Rishabh Pant: తిరుమ‌ల‌లో టీమిండియా క్రికెటర్లు రిష‌బ్ పంత్, అక్ష‌ర్ ప‌టేల్‌ - ఫొటోలు వైర‌ల్‌

Rishabh Pant: టీమిండియా క్రికెట‌ర్ రిష‌బ్ పంత్ తిరుప‌తి వెంక‌టేశ్వ‌ర స్వామిని శుక్ర‌వారం ద‌ర్శించుకున్నారు. మ‌రో టీమిండియా ఆట‌గాడు అక్ష‌ర్ ప‌టేల్‌తో క‌లిసి రిష‌బ్ పంత్ సోమ‌వారం తిరుప‌తి వ‌చ్చాడు. వీరిద్ద‌రు క‌లిసి వెంక‌టేశ్వ‌ర స్వామిని ద‌ర్శించుకున్నారు.

తిరుమ‌ల‌ వెంక‌టేశ్వ‌ర స్వామి స‌న్నిధిలో రిష‌బ్ పంత్‌, అక్ష‌ర్ ప‌టేల్ సంద‌డి చేసిన ఫొటోలు సోష‌ల్ మీడియాలో వైర‌ల్ అవుతోన్నాయి. గ‌త ఏడాది రోడ్డు ప్ర‌మాదంలో తీవ్రంగా గాయ‌ప‌డ్డ రిష‌బ్ పంత్ క్రికెట్‌కు దూర‌మ‌య్యాడు. ఇప్పుడిప్పుడే గాయం నుంచి కోలుకుంటున్న అత‌డు త్వ‌ర‌లో రీఎంట్రీ ఇవ్వ‌బోతున్న‌ట్లు ప్ర‌చారం జ‌రుగుతోంది.

మ‌రోవైపు వ‌ర‌ల్డ్ క‌ప్‌కు సెల‌క్ట్ అయిన అక్ష‌ర్ ప‌టేల్ గాయంతో చివ‌రి నిమిషంలో జ‌ట్టు నుంచి త‌ప్పుకున్నాడు. అత‌డి స్థానంలో అశ్విన్‌తో భ‌ర్తీ చేశారు. ప్ర‌స్తుతం రిష‌బ్ పంత్‌, అక్ష‌ర్ ప‌టేల్ బెంగ‌ళూరులోని నేష‌న‌ల్ క్రికెట్ అకాడెమీలో చికిత్స‌ను పొందుతోన్నారు.