Thalapathy vijay |మ‌రోసారి మాస్టర్ కాంబినేష‌న్‌-దళపతి విజయ్ నెక్స్ట్ సినిమా ద‌ర్శ‌కుడు అత‌డే...
దళపతి విజయ్ 67వ సినిమాకు ద‌ర్శ‌కుడు ఎవ‌ర‌నే ఆస‌క్తి అత‌డి అభిమానుల్లో చాలా కాలంగా నెల‌కొంది. ఈ సినిమాకు ద‌ర్శ‌క‌త్వం వ‌హించ‌బోతున్న‌ట్లు ప‌లువురు టాప్ డైరెక్ట‌ర్ల పేర్లు వినిపించాయి. తాజాగా ఆ ద‌ర్శ‌కుడు ఎవ‌ర‌నేది శ‌నివారం వెల్ల‌డైంది.
దళపతి విజయ్, ద‌ర్శ‌కుడు లోకేష్ కనకరాజ్ కాంబినేష‌న్‌లో రూపొందిన మాస్టర్ కోలీవుడ్ లో అత్య‌ధిక వ‌సూళ్ల‌ను సాధించిన చిత్రాల్లో ఒక‌టిగా నిలిచింది. యాక్ష‌న్ ఎంట‌ర్‌టైన‌ర్‌గా తెర‌కెక్కిన ఈ సినిమా బాక్సాఫీస్ వ‌ద్ద మూడు వంద‌ల కోట్ల క‌లెక్ష‌న్స్ సాధించింది. విజయ్ క్యారెక్ట‌రైజేష‌న్‌, అత‌డి ఎలివేష‌న్స్ సీన్స్‌ను డిఫ‌రెంట్‌గా తెర‌కెక్కించి ద‌ర్శ‌కుడిగా ప్ర‌తిభ‌ను చాటుకున్నారు లోకేష్ కనకరాజ్.
తాజాగా వీరిద్ద‌రి కాంబినేష‌న్‌లో మ‌రో సినిమా రాబోతున్న‌ట్లు తెలిసింది. శ‌నివారం ఓ అవార్డు వేడుక‌లో విజ‌య్‌తో సినిమా చేయ‌బోతున్న‌ట్లు లోకేష్ కనకరాజ్ వెల్ల‌డించారు. త్వ‌ర‌లోనే ఈ సినిమాకు సంబంధించిన అఫీషియ‌ల్ అనౌన్స్‌మెంట్ రాబోతున్న‌ట్లు అత‌డు వెల్ల‌డించాడు.
విజయ్ 67 సినిమాకు ద‌ర్శ‌కుడు ఎవ‌ర‌నే ప్ర‌చారానికి లోకేష్ ప్ర‌క‌ట‌న‌తో క్లారిటీ వ‌చ్చేసింద‌ని అభిమానులు అంటున్నారు. ప్ర‌స్తుతం వంశీపైడిప‌ల్లి ద‌ర్శ‌క‌త్వంలో రూపొందుతున్న సినిమా షూటింగ్‌లో విజయ్ బిజీగా ఉన్నారు.
ఫ్యామిలీ ఎంట‌ర్‌టైన‌ర్‌గా రూపొందుతున్న ఈ సినిమా చిత్రీకరణ హైద‌రాబాద్‌లో జ‌రుగుతోంది. అన్న‌పూర్ణ స్టూడియోస్‌లో వేసిన భారీ సెట్స్‌లో విజయ్, హీరోయిన్ ర‌ష్మిక మంద‌న్న‌తో పాటు ప్ర‌ధాన తారాగ‌ణంపై కీల‌క స‌న్నివేశాల‌ను చిత్రీక‌రిస్తున్నారు. ఈ సినిమాను దిల్‌రాజు నిర్మిస్తున్నారు. ఈ చిత్రంతోనే నిర్మాత‌గా ఆయ‌న త‌మిళంలో అరంగేట్రం చేయ‌బోతున్నారు. త‌మ‌న్ సంగీతాన్ని అందిస్తున్నారు. వ‌చ్చే ఏడాది సంక్రాంతికి ఈ సినిమాను విడుద‌ల‌చేయ‌బోతున్న‌ట్లు చిత్ర యూనిట్ ప్ర‌క‌టించింది.
మ‌రోవైపు లోకేష్ కనకరాజ్ ద‌ర్శ‌క‌త్వం వ‌హించిన విక్ర‌మ్ సినిమా జూన్ 3న రిలీజ్ కాబోతున్న‌ది. క‌మ‌ల్‌హాస‌న్‌, విజయ్ సేతుప‌తి, ఫ‌హాద్ ఫాజిల్ ఈ సినిమాలో కీల‌క పాత్ర‌ల‌ను పోషించారు.
