Jio Air Fiber : ఏపీలో జియో ఎయిర్ ఫైబర్ సేవలు విస్తరణ, 45 నగరాల్లో అందుబాటులోకి

Jio Air Fiber : రిలయన్స్ జియో ఆంధ్రప్రదేశ్ లో ఎయిర్‌ఫైబర్ సేవల విస్తరిస్తున్నట్లు ప్రకటించింది. నాణ్యమైన హోమ్ బ్రాడ్‌బ్యాండ్‌కు యాక్సెస్ లేని ప్రతి ఇల్లు, చిన్న వ్యాపార సంస్థనూ అనుసంధానం చేస్తున్నట్లు జియో ప్రకటించింది. జియో ఎయిర్‌ఫైబర్ సేవలు ఇప్పుడు ఆంధ్రప్రదేశ్‌లోని 45 నగరాల్లో లభ్యమవుతాయి. ఈ నగరాల్లోని అన్ని ఇళ్లు, వ్యాపార సంస్థలు ఇప్పుడు హోమ్ ఎంటర్‌టైన్‌మెంట్, బ్రాడ్‌బ్యాండ్, డిజిటల్ అనుభవాన్ని ఒకే ఇంటిగ్రేటెడ్ సర్వీస్ ద్వారా అందిస్తున్నామని తెలిపింది. ఈ సేవల విస్తరణతో ఈ నగరాలన్నింటిలో జియో ఎయిర్‌ఫైబర్ కనెక్షన్లు ఏర్పాటు చేసినట్లు ప్రకటించింది.

ఈ సందర్భంగా జియో ఆంధ్ర ప్రదేశ్ సీఈఓ ఎం. మహేష్ కుమార్ మాట్లాడుతూ...జియో ఎయిర్‌ఫైబర్ సేవలు ఆంధ్రప్రదేశ్ మొత్తానికి విస్తరిస్తున్నందున, రాష్ట్రవ్యాప్తంగా ఉన్న అన్ని ఇళ్లు, వ్యాపార సంస్థలు ప్రపంచ స్థాయి తాజా హోమ్ ఎంటర్‌టైన్‌మెంట్, బ్రాడ్‌బ్యాండ్, డిజిటల్ అనుభవాన్ని ఒకే ఇంటిగ్రేటెడ్ సర్వీస్ ద్వారా పొందగలుగుతాయి. ఈ మైలురాయి డిజిటల్ ల్యాండ్‌స్కేప్‌కు గణనీయమైన మెరుగుదలని సూచిస్తుంది. ఆంధ్రప్రదేశ్‌లో జియో ఎయిర్‌ఫైబర్ సేవల విస్తరణ రాష్ట్ర యువతకు అత్యాధునిక కనెక్టివిటీ పరిష్కారాలను అందించడానికి జియో నిబద్ధతను మరింత పటిష్టం చేస్తుంది” అని అన్నారు.

జియో ఎయిర్‌ఫైబర్ టీవీ లేదా బ్రాడ్‌బ్యాండ్ వినియోగదారులకు డిజిటల్ అనుభవానికి అప్‌గ్రేడ్ అయ్యే అవకాశాన్ని అందిస్తుందన్నారు. ఒక ఇంటిగ్రేటెడ్ సర్వీస్ ద్వారా అందిస్తున్నట్లు జియో తెలిపింది. జియో ఎయిర్‌ఫైబర్ ప్లాన్‌లు రూ. 599కి 30 Mbps వేగంతో అపరిమిత డేటాను, రూ. 899, రూ. 1199కి 100 Mbps స్పీడ్ ప్లాన్‌లను అందిస్తుంది. ఈ ప్లాన్‌లన్నీ 550+ డిజిటల్ టీవీ ఛానెల్‌లు, ప్రముఖ ఓటీటీ యాప్‌లకు సబ్‌స్క్రిప్షన్‌ ను అందిస్తాయి. 14 ఓటీటీ ప్లాట్‌ఫామ్‌లు రూ. 599, రూ. 899 ప్లాన్‌లతో అందుబాటులో ఉన్నాయి. రూ. 1199 ప్లాన్ నెట్‌ఫ్లిక్స్, అమెజాన్ ప్రైమ్, జియో సినిమా ప్రీమియంతో సహా 16+ ప్రముఖ OTT యాప్‌లకు యాక్సెస్‌ను అందిస్తుంది. జియో ఎయిర్‌ఫైబర్ అనేది జియో ఫైబర్ మాదిరిగానే అత్యుత్తమ సేవలను అందిస్తుందని జియో ప్రతినిధులు తెలిపారు.

జియో ఎయిర్ ఫైబర్ సేవలు

1. డిజిటల్ ఎంటర్‌టైన్‌మెంట్

• అన్ని ప్రముఖ 550+ డిజిటల్ టీవీ ఛానెల్‌లు
• క్యాచ్-అప్ టీవీ -వినియోగదారులు ఇప్పుడు తమకు కావలసినంత టైమ్ వెనక్కి వెళ్లి, వారికి ఇష్టమైన షోలను చూడవచ్చు
• అత్యంత ప్రజాదరణ పొందిన 16+ OTT యాప్‌లు : జియో ఎయిర్‌ఫైబర్ వినియోగదారులు ఓటీటీ యాప్‌లకు ఉచితంగా పొందుతారు. వినియోగదారులు ఈ సబ్‌స్క్రిప్షన్‌ని కూడా ఉపయోగించుకోవచ్చు. టీవీ, ల్యాప్‌ టాప్, మొబైల్ లేదా టాబ్లెట్ లో యాప్‌లను ఉపయోగించవచ్చు.

2. బ్రాడ్‌బ్యాండ్

• ఇండోర్ వైఫై సర్వీస్: జియో వైఫై కనెక్టివిటీ, మీ ఇల్లు లేదా వ్యాపార సంస్థలో ప్రతి మూలలో హై-స్పీడ్ బ్రాడ్‌బ్యాండ్ అందిస్తుంది.

3. స్మార్ట్ హోమ్ సేవ

• ఎడ్స్ కేషన్, ఇంటి నుండి పని కోసం క్లౌడ్ PC
• భద్రత, నిఘా పరిష్కారాలు
• ఆరోగ్య సంరక్షణ
• ఎడ్స్ కేషన్
• స్మార్ట్ హోమ్ IOT
• గేమింగ్
• హోమ్ నెట్‌వర్కింగ్

4. అదనపు ఖర్చు లేకుండా గృహ పరికరాలు

• మీ ఇల్లు లేదా వ్యాపార ప్రాంగణంలో పూర్తి కవరేజ్ కోసం వైఫై రూటర్
• 4k స్మార్ట్ సెట్ టాప్ బాక్స్
• వాయిస్-యాక్టివ్ రిమోట్