Lok Sabha elections exit polls : ఆంధ్ర, లోక్​సభ ఎన్నికల ఎగ్జిట్​ పోల్స్​ ఎప్పుడు వెలువడతాయి?

Lok Sabha elections exit polls : 2024 లోకసభ ఎన్నికల పోలింగ్​ ప్రక్రియ ముగింపు దశకు చేరుకుంటుండటంతో.. ఇప్పుడు దేశ ప్రజల ఫోకస్​ జూన్​ 4న వెలువడే ఫలితాలపై పడింది. మరీ ముఖ్యంగా.. సుదీర్ఘంగా జరుగుతున్న పోలింగ్​ ప్రక్రియలో ఎవరు గెలుస్తారు? అన్నది ఆసక్తికరంగా మారింది. అందుకే.. చాలా మంది ఎగ్జిట్​ పోల్స్​ ఎప్పుడెప్పుడు బయటకు వస్తాయా అని ఎదురుచూస్తున్నారు. మరి ఎగ్జిట్​ పోల్స్​ ఎప్పుడు వెలువడతాయి?

2024 లోక్​సభ ఎన్నికల ఎగ్జిట్​ పోల్స్​..

ఏప్రిల్​ 19న మొదలైన లోక్​సభ ఎన్నికలు.. జూన్​ 1న జరిగే 7వ దశ పోలింగ్​తో ముగుస్తాయి. ఫలితాలు జూన్​ 4న వెలువడతాయి. కాగా.. ఎగ్జిట్​ పోల్స్​ మాత్రం.. 7వ దశ పోలింగ్​ ముగిసిన అరగంటకు, అంటే.. జూన్​ 1, సాయంత్రం 6 గంటల 30 నిమిషాలకు వెలువడతాయి.

అసలు ఎగ్జిట్​ పోల్స్​ అంటే ఏంటి? ఫలితాలు వెలువడే ముందు.. వివిధ ఏజెన్సీలు సర్వేలు చేస్తాయి. ప్రజల అంచనాలు, అభిప్రాయాలను సేకరించి.. ఏ పార్టీకి మెజారిటీ వస్తుంది? ఏ పార్టీ ప్రభుత్వాన్ని ఏర్పాటు చేస్తుంది? ఏ పార్టీ ఓడిపోతుంది? అన్నది అంచనా వేస్తుంది. ఇది.. పబ్లిక్​ సెంటిమెంట్​కి నిదర్శనంగా ఉంటుంది.

Exit polls 2024 : అయితే.. గత కొన్నేళ్లుగా.. ప్రజల నాడిని పట్టుకోవడంలో ఎగ్జిట్​ పోల్స్​ విఫలమవుతున్నాయని వాదనలు వినిపిస్తున్నాయి. ఏదైనా పార్టీ ఓడిపోతుందని ఎగ్జిట్​ పోల్స్​ సూచిస్తే, ఆ పార్టీ సంచలనం సృష్టించిన ఘటనలు ఇటీవలి కాలంలో చాలా కనిపిస్తున్నాయి. అయినప్పటికీ.. ప్రజలకు ఆంధ్రప్రదేశ్​ అసెంబ్లీ ఎన్నికలు, లోక్​సభ ఎన్నికల ఎగ్జిట్​ పోల్స్​ 2024పై ఆసక్తి ఎక్కువగానే ఉంది. కుతుహలం కారణం అవ్వొచ్చు!

సాధారణంగా.. పోలింగ్​ ప్రక్రియ సాయంత్రం 6 గంటలకు ముగుస్తుంది. చివరి దశ పోలింగ్​ కూడా జూన్​ 1, సాయంత్రం 6 గంటలకు ముగుస్తుంది. అప్పటివరకు ఎలాంటి ఎగ్జిట్​ పోల్స్​ ప్రకటించకూడదని.. కఠిన నిబంధనలు ఉన్నాయి. అందుకే.. ఆంధ్రప్రదేశ్​తో పాటు పలు ఇతర రాష్ట్రాల అసెంబ్లీ ఎన్నికలు ముగిసి చాలా కాలమైనా.. ఎగ్జిట్​ పోల్స్​ ఇంకా వెలువడలేదు.

ఎన్నికల సంఘం నోటిఫికేషన్​లో పేర్కొన్న సమయంలోపు.. ఎవరూ ఎగ్జిట్​ పోల్స్​ని ప్రకటించకూడదని 1951 రిప్రెసెంటేషన్​ ఆఫ్​ పీపుల్స్​ యాక్ట్​లోని సెక్షన్​ 128ఏ స్పష్టం చేస్తోంది. ఒక వళ నిబంధనలు ఉల్లంఘిస్తే.. 2ఏళ్ల జైలు శిక్ష లేదా భారీ జరిమానా లేదా రెండూ ఎదుర్కొనే అవకాశం ఉంటుంది.

2024 లోక్​సభ ఎన్నికలు..

Andhra Pradesh exit polls 2024 : లోక్​సభలో మొత్తం 543 సీట్లకు పోలింగ్​ జరుగుతోంది. 6వ దశ పోలింగ్​తో 486 సీట్లకు పోలింగ్​ ప్రక్రియ పూర్తయింది. 57 సీట్లకు.. జూన్​ 1న, చివరి దశలో పోలింగ్​ జరగనుంది. ఫలితంగా.. 44 రోజుల సుదీర్గ పోలింగ్​ ప్రక్రియకు ముగింపు పడుతుంది.

ఏదైనా పార్టీ అధికారం చేపట్టాలంటే.. మొత్తం సీట్లల్లో కనీసం 272 స్థానాల్లో గెలవాలి. లీడర్​ ఆఫ్​ అపోజీషన్​ దక్కాలంటే.. మొత్తం సీట్లల్లో 10శాతం, అంటే 55 సీట్లల్లో గెలవాల్సి ఉంటుంది.

Andhra Pradesh assembly elections exit polls : ఇక 2024 లోక్​సభ ఎన్నికల్లో గెలిచి మూడోసారి ప్రభుత్వాన్ని చేపట్టాలని ప్రధానమంత్రి నరేంద్ర మోదీ నేతృత్వంలోని బీజేపీ- ఎన్​డీఏ కృషిచేస్తోంది. మోదీని గద్దెదించడమే లక్ష్యంగా.. విపక్ష ఇండియా కూటమి తీవ్రంగా శ్రమిస్తోంది.

ఆంధ్రప్రదేశ్​ అసెంబ్లీ ఎన్నికలు, లోక్​సభ ఎన్నికల ఎగ్జిట్​ పోల్స్​ వెలువడిన తర్వాత.. పబ్లిక్​ సెంటిమెంట్​ తెలుస్తుంది.. కానీ గెలుపోటములపై పూర్తి స్పష్టత రావాలంటే.. లోక్​సభ ఎన్నికల ఫలితాలు వెలువడే జూన్​ 4 వరకు ఎదురుచూడాల్సిందే!