Sudigali Sudheer OTT Debut: ఓటీటీలోకి ఎంట్రీ ఇస్తోన్న సుడిగాలి సుధీర్ - కామెడీ స్టాక్ ఎక్సేంజ్ షో స్ట్రీమింగ్ ఎప్పుడంటే

Sudigali Sudheer OTT Debut: జ‌బ‌ర్ధ‌స్త్ కామెడీ షోలో కంటెస్టెంట్‌గా ఎంట్రీ ఇచ్చిన సుడిగాలి సుధీర్ ఆ త‌ర్వాత‌ యాంక‌ర్‌గా మారిపోయాడు. ప్ర‌స్తుతం తెలుగులో టాప్ యాంక‌ర్స్‌లో ఒక‌రిగా కొన‌సాగుతోన్నాడు. ప‌లు రియాలిటీ షోస్‌కు హోస్ట్‌గా వ్య‌వ‌హ‌రిస్తోన్న సుధీర్ తాజాగా ఓటీటీలోకి ఎంట్రీ ఇస్తోన్నాడు. కామెడీ స్టాక్ ఎక్సేంజ్ పేరుతో ఆహా ఓటీటీలో కామెడీ షో ప్లాన్ చేసింది.

డిసెంబ‌ర్ 2 నుంచి ఈ కామెడీ షో స్ట్రీమింగ్ కానుంది. కామెడీ స్టాక్ ఎక్సేంజ్ షోకు సుడిగాలి సుధీర్‌, దీపికా పిల్లి హోస్ట్‌లుగా వ్య‌వ‌హ‌రిస్తోన్నారు. వేణు టిల్లు, ముక్కు అవినాష్‌, స‌ద్ధాం, హ‌రి, భాస్క‌ర్‌, జ్ఞానేశ్వ‌ర్ కంటెస్టెంట్స్‌గా పాల్గొన‌నున్నారు. ఈ షోకు ప్ర‌ముఖ ద‌ర్శ‌కుడు అనిల్ రావిపూడి ఛైర్మ‌న్‌గా వ్య‌వ‌హ‌రిస్తున్నారు.

మొత్తం మూడు రౌండ్ల‌లో ఈ షో సాగుతుంద‌ని, ఆడియెన్స్ ఓట్ల‌తో పాటు చైర్మ‌న్ మ‌న‌సును గెలుచుకున్న‌వారు విన్న‌ర్స్‌గా నిలుస్తార‌ని ఆహా ఓటీటీ సంస్థ ప్ర‌క‌టించింది. ప‌ది ఎపిసోడ్స్‌తో ఈ కామెడీ షో ప్రేక్ష‌కులు వినోదాన్ని పంచుతుంద‌ని తెలిపారు.

కామెడీలోని డిఫ‌రెంట్ యాంగిల్‌ను ఆవిష్క‌రించే షో ఇద‌ని అనిల్ రావిపూడి పేర్కొన్నాడు. కామెడీ స్టాక్ ఎక్సేంజ్ ద్వారా తొలిసారి ఆహాతో క‌లిసి ప‌నిచేయ‌డం ఆనందంగా ఉంద‌ని సుడిగాలి సుధీర్ తెలిపాడు. కాగా సుధీర్ హీరోగా న‌టించిన గాలోడు సినిమా ఇటీవ‌ల ప్రేక్ష‌కుల ముందుకొచ్చింది. మాస్ యాక్ష‌న్ ఎంటర్‌టైన‌ర్‌గా రూపొందిన ఈ సినిమా బాక్సాఫీస్ వ‌ద్ద చ‌క్క‌టి వ‌సూళ్ల‌ను సాధిస్తోంది.