Lok Sabha Elections : ఎన్​డీఏ వర్సెస్​ ఇండియా.. తొలి దశ పోలింగ్​ లైవ్​ అప్డేట్స్​..

పశ్చిమ బెంగాల్ లో తొలి దశలో  మూడు నియోజకవర్గాల్లో ఓటింగ్ జరుగుతోంది. ఈ స్థానాల్లో బీజేపీ, టీఎంసీ అభ్యర్థులు ప్రధాన ప్రత్యర్థులుగా ఉన్నారు. శుక్రవారం ఉదయం పోలింగ్ ప్రారంభం కాగానే కూచ్ బెహార్ స్థానంలోని పలు పోలింగ్ బూత్ ల వద్ద బీజేపీ, టీఎంసీ కార్యకర్తల మధ్య ఘర్షణలు ప్రారంభమయ్యాయి. ఇరు వర్గాలు పరస్పరం రాళ్ల దాడులు చేసుకున్నారు. ప్రత్యర్థుల నాటు బాంబు దాడిలో చందామరి గ్రామంలో టీఎంసీ నేత అనంత్ గాయపడ్డారు.

ఇటీవల భారీ ఎన్ కౌంటర్ చోటు చేసుకుని 29 మంది మావోలు మృతి చెందిన బస్తర్ ప్రాంతంలో శుక్రవారం లోక్ సభ ఎన్నికల పోలింగ్ కొనసాగుతోంది. చెదురుముదురు ఘటనలు మినహా.. పోలింగ్ ప్రశాంతంగా సాగుతోంది. ఉదయం 11 గంటల వరకు ఇక్కడ 28.12 శాతం పోలింగ్ నమోదైంది. బీజాపూర్ లో గ్రెనేడ్ పేలుడులో ఒక సీఆర్పీఎఫ్ జవాను గాయపడ్డారు.

లోక్​సభ ఎన్నికల తొలి దశ పోలింగ్​ కొనసాగుతోంది. కాగా.. 4 గంటల్లో 24శాతం పోలింగ్​ నమోదైంది.

యోగా గురువు రామ్​దేవ్​ బాబా.. ఉత్తరాఖండ్​లో తన ఓటు హక్కును వినియోగించుకున్నారు. ఇండియా కోసం ఓటు వేశానని, డ్రగ్​-ఫ్రీ ఇండియా కోసం ఓటు వేశానని ఆయన అన్నారు. ప్రజలందరు ఓటు హక్కును వినియోగించుకోవాలని పిలుపునిచ్చారు.

కేంద్రమంత్రి అమిత్​ షా.. గుజరాత్​లోని గాంధీ నగర్​లో తన నామినేషన్​ని దాఖలు చేశారు.

లోక్​సభ ఎన్నికల నేపథ్యంలో బెంగాల్​లో ఘర్షణలు వెలుగులోకి వచ్చాయి.  అనేక పోలింగ్​ స్టేషన్స్​కు సమీపంలో.. బీజేపీ, టీఎంసీ కార్యకర్తలు గొడవపడినట్టు వార్తలు వస్తున్నాయి.

ఎలక్షన్స్​ జరుగుతున్న ప్రాంతాల్లో.. ఆయా రాష్ట్ర సీఎంలు తమ ఓటు హక్కును వినియోగించుకుంటున్నారు. ప్రజలు కూడా తరలివచ్చి ఓటు వేయాలని పిలుపునిస్తున్నారు.

దేశ నలుమూలల ప్రజలు ఓటు వేసేందుకు తరలివెళుతున్నారు! వృద్ధులు, యువత, దివ్యాంగులు.. తమ ఓటు హక్కును వినియోగించుకుంటున్నారు.

చెన్నై కోయంబెడులోని ఓ పోలింగ్​ స్టేషన్​లో.. తన ఓటు హక్కును వినియోగించుకున్నారు ప్రముఖ నటుడు, ఎంఎన్​ఎం చీఫ్​ కమల్​ హాసన్​.

లోక్​సభ ఎన్నికల తొలి దశ పోలింగ్​ నేపథ్యంలో కాంగ్రెస్​ సీనియర్​ నేత రాహుల్​ గాంధీ.. ట్వీట్​ చేశారు. ప్రజాస్వామ్యాన్ని బలపరిచేందుకు ఓటు వేయాలని పిలుపునిచ్చారు.

2024 లోక్​సభ ఎన్నికల తొలి దశ పోలింగ్​లో.. కేంద్ర మంత్రి నితిన్​ గడ్కరీతో పాటు తమిళనాడు బీజేపీ ప్రెసిడెంట్​ అన్నామలై, డీఎంకే కనిమొళి సహా ఇతర ప్రముఖ నేతలు బరిలో నిలిచారు.

మొత్తం 543 సీట్లు లోక్​సభకు 7 దశల్లో పోలింగ్​ జరగనుంది. మెజారిటీ మార్క్​ 272గా ఉంది.

పుదుచ్చెరి సీఎం రంగస్వామి.. బైక్​ నడుపుకుంటూ పోలింగ్​ కేంద్రానికి వెళ్లి.. తన ఓటు హక్కును వినియోగించుకున్నారు.

తమిళనాడు సీఎం స్టాలిన్​.. తన ఓటు హక్కును వినియోగించుకున్నారు. ఈ రాష్ట్రంలోని మొత్తం 39 అసెంబ్లీ నియోజకవర్గాలకు.. తొలి దశలో పోలింగ్​ జరగుతోంది.

సూపర్​స్టార్​ రజినీకాంత్​.. ఓటు వేశారు. చెన్నైలోని ఓ పోలింగ్​ స్టేషన్​లో తన ఓటు హక్కును వినియోగించుకున్నారు.

2024 లోక్​సభ ఎన్నికల తొలి దశ పోలింగ్​ నేపథ్యంలో ప్రధాని మోదీ ట్వీట్​ చేశారు. ప్రజలు భారీ సంఖ్యలో తరలివచ్చి.. తమ ఓటు హక్కును వినియోగించుకోవాలని పిలుపునిచ్చారు. మరీ ముఖ్యంగా.. యువత, తొలిసారి ఓటు హక్కు పొందిన వారు.. కచ్చితంగా ఓటు వేయాలని అన్నారు.

తెలంగాణ మాజీ సీఎం తమిళిసై.. చెన్నై సాలిగ్రామ్​లో తమ ఓటు హక్కును వినియోగించుకున్నారు.

ఆర్​ఎస్​ఎస్​ చీఫ్​.. మోహన్​ భగవంత్​.. నాగ్​పూర్​లోని ఓ పోలింగ్​ కేంద్రంలో తన ఓటు హక్కును వినియోగించుకున్నారు.

లోక్​సభ ఎన్నికల తొలి దశ పోలింగ్​ ప్రారంభమైంది. మొత్తం 21 రాష్ట్రాల్లోని 102 నియోజకవర్గాల్లో నేడు పోలింగ్​ జరగనుంది.7 దశల్లో ఇదే అత్యధికం!

ఉదయం 7 గంటలకు మొదలయ్యే లోక్​సభ ఎన్నికల తొలి దశ పోలింగ్​.. సాయంత్రం 6 గంటలకు పూర్తవుతుంది.

2019 ఎన్నికల్లో బీజేపీ 303 స్థానాల్లో గెలిచింది. ఈసారి 370 సీట్లు సంపాదించాలని చూస్తోంది. మొత్తం మీద.. 543 సీట్లల్లో 400 కన్నా ఎక్కువ స్థానాల్లో గెలవాలని టార్గెట్​గా పెట్టుకుంది.

లోక్​సభ ఎన్నికల తొలి దశ పోలింగ్​లో భాగంగా.. ప్రస్తుతం వివిధ పోలింగ్​ స్టేషన్స్​లో ఈవీఎం మాక్​ టెస్ట్​లు జరుగుతున్నాయి. ఉదయం 7 గంటలకు పోలింగ్​ ప్రక్రియ మొదలువుతుంది.

తొలి దశ పోలింగ్​లో భాగంగా.. 1,87,000 పోలింగ్​ కేంద్రాల్లో.. 166 మిలియన్​ మంది ఓటర్లు.. నేడు తమ ఓటు హక్కును వినియోగించుకోనున్నారు.

తొలి దశ పోలింగ్​లో భాగంగా.. తమిళనాడు (39), రాజస్థాన్​ (12), ఉత్తర్​ప్రదేశ్​ (8), మధ్యప్రదేశ్​ (6), ఉత్తరాఖండ్​ (5), అరుణాచల్​ప్రదేశ్​ (2), మేఘాలయ (2), అండమాన్​ అండ్​ నికోబార్​ (1), మిజోరం (1), నాగాలాండ్​ (1), పుదుచ్చెరి (1), సిక్కిం (1), లక్షద్వీప్​ (1), అసోం (5), మహారాష్ట్ర (5), బిహార్​ (4), మణిపూర్​ (2), పశ్చిమ్​ బెంగాల్​ (3), త్రిపుర- జమ్ముకశ్మీర్​- ఛత్తీస్​గఢ్​లో ఒక్కో సీటుకు పోలింగ్​ జరగనుంది.

లోక్​సభ ఎన్నికలతో పాటు అరుణాచల్​ ప్రదేశ్​, సిక్కింలో.. నేడు అసెంబ్లీ ఎన్నికలు జరగనున్నాయి. అరుణాచల్​ప్రదేశ్​లో 60, సిక్కింలో 32 అసెంబ్లీ సీట్లున్నాయి.

యావత్​ ప్రపంచం ఆసక్తిగా ఎదురుచూస్తున్న సమరానికి ఆసన్నమైంది. ఇంకొన్ని గంటల్లో.. 2024 లోక్​సభ ఎన్నికల తొలి దశ పోలింగ్​ ప్రారంభంకానుంది. హ్యాట్రిక్​ విజయంతో తిరిగి అధికారంలోకి రావాలని ప్రధాని మోదీ నేతృత్వంలోని ఎన్​డీఏ తీవ్రంగా కృషిచేస్తోంది. మోదీ ప్రభుత్వాన్ని గద్దె దించడమే లక్ష్యంగా ఇండియా కూటమి పావులు కదుపుతోంది. మొత్తం 7 దశల పోలింగ్​ ప్రక్రియ శుక్రవారం ఆరంభమవుతుంది. జూన్​ 4న ఫలితాలు వెలువడనున్నాయి.