OnePlus Ace 5 : 6,400 ఎంఏహెచ్​​ బ్యాటరీతో వన్​ప్లస్​ ఏస్​ 5 సిరీస్​- లాంచ్​ ఎప్పుడంటే..

దిగ్గజ వన్​ప్లస్​ సంస్థ నుంచి కొత్త స్మార్ట్​ఫోన్​ సిరీస్​ లాంచ్​కు రెడీ అవుతోంది. దీని పేరు వన్​ప్లస్​ ఏస్​ 5. ఇందులో 2 గ్యాడ్జెట్స్​ ఉంటాయి. అవి ఏస్​ 5, ఏస్​5 ప్రో. వీటిని డిసెంబర్​ 26న చైనాలో లాంచ్​ చేస్తున్నట్టు సంస్థ అధికారికంగా ప్రకటించింది. ఈ నేపథ్యంలో ఈ స్మార్ట్​ఫోన్​ సిరీస్​పై ఇప్పటివరకు ఉన్న వివరాలను ఇక్కడ తెలుసుకుందాము..

వన్​ప్లస్ ఏస్ 5 సిరీస్: కలర్ వేరియంట్లు..

వన్​ప్లస్​ ఏస్ 5 సిరీస్ కోసం కాన్ఫిగరేషన్ ఆప్షన్స్​, కలర్ వేరియంట్లను బ్రాండ్ వెల్లడించింది. 12జీబీ+256జీబీ, 12జీబీ+512జీబీ, 16జీబీ+256జీబీ, 16జీబీ+512జీబీ, 16జీబీ+1టీబీ స్టోరేజ్ వేరియంట్లలో ఈ ఫోన్లు అందుబాటులో ఉండనున్నాయి. ఏస్ 5 స్మార్ట్​ఫోన్​ మూడు కలర్ ఆప్షన్లలో లభిస్తుంది. అవి.. గ్రావిటేషనల్ టైటానియం, ఫుల్ స్పీడ్ బ్లాక్, సెలెస్టియల్ పార్సిలీన్​. ఏస్ 5 ప్రో మూన్ వైట్ పింగాణీ, సబ్ మెరైన్ బ్లాక్, స్టార్రీ పర్పుల్ రంగుల్లో రానుంది. పార్సిలీన్​ మోడళ్లలో సిరామిక్ బ్యాక్ ప్యానెల్స్ ఉంటాయని, ఇతర రంగుల్లో గ్లాస్ బ్యాక్ ఉండవచ్చని తెలుస్తోంది.

వన్​ప్లస్ ఏస్ 5 సిరీస్: స్పెసిఫికేషన్లు, ఫీచర్లు..

స్పెసిఫికేషన్ల పరంగా ఏస్ 5, ఏస్ 5 ప్రో పలు ఫీచర్లను పంచుకోనున్నాయి. ఈ రెండు మోడళ్లలో 6.78 ఇంచ్​ ఫ్లాట్ బీఓఈ ఎక్స్2 ఎల్టీపీఓ ఓఎల్ఈడీ డిస్​ప్లే, 1.5కే రిజల్యూషన్, 120 హెర్ట్జ్ రిఫ్రెష్ రేట్, ఆప్టికల్ ఇన్ స్క్రీన్ ఫింగర్ ప్రింట్ స్కానర్ ఉంటాయని సమాచారం. ఆండ్రాయిడ్ 15 ఆధారిత కలర్ఓఎస్ 15 ఆపరేటింగ్ సిస్టంపై ఈ రెండు ఫోన్లు పనిచేయనుండగా, ఇందులో ఐఆర్ బ్లాస్టర్, అలర్ట్ స్లైడర్, డ్యూయెల్ స్పీకర్లు, మెటల్ మిడిల్ ఫ్రేమ్ ఉన్నాయి.

సెల్ఫీల కోసం, రెండు డివైజ్లలో 16 మెగాపిక్సెల్ ఫ్రంట్ కెమెరా ఉండవచ్చు. ఏస్ 5 ప్రో స్మార్ట్​ఫోన్​ వెనుక భాగంలో ట్రిపుల్ కెమెరా సెటప్ ఉంటుందని అంచనాలు ఉన్నాయి. వీటిలో ఆప్టికల్ ఇమేజ్ స్టెబిలైజేషన్ (ఓఐఎస్) తో కూడిన 50 మెగాపిక్సెల్ ప్రధాన కెమెరా, 8 మెగాపిక్సెల్ అల్ట్రా-వైడ్ సెన్సార్, 2 మెగాపిక్సెల్ మాక్రో లెన్స్ ఉన్నాయి.

వన్​ప్లస్ ఏస్ 5 స్నాప్​డ్రాగన్ 8 జెన్ 3 ప్రాసెసర్​తో పనిచేస్తుంది. ఇది 6,400 ఎంఏహెచ్ బ్యాటరీ, 80 వాట్ ఫాస్ట్ ఛార్జింగ్​తో కనెక్ట్​ చేసి ఉంటుంది. వన్​ప్లస్ ఏస్ 5 ప్రోలో స్నాప్​డ్రాగన్ 8 ఎలైట్ చిప్, 6,100 ఎంఏహెచ్ బ్యాటరీ, 100వాట్ ర్యాపిడ్ ఛార్జింగ్ సపోర్ట్ వంటివి ఉంటాయి.

వీటి ధరలేంటి? ఈ గ్యాడ్జెట్స్​ ఇండియాలో ఎప్పుడు లాంచ్​ అవుతాయి? వంటి వివరాలను సంస్థ ఇంకా వెల్లడించలేదు.