Telugu News  /  Business  /  Sensex Rejig, Tata Motors Enters S&p Bse Sensex, Dr Reddy Dropped
సెన్సెక్స్​లోకి టాటా మోటార్స్​.. డా.రెడ్డీస్​ ఔట్​!
సెన్సెక్స్​లోకి టాటా మోటార్స్​.. డా.రెడ్డీస్​ ఔట్​!

Tata Motors into Sensex 30 : సెన్సెక్స్​లోకి టాటా మోటార్స్​.. డా.రెడ్డీస్​ ఔట్​!

19 November 2022, 6:38 ISTChitturi Eswara Karthikeya Sharath
19 November 2022, 6:38 IST

Tata Motors into Sensex 30 : టాటా మోటార్స్​ స్టాక్​.. సెన్సెక్స్​30లోకి ఎంట్రీ ఇవ్వనుంది. డా. రెడ్డీస్​ స్టాక్​ను టాటా మోటార్స్​ రిప్లేస్​ చేయనుంది.

Tata Motors into Sensex 30 : ఎస్​ అండ్​ పీ బీఎస్​ఈ సెన్సెక్స్​ 30 జాబితాలోకి దిగ్గజ ఆటో సంస్థ టాటా మోటార్స్​ స్టాక్​ ఎంట్రీ ఇవ్వనుంది. ఈ విషయాన్ని ఏషియా ఇండెక్స్​ ప్రైవేట్​ లిమిటెడ్​ శుక్రవారం వెల్లడించింది. సెన్సెక్స్​ 30లోకి టాటా మోటార్స్​ చేరనుండగా.. అదే సమయంలో డా. రెడ్డీస్​.. ఈ జాబితాలో నుంచి బయటకు వెళ్లిపోనుంది.

ట్రెండింగ్ వార్తలు

తాజా మార్పులు 2022 డిసెంబర్​ 19న అమల్లోకి వస్తాయి.

సెన్సెక్స్​ నెక్స్ట్​ 50..

బీఎస్​ఈ సెన్సెక్స్​లో తరచూ మార్పులు జరుగుతూ ఉంటాయి. ఇది సాధారణమైన ప్రక్రియే. కాగా.. సూచీల్లోకి ఏదైనా సంస్థ​ వెళుతుంటే.. అది ఆ స్టాక్​కి మంచిదని అభిప్రాయాలు ఉంటాయి. అదే సమయంలో ఏదైనా సంస్థ వెళ్లిపోతుంటే.. నెగిటివ్​గా చూస్తారు.

Sensex rejig latest news : ఇక ఎస్​ అండ్​ పీ బీఎస్​ఈ 100 ఇండెక్స్​ నుంచి అదానీ టోటల్​ గ్యాస్​, హిందుస్థాన్​ పెట్రోలియం కార్పొరేషన్​ను.. అదానీ పవర్​, ఇండియన్​ హోటల్స్​ స్టాక్స్​ రిప్లేస్​ చేయనున్నాయి. సెన్సెక్స్​ నెక్స్ట్​ 50 నుంచి అదానీ టోటల్​ గ్యాస్​, హెచ్​పీసీఎల్​ బయటకు వెళుతుండగా.. అదానీ పవర్​, ఇండియన్​ హోటల్స్​ ఎంట్రీ ఇవ్వనున్నాయి.

ఎస్​ అండ్​ పీ బీఎస్​ఈ సెన్సెక్స్​50, ఎస్​ అండ్​ పీ బీఎస్​ఈ బ్యాంకెక్స్​ సూచీల్లో ఎలాంటి మార్పులు లేవు.

Sensex 30 companies list : శుక్రవారం ట్రేడింగ్​ సెషన్​ ముగిసే సమయానికి టాటా మోటార్స్​ షేరు రూ. 423.55 వద్ద స్థిరపడింది. అదే సమయంలో అదానీ పవర్​ రూ. 336.50 వద్ద స్వల్ప నష్టాల్లో ముగిసింది. ఇండియన్​ హోటల్స్​ షేరు విలువ రూ. 313.90కు చేరింది.

Tata Motors share price : 2023 ఆర్థిక ఏడాది రెండో త్రైమాసికంలో టాటా మోటార్స్​ నెట్​ లాస్​ రూ. 944.61కోట్లుగా నమోదైంది. గతేడాది ఇదే త్రైమాసికంలో నెట్​ లాస్​ రూ. 4,441.57కోట్లుగా ఉండేది. గత త్రైమాసికంలో నెట్​ లాస్​ రూ. 5,0006.60కోట్లుగా నమోదైంది.

టాటా గ్రూప్​నకు చెందిన ఇండియన్​ హోటల్స్​ కంపెనీ.. క్యూ2లో రికార్డు స్థాయి లాభాలను (రూ. 122కోట్లు) నమోదుచేసింది. గతేడాది ఇదే త్రైమాసికంలో రూ. 121కోట్ల నష్టాన్ని నమోదు చేసింది ఈ సంస్థ. ఇక కంపెనీ ఆదాయం 67శాతం పెరిగి రూ. 1,258కోట్లకు చేరింది.

ఇక శుక్రవారం ట్రేడింగ్​ సెషన్​ ముగిసే సమయానికి.. బీఎస్​ఈ సెన్సెక్స్​.. 87పాయింట్ల నష్టంతో 61,663 వద్ద ముగిసింది. 36పాయింట్ల నష్టంతో 18308 వద్ద స్థిరపడింది నిఫ్టీ.