Electric scooters : సింపుల్​ ఎనర్జీ నుంచి త్వరలోనే రెండు కొత్త ఈ- స్కూటర్లు!

Simple Energy electric scooters : ఇండియా మార్కెట్​లోకి త్వరలోనే 2 కొత్త ఎలక్ట్రిక్​ స్కూటర్లను లాంచ్​ చేయనున్నట్టు ప్రకటించింది సింపుల్​ ఎనర్జీ సంస్థ. ఇవి.. ఇప్పటికే మార్కెట్​లో ఉన్న సింపుల్​ 1 కన్నా తక్కువ ధరలో ఉంటాయని వెల్లడించింది. ప్రస్తుతం సింపుల్​ 1 ఎక్స్​షోరూం ధర రూ. 1.45లక్షలు- రూ. 1.5లక్షల మధ్యలో ఉంది.

తక్కువ ధరలో ఈ-స్కూటర్లు..

ఎలక్ట్రిక్​ స్కూటర్ల సెగ్మెట్​లో తమ పోర్ట్​ఫోలియోను పెంచుకోవాలని చూస్తోంది సింపుల్​ 1. ఇందులో భాగంగానే వచ్చే త్రైమాసికంలో రెండు ఈ-స్కూటర్లను తీసుకొస్తోంది. వీటి ధర రూ. 1లక్ష- రూ. 1.2లక్షల మధ్యలో ఉండొచ్చు. వీటిల్లో బ్యాటరీ ప్యాక్​ చిన్నగా ఉండే అవకాశం ఉంది. ఫలితంగా రేంజ్ కూడా తగ్గొచ్చు. తక్కువ ధరతో వస్తుండటంతో ఈ సింపుల్​ ఎనర్జీ ఎలక్ట్రిక్​ స్కూటర్లలో ఫీచర్స్​ కూడా పెద్దగా ఉండకపోవచ్చు. లుక్​ అట్రాక్టివ్​గా ఉండే అవకాశం ఉంది. లాంచ్​ తర్వాత ఈ 2 వీలర్స్​.. టీవీఎస్​ ఐక్యూబ్​, అథెర్​ 450ఎక్స్​, ఓలా ఎస్​1 ఎయిర్​కు గట్టిపోటీనిస్తుందని అంచనాలు ఉన్నాయి.

​సింపుల్​ 1లోని ఎలక్ట్రిక్​ మోటార్​.. పీక్​ పవర్​ ఔట్​పుట్​ 8.5 కేడబ్ల్యూగా ఉంది. 72 ఎన్​ఎం పీక్​ టార్క్​ను జనరేట్​ చేయగలదు. ఐపీ67 డస్ట్​, వాటర్​ రెసిస్టెన్స్​ సపోర్ట్​ ఈ మోటార్​కు వస్తుంది. దీని టాప్​ స్పీడ్​ 105 కేఎంపీహెచ్​. 0-40 కేఎంపీహెచ్​ను కేవలం 2.77 సెకన్లలో అందుకోగలదు. ఈకో, రైడ్​, డాష్​, సోనిక్​ వంటి మోడ్స్​ ఉన్నాయి.

ఇదీ చూడండి:- Honda electric scooters : హోండా నుంచి రెండు కొత్త ఎలక్ట్రిక్​ స్కూటర్లు..

ఇందులోని 5 కేడబ్ల్యూహెచ్​తో కూడిన రెండు బ్యాటరీ ప్యాక్స్​ను పూర్తిగా ఛార్జ్​ చేసేందుకు 5 గంటల 54 నిమిషాల సమయం పడుతుంది. పోర్టెబుల్​ బ్యాటరీ ఛార్జింగ్​కు 2 గంటల 7 నిమిషాలు, ఫిక్స్​డ్​ బ్యాటరీకి 3 గంటల 47 నిమిషాల సమయం పడుతుంది.

సింపుల్​ 1లో పార్క్​ అసిస్ట్​, బ్లూటూత్​, 4జీ కనెక్టివిటీ, ఓటీఏ అప్డేట్స్​, ఆన్​బోర్డ్​ నావిగేషన్​, డాక్యుమెంట్​ స్టోరేజ్​, మొబైల్​ అప్లికేషన్​, 7 ఇంచ్​ ఇన్ఫోటైన్​మెంట్​ క్లస్టర్​ వంటి ఫీచర్స్​ ఉన్నాయి.

మరి త్వరలోనే రానున్న 2 కొత్త ఎలక్ట్రిక్​ స్కూటర్ల ఫీచర్స్​ ఎలా ఉంటాయో వేచి చూడాలి. ధరతో పాటు ఇతర వివరాలు లాంచ్​ సమయంలో అందుబాటులోకి రావొచ్చు.