Tata Motors share price : తొలిసారి రూ. 1000 మార్క్​ని దాటిన టాటా మోటార్స్​.. ఒకే రోజు 8శాతం అప్​!-tata motors share price skyrockets 8 on demerger plan crosses 1 000 level ,బిజినెస్ న్యూస్
తెలుగు న్యూస్  /  Business  /  Tata Motors Share Price Skyrockets 8% On Demerger Plan, Crosses 1,000 Level

Tata Motors share price : తొలిసారి రూ. 1000 మార్క్​ని దాటిన టాటా మోటార్స్​.. ఒకే రోజు 8శాతం అప్​!

Sharath Chitturi HT Telugu
Mar 05, 2024 11:21 AM IST

Tata Motors demerger : సంస్థలోని కీలక విభాగాల డీమర్జర్​ ప్లాన్​ని టాటా మోటార్స్​ ప్రకటించడంతో.. స్టాక్​ నూతన గరిష్ఠాన్ని తాకింది. తొలిసారిగా.. టాటా మోటార్స్​ షేర్​ ప్రైజ్​ 1000 మార్క్​ని దాటింది!

డీమర్జర్​ ప్లాన్​తో భారీగా పెరిగిన టాటా మోటార్స్​ షేర్​ ప్రైజ్​..
డీమర్జర్​ ప్లాన్​తో భారీగా పెరిగిన టాటా మోటార్స్​ షేర్​ ప్రైజ్​.. ((Bloomberg))

Tata Motors demerger impact : డీమర్జర్​ ప్లాన్​తో.. టాటా మోటార్స్​ షేర్​ ప్రైజ్​ దూసుకెళుతోంది. మంగళవారం ట్రేడింగ్​ సెషన్​లో ఈ టాటా మోటార్స్​ స్టాక్​.. తొలిసారిగా రూ. 1000 మార్క్​ని తాకింది. ఉదయం 10 గంటల ప్రాంతంలో 8శాతం పెరిగి రూ. 1,065 వరకు వెళ్లిన స్టాక్​.. 11 గంటల సమయంలో రూ. 1,030 వద్ద ట్రేడ్​ అవుతోంది. స్టాక్​లో ఇంతటి ర్యాలీకి కారణం.. టాటా మోటార్స్​ డీమర్జర్​!

ట్రెండింగ్ వార్తలు

టాటా మోటార్స్​ డీమర్జర్​..

సంస్థకు చెందిన కమర్షియల్​ వెహికిల్స్​ సెగ్మెంట్​ని, ప్యాసింజర్​ వెహికిల్స్​ సెగ్మెంట్​(ఈవీ, జేఎల్​ఆర్​తో కలిపి)ని వేరు చేస్తున్నట్టు, ఇందుకు టాటా మోటమార్స్​ బోర్డ్​ ఆఫ్​ డైరక్టర్స్​ ఆమోద ముద్రవేసినట్టు.. సోమవారం సాయంత్రం ఓ ప్రకటన చేసింది సంస్థ. టాటా మాటర్స్​ డీమర్జర్​ అయితే.. స్టాక్​లో వాల్యూ క్రియేషన్​ అవకాశాలు పెరుగుతాయని బ్రోకరేజ్​ సంస్థలు అభిప్రాయపడుతున్నాయి. అందుకే.. మంగళవారం ట్రేడింగ్​ సెషన్​లో టాటా మోటార్స్​ షేర్​ ప్రైజ్​ దాదాపు 8శాతం పెరిగింది. అక్కడి నుంచి కాస్త కూల్​ఆఫ్​ అయ్యింది.

Tata Motors demerger share price : టాటా మోటార్స్​ సీవీ విభాగం, పీవీ విభాగాల వాల్యూమ్​లు, ప్రదర్శన, మార్జిన్స్​, డ్రైవర్స్​, కంపిటీటీర్స్​ అన్ని వేరువేరుగా ఉంటాయి. ఇక డీమర్జర్​ ప్లాన్​తో టాటా మోటార్స్​ స్మార్ట్​ మూవ్​ వేసినట్టు నిపుణులు అభిప్రాయపడుతున్నారు. పోటీ విషయంలో.. ప్యాసింజర్​ వెహికిల్స్​ సెగ్మెంట్​.. మార్కెట్​ లీడర్​ అయిన మారుతీ సుజుకీకి ఇప్పుడు డైరక్ట్​గా పోటీనిచ్చే అవకాశం ఉందని చెబుతున్నారు. జేఎల్​ఆర్​తో వాల్యూయేషన్​ గ్యాప్​ కూడా పూడ్చుకోవచ్చని అంటున్నారు.

ఇండియాలో ప్యాసింజర్​ వెహికిల్స్​ సెగ్మెంట్​కి బీభత్సమైన పోటీ ఉంది. ఈ నేపథ్యంలో.. హ్యుందాయ్​ మోటార్స్​ ఇండియా ఐపీఓకు ప్లాన్​ చేస్తున్నట్టు వార్తలు వస్తున్నాయి. నాలుగో స్థానంలో ఉన్న ఎం అండ్​ ఎం కూడా మంచి పోటీనిస్తోంది. ఈ తరుణంలో.. టాటా మాటర్స్​ తన డీమర్జర్​ ప్లాన్​ని ప్రకటించడం మరింత ఆసక్తికరంగా మారింది.

Tata Motors demerger impact on share price : తాజా మూవ్​తో.. కమర్షియల్​ వెహికిల్స్​ సెగ్మెంట్​లో అశోక్​ లేల్యాండ్​కు టాటా మోటార్స్​ ఇంకా గట్టిపోటీనిచ్చే అవకాశం ఉంది.

టాటా మోటార్స్​ షేర్​ ప్రైజ్​..

మంగళవారం ట్రేడింగ్​ సెషన్​లో టాటా మోటార్స్​ స్టాక్​ దుమ్మురేపింది. వాస్తవానికి ఏడాది కాలంగా ఈ స్టాక్​ దూసుకెళుతూనే ఉంది. ఐదు రోజుల్లో 5.5శాతం పెరిగిన టాటా మోటార్స్​ షేర్​ ప్రైజ్​.. నెల రోజుల్లో 11శాతం వృద్ధిని సాధించింది. ఆరు నెలల్లో ఏకంగా 68శాతం, ఏడాదిలో 30.15శాతం పెరిగింది.

Tata Motors share price target : కానీ.. కరోనా సమయంలో పడిన లో (రూ. 79.6) నుంచి చూసుకుంటే.. టాటా మోటార్స్​ స్టాక్​.. 1193శాతం వృద్ధిని సాధించినట్టు!

(గమనిక:- ఇది సమాచారం కోసం రూపొందించిన కథనం మాత్రమే. హిందుస్థాన్​ టైమ్స్​ తెలుగుకు ఎలాంటి సంబంధం లేదు. ఏదైనా స్టాక్​లో ఇన్​వెస్ట్​ చేసే ముందు మీరు మీ ఫైనాన్షియల్​ అడ్వైజర్​ని సంప్రదించాల్సి ఉంటుంది.)

WhatsApp channel