Anupama Parameswaran Butterfly Movie: అనుపమ పరమేశ్వరన్ బటర్ ఫ్లై డైరెక్ట్‌గా ఓటీటీలో రిలీజ్ - స్ట్రీమింగ్ డేట్ ఇదే

Anupama Parameswaran Butterfly Movie: అనుప‌మ ప‌ర‌మేశ్వ‌ర‌న్ లేడీ ఓరియెంటెడ్ సినిమా బ‌ట‌ర్‌ఫ్లై థియేట‌ర్ల‌ను స్కిప్ చేస్తూ డైరెక్ట్‌గా ఓటీటీ ద్వారా ప్రేక్ష‌కుల ముందుకు రాబోతున్న‌ది. డిసెంబ‌ర్ 29 నుంచి డిస్నీ ప్ల‌స్ హాట్‌స్టార్‌లో ఈ సినిమా స్ట్రీమింగ్ కానుంది.

తెలుగుతో పాటు త‌మిళం, మ‌ల‌యాళం, క‌న్న‌డ భాష‌ల్లో ఈ సినిమా రిలీజ్ కానున్నట్లు డిస్నీ ప్ల‌స్ హాట్ స్టార్ తెలిపింది. సైక‌లాజిక‌ల్ థ్రిల్ల‌ర్ క‌థాంశంతో రూపొందుతోన్న ఈ సినిమాకు గంటా స‌తీష్ బాబు ద‌ర్శ‌క‌త్వం వ‌హిస్తున్నాడు. ఓ అపార్ట్‌మెంట్‌లో ఓ యువ‌తికి ఎదుర‌య్యే అనూహ్య ప‌రిణామాల‌తో ఈ సినిమా తెర‌కెక్కింది.

బ‌ట‌ర్‌ఫ్లై షూటింగ్ పూర్త‌యి చాలా రోజులైంది. తొలుత థియేట‌ర్ల‌లోనే ఈ సినిమాను విడుద‌ల‌చేయాల‌ని భావించారు. అనుకున్నంత‌గా ప్రాజెక్ట్‌పై బ‌జ్ రాక‌పోవ‌డంతో ఓటీటీ ద్వారా ప్రేక్ష‌కుల ముందుకు తీసుకొస్తున్న‌ట్లు ప్ర‌చారం జ‌రుగుతోంది. లేడీ ఓరియెంటెడ్ క‌థాంశంతో అనుప‌మ ప‌ర‌మేశ్వ‌ర‌న్ చేసిన తొలి సినిమా ఇది. కార్తికేయ -2తో ఇటీవ‌లే పెద్ద విజ‌యాన్ని ద‌క్కించుకున్న‌ది అనుప‌మ ప‌ర‌మేశ్వ‌ర‌న్‌.

మైథ‌లాజికల్ అడ్వెంచ‌ర‌స్ థ్రిల్ల‌ర్‌గా రూపొందిన ఈ సినిమా 130 కోట్ల‌కుపైగా క‌లెక్ష‌న్స్ రాబ‌ట్టింది. కార్తికేయ‌-2 త‌ర్వాత మ‌రోసారి నిఖిల్‌తోనే 18 పేజేస్ సినిమా చేయ‌బోతున్న‌ది అనుప‌మ ప‌ర‌మేశ్వ‌ర‌న్‌. ప్యూర్ ల‌వ్‌స్టోరీగా రూపొందిన ఈ సినిమా డిసెంబ‌ర్ 23న రిలీజ్ కానుంది.