Royal Enfield Guerrilla 450 : అదిరిపోయేలా.. రాయల్​ ఎన్​ఫీల్డ్​ కొత్త బైక్​- లాంచ్​ ఎప్పుడు?

Royal Enfield Guerrilla 450 launch date in India : రాయల్​ ఎన్​ఫీల్డ్​ లవర్స్​కి క్రేజీ న్యూస్​! అదిరిపోయే డిజైన్​తో ఓ కొత్త 450సీసీ బైక్​ని లాంచ్​ చేసేందుకు రెడీ అవుతోంది ఈ దిగ్గజ 2 వీలర్​ తయారీ సంస్థ. దీని పేరు రాయల్​ ఎన్​ఫీల్డ్​ గొరిల్లా 450. తాజాగా ఈ బైక్ భారత రోడ్ల మీద దర్శనమిచ్చింది. ఇక ఈ గొరిల్లా 450కి సంబంధించిన ఫొటోలు సోషల్​ మీడియాలో వైరల్​గా మారాయి. వీటి ద్వారా.. బైక్​కి సంబంధించిన పలు ఆసక్తికర విషయాలు తెలుస్తున్నాయి. వాటిని ఇక్కడ చూసేయండి..

రాయల్​ ఎన్​ఫీల్డ్​ గొరిల్లా 450 బైక్​..

గొరిల్లా 450 పేరును.. రాయల్​ ఎన్​ఫీల్డ్​ సంస్థ ఇటీవలే ట్రేడ్​ మార్క్​ చేసుకుంది. అప్పటి నుంచి ఈ బైక్​పై చాలా బజ్​ నెలకొంది. పేరుతోనే రాయల్​ ఎన్​ఫీల్డ్​ లవర్స్​ చాలా ఎగ్జైట్​ అయ్యారు. ఇక స్పా షాట్స్​ని చూస్తే.. ఈ కొత్త బైక్​లో రౌండ్​ ఎల్​ఈడీ హెట్​లైట్​, సింగిల్​ పాడ్​ ఇన్​స్ట్రుమెంట్​ కన్సోల్​, సింగిల్​ పీస సీట్​ వంటివి కనిపిస్తున్నాయి. హిమాలయన్​ 450లో ఉండే ఇన్​స్ట్రుమెంట్​ క్లస్టర్​ ఇందులో కనిపించకపోవచ్చు.

రాయల్​ ఎన్​ఫీల్డ్​ గొరిల్లా 450 ఫ్యుయెల్​ టాంక్​.. హిమాలయన్​ 450 కన్నా భిన్నంగా కనిపిస్తోంది. హిమాలయన్​ 450 (17 లీటర్ల కెపాసిటీ) కన్నా.. కొత్త బైక్​లో ఇంకా తక్కువ కెపాసిటీ ఫ్యూయెల్​ ట్యాంక్​ ఉండొచ్చు. కానీ ఇది బైక్​కి, డిజైన్​కి పర్ఫెక్ట్​గా మ్యాచ్​ అవుతుంది.

Royal Enfield Guerrilla 450 price in India : ఇక హార్డ్​వేర్​ విషయానికొస్తే.. ఈ రాయల్​ ఎన్​ఫీల్డ్​ గొరిల్లా 450.. హిమాలయన్​ బైక్​కి పూర్తిగా భిన్నంగా ఉండొచ్చు. ఇందులో.. టెలిస్కోపిక్​ ఫ్రెంట్​ ఫోర్క్స్​, అలాయ్​ వీల్స్​ విత్​ ట్యూబ్​లెస్​ టయర్స్​ వంటివి ఉంటాయి. స్టాండ్​ కూడా చిన్నగా ఉంది. మొత్తం మీద చూసుకుంటే.. ఈ కొత్త గొరిల్లా 450 బైక్​.. అర్బన్​ రైడింగ్​కి ఎక్కువ ఉపయోగపడే విధంగా కనిపిస్తోంది.

ఈ రాయల్​ ఎన్​ఫీల్డ్​ గొరిల్లా 450లో 452 సీసీ షేర్పా సిరీస్​ లిక్విడ్​ కూల్డ్​, సింగిల్​ సిలిండర్​ ఇంజిన్​ ఉంటుంది. ఇది.. 39.4 బీహెచ్​పీ పవర్​ని, 40 ఎన్​ఎం టార్క్​ని జనరేట్​ చేస్తుంది. 6 స్పీడ్​ గేర్​బాక్స్​, స్లిప్​ అండ్​ అసిస్ట్​ క్లచ్​ వంటివి ఉంటాయి. పర్ఫార్మెన్స్​ మెరుగ్గా ఉంటుందని అంచనాలు ఉన్నాయి.

వీటితో పాటు.. ఈ కొత్త బైక్​లో 5 ఇంచ్​ రౌండ్​ టీఎఫ్​టీ స్క్రీన్​, కనెక్టెడ్​ టెక్నాలజీ, యాప్​ ఆధారిత నేవిగేషన్​, హెడ్​ల్యాంప్​- ఇండికేటర్స్​, టెయిల్​లైట్​కి ఎల్​ఈడీ లైటింగ్​, అడ్వాన్స్​డ్​ స్విచ్​గేర్​ వంటివి రావొచ్చు.

రాయల్​ ఎన్​ఫీల్డ్​ గొరిల్లా 450 ధర ఎంత?

Royal Enfield Guerrilla 450 : రాయల్​ ఎన్​ఫీల్డ్​ గొరిల్లా 450 ధరపై ప్రస్తుతం ఎలాంటి వివరాలు అందుబాటులో లేవు. కాగా.. హిమాలయ్​ 450 ప్రారంభ ధర రూ. 2.85లక్షలుగా ఉంది. ఈ కొత్త బైక్​ ప్రారంభ ఎక్స్​షోరూం ధర రూ. 2.40లక్షలుగా ఉండొచ్చని మార్కెట్​ వర్గాలు భావిస్తున్నాయి.

ఇక.. ఈ కొత్త గొరిల్లా 450 బైక్​ లాంచ్​పైనా ప్రస్తుతం ఎలాంటి వివరాలు అందుబాటులో లేవు. త్వరలోనే దీనిపై ఓ క్లారిటీ వచ్చే అవకాశం ఉంది.