ్ ప్రాజెక్టుతో తెలుగులో అరంగేట్రం చేస్తోంది ఆషికా. ఈ చిత్రం కల్యాణ్ రామ్ 19వ సినిమా కావడం విశేషం. రాజేంద్ర రెడ్డి అనే కొత్త దర్శకుడు ఈ చిత్రం ద్వారా చిత్రసీమకు పరిచయమవుతున్నారు. జనవరి నుంచి ఈ సినిమా ప్రమోషన్లను ప్రారంభించేందుకు మేకర్స్ సన్నాహాలు చేస్తున్నారు. 2023 ఫిబ్రవరి 10న ప్రపంచ వ్యాప్తంగా ప్రేక్షకుల ముందుకు సినిమాను తీసుకొచ్చేందుకు చిత్రబందం ప్రణాళికలు సిద్ధం చేస్తోంది.

రాజేంద్రరెడ్డి దర్శకత్వం వహిస్తున్న ఈ సినిమాలో కల్యాణ్ రామ్ సరసన ఆషికా హీరోయిన్‌గా చేస్తోంది. మైత్రీ మూవీ మేకర్స్ బ్యానర్‌పై నవీన్ యెర్నేనీ, వై రవిశంకర్ నిర్మిస్తున్నారు. జిబ్రాన్ సంగీతాన్ని సమకూరుస్తున్నారు. సౌందర్ రాజన్ సినిమాటోగ్రాఫర్‌గా పనిచేస్తున్నారు. తమ్మిరాజు ఎడిటర్‌గా పనిచేస్తున్నారు.